| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. чаббаан̣агобамасуд̇д̇аван̣н̣анаа
10. Chappāṇakopamasuttavaṇṇanā
247. д̣̇асамз аруг̇ад̇д̇од̇и ван̣асарийро. д̇зсам̣язва аруунам̣ баггад̇д̇аа баггаг̇ад̇д̇о. саравананд̇и ган̣д̣аванам̣. звамзва код̇и аруг̇ад̇д̇о бурисо вияа д̣̇уссийлабуг̇г̇ало взд̣̇ид̇аб̣б̣о. д̇асса гусаган̣дагзхи вид̣̇д̇хасса сарабад̇д̇зхи жа асид̇хааруубамзхи виликид̇аг̇ад̇д̇асса бхияяосомад̇д̇ааяа д̣̇угкад̣̇оманассам̣ вияа д̇ад̇т̇а д̇ад̇т̇а саб̣рахмажаарийхи ‘‘аяам̣ со имзсан̃жа имзсан̃жа гаммаанам̣ гаараго’’д̇и вужжамаанасса уббаж̇ж̇анад̣̇угкам̣ взд̣̇ид̇аб̣б̣ам̣.
247. Dasame arugattoti vaṇasarīro. Tesaṃyeva arūnaṃ pakkattā pakkagatto. Saravananti kaṇḍavanaṃ. Evameva khoti arugatto puriso viya dussīlapuggalo veditabbo. Tassa kusakaṇṭakehi viddhassa sarapattehi ca asidhārūpamehi vilikhitagattassa bhiyyosomattāya dukkhadomanassaṃ viya tattha tattha sabrahmacārīhi ‘‘ayaṃ so imesañca imesañca kammānaṃ kārako’’ti vuccamānassa uppajjanadukkhaṃ veditabbaṃ.
лабхад̇и вад̇д̇ааранд̇и лабхад̇и жод̣̇агам̣. звам̣гаарийд̇и зваруубаанам̣ взж̇ж̇агаммад̣̇ууд̇агаммаад̣̇ийнам̣ гаараго. звам̣самаажаарод̇и вид̇хаваа г̇ожараад̣̇ивасзна зваруубаг̇ожаро. асужиг̇аамаган̣дагод̇и асуд̣̇д̇хадтзна асужи, г̇аамаваасийнам̣ виж̇жханадтзна ган̣дагод̇и г̇аамаган̣даго.
Labhati vattāranti labhati codakaṃ. Evaṃkārīti evarūpānaṃ vejjakammadūtakammādīnaṃ kārako. Evaṃsamācāroti vidhavā gocarādivasena evarūpagocaro. Asucigāmakaṇṭakoti asuddhaṭṭhena asuci, gāmavāsīnaṃ vijjhanaṭṭhena kaṇṭakoti gāmakaṇṭako.
багкинд̇и хад̇т̇исон̣д̣асагун̣ам̣. оссаж̇ж̇зяяаад̇и виссаж̇ж̇зяяа. аавин̃чзяяунд̇и аагад̣дхзяяум̣. бавзгкаамийд̇и бависиссаами. аагаасам̣ д̣зссаамийд̇и аагаасам̣ уббад̇иссаами.
Pakkhinti hatthisoṇḍasakuṇaṃ. Ossajjeyyāti vissajjeyya. Āviñcheyyunti ākaḍḍheyyuṃ. Pavekkhāmīti pavisissāmi. Ākāsaṃ ḍessāmīti ākāsaṃ uppatissāmi.
зд̇зсу бана ахи ‘‘бхог̇зхи ман̣д̣алам̣ б̣анд̇хид̇ваа субиссаамий’’д̇и ваммигам̣ бависид̇угаамо ход̇и. сусумааро ‘‘д̣̇уурз б̣илам̣ бависид̇ваа нибаж̇ж̇иссаамий’’д̇и уд̣̇агам̣ бависид̇угаамо ход̇и. багкий ‘‘аж̇адаагаасз сукам̣ вижариссаамий’’д̇и аагаасам̣ д̣зд̇угаамо ход̇и. гуггуро ‘‘уд̣̇д̇ханадтаанз чааригам̣ б̣яуухид̇ваа усумам̣ г̇ан̣ханд̇о нибаж̇ж̇иссаамий’’д̇и г̇аамам̣ бависид̇угаамо ход̇и. син̇г̇аало ‘‘мануссамам̣сам̣ каад̣̇ид̇ваа бидтим̣ басаарзд̇ваа саяиссаамий’’д̇и аамагасусаанам̣ бависид̇угаамо ход̇и. маггадо ‘‘ужжз ругкз абхирухид̇ваа д̣̇исаад̣̇исам̣ багканд̣̇иссаамий’’д̇и ванам̣ бависид̇угаамо ход̇и.
Etesu pana ahi ‘‘bhogehi maṇḍalaṃ bandhitvā supissāmī’’ti vammikaṃ pavisitukāmo hoti. Susumāro ‘‘dūre bilaṃ pavisitvā nipajjissāmī’’ti udakaṃ pavisitukāmo hoti. Pakkhī ‘‘ajaṭākāse sukhaṃ vicarissāmī’’ti ākāsaṃ ḍetukāmo hoti. Kukkuro ‘‘uddhanaṭṭhāne chārikaṃ byūhitvā usumaṃ gaṇhanto nipajjissāmī’’ti gāmaṃ pavisitukāmo hoti. Siṅgālo ‘‘manussamaṃsaṃ khāditvā piṭṭhiṃ pasāretvā sayissāmī’’ti āmakasusānaṃ pavisitukāmo hoti. Makkaṭo ‘‘ucce rukkhe abhiruhitvā disādisaṃ pakkhandissāmī’’ti vanaṃ pavisitukāmo hoti.
анувид̇хааязяяунд̇и ануг̇ажчзяяум̣, анувид̇хиязяяунд̇иби баато, анувид̇хаанам̣ аабаж̇ж̇зяяунд̇и ад̇т̇о. яад̇т̇а со яаад̇и, д̇ад̇т̇зва г̇ажчзяяунд̇и вуд̇д̇ам̣ ход̇и. звамзваад̇и зд̇т̇а ча баан̣агаа вияа чааяад̇анаани д̣̇адтаб̣б̣аани, д̣̇ал̣хараж̇ж̇у вияа д̇ан̣хаа, маж̇жхз г̇ан̣ти вияа авиж̇ж̇аа. яасмим̣ яасмим̣ д̣̇ваарз аарамман̣ам̣ б̣алавам̣ ход̇и, д̇ам̣ д̇ам̣ ааяад̇анам̣ д̇асмим̣ д̇асмим̣ аарамман̣з аавин̃чад̇и.
Anuvidhāyeyyunti anugaccheyyuṃ, anuvidhiyeyyuntipi pāṭho, anuvidhānaṃ āpajjeyyunti attho. Yattha so yāti, tattheva gaccheyyunti vuttaṃ hoti. Evamevāti ettha cha pāṇakā viya chāyatanāni daṭṭhabbāni, daḷharajju viya taṇhā, majjhe gaṇṭhi viya avijjā. Yasmiṃ yasmiṃ dvāre ārammaṇaṃ balavaṃ hoti, taṃ taṃ āyatanaṃ tasmiṃ tasmiṃ ārammaṇe āviñchati.
имам̣ бана убамам̣ бхаг̇аваа саригкагзна ваа аахарзяяа ааяад̇анаанам̣ ваа наанад̇д̇ад̣̇ассанавасзна. д̇ад̇т̇а саригкагзна д̇аава висум̣ аббанаагижжам̣ над̇т̇и, баал̣ияам̣язва аббид̇аа. ааяад̇анаанам̣ наанад̇д̇ад̣̇ассанзна бана аяам̣ аббанаа – ахи наамзса б̣ахи сид̇д̇асаммадтз таанз наабхирамад̇и, сан̇гаарадтаанад̇ин̣абан̣н̣аг̇аханаваммигааниязва бана бависид̇ваа нибаннагаалз абхирамад̇и, згаг̇г̇ад̇ам̣ аабаж̇ж̇ад̇и. звамзва жагкубзд̇ам̣ висамаж̇жхаасаяам̣, мадтаасу суван̣н̣абхид̇д̇иаад̣̇ийсу наабхирамад̇и, ологзд̇умби на ижчад̇и, руубажид̇д̇абубпалад̇аад̣̇ивижид̇д̇зсуязва бана абхирамад̇и. д̇аад̣̇исзсу хи таанзсу жагкумхи аббахонд̇з мукамби виварид̇ваа ологзд̇угаамо ход̇и.
Imaṃ pana upamaṃ bhagavā sarikkhakena vā āhareyya āyatanānaṃ vā nānattadassanavasena. Tattha sarikkhakena tāva visuṃ appanākiccaṃ natthi, pāḷiyaṃyeva appitā. Āyatanānaṃ nānattadassanena pana ayaṃ appanā – ahi nāmesa bahi sittasammaṭṭhe ṭhāne nābhiramati, saṅkāraṭṭhānatiṇapaṇṇagahanavammikāniyeva pana pavisitvā nipannakāle abhiramati, ekaggataṃ āpajjati. Evameva cakkhupetaṃ visamajjhāsayaṃ, maṭṭhāsu suvaṇṇabhittiādīsu nābhiramati, oloketumpi na icchati, rūpacittapupphalatādivicittesuyeva pana abhiramati. Tādisesu hi ṭhānesu cakkhumhi appahonte mukhampi vivaritvā oloketukāmo hoti.
сусумаароби б̣ахи нигканд̇о г̇ахзд̇аб̣б̣ам̣ на бассад̇и, агким̣ нимийлзд̇ваа жарад̇и. яад̣̇аа бана б̣яаамасад̇амад̇д̇ам̣ уд̣̇агам̣ ог̇аахид̇ваа б̣илам̣ бависид̇ваа нибанно ход̇и, д̇ад̣̇аа д̇асса жид̇д̇ам̣ згаг̇г̇ам̣ ход̇и, сукам̣ субад̇и. звамзва сод̇амбзд̇ам̣ б̣илаж̇жхаасаяам̣ аагаасасанниссид̇ам̣, ган̣н̣ажчид̣̇д̣̇агуубагзязва аж̇жхаасаяам̣ гарод̇и, ган̣н̣ажчид̣̇д̣̇аагаасоязва д̇асса сад̣̇д̣̇асаванз бажжаяо ход̇и. аж̇адаагаасоби ваддад̇иязва. анд̇олзн̣асмин̃хи саж̇жхааяз гаяирамаанз на лзн̣ажчад̣̇анам̣ бхинд̣̇ид̇ваа сад̣̇д̣̇о б̣ахи нигкамад̇и, д̣̇ваараваад̇абааначид̣̇д̣̇зхи бана нигкамид̇ваа д̇хаад̇убарамбараа гхаддзнд̇о ааг̇анд̇ваа сод̇абасаад̣̇ам̣ гхаддзд̇и. ат̇а д̇асмим̣ гаалз ‘‘асугам̣ наама саж̇жхааяад̇ий’’д̇и лзн̣абидтз нисиннаа ж̇аананд̇и.
Susumāropi bahi nikkhanto gahetabbaṃ na passati, akkhiṃ nimīletvā carati. Yadā pana byāmasatamattaṃ udakaṃ ogāhitvā bilaṃ pavisitvā nipanno hoti, tadā tassa cittaṃ ekaggaṃ hoti, sukhaṃ supati. Evameva sotampetaṃ bilajjhāsayaṃ ākāsasannissitaṃ, kaṇṇacchiddakūpakeyeva ajjhāsayaṃ karoti, kaṇṇacchiddākāsoyeva tassa saddasavane paccayo hoti. Ajaṭākāsopi vaṭṭatiyeva. Antoleṇasmiñhi sajjhāye kayiramāne na leṇacchadanaṃ bhinditvā saddo bahi nikkhamati, dvāravātapānachiddehi pana nikkhamitvā dhātuparamparā ghaṭṭento āgantvā sotapasādaṃ ghaṭṭeti. Atha tasmiṃ kāle ‘‘asukaṃ nāma sajjhāyatī’’ti leṇapiṭṭhe nisinnā jānanti.
звам̣ санд̇з самбад̇д̇аг̇ожарад̇аа ход̇и, гим̣ банзд̇ам̣ самбад̇д̇аг̇ожаранд̇и? аама самбад̇д̇аг̇ожарам̣. яад̣̇и звам̣ д̣̇уурз бхзриаад̣̇ийсу важ̇ж̇амаанзсу ‘‘д̣̇уурз сад̣̇д̣̇о’’д̇и ж̇аананам̣ на бхавзяяаад̇и. но на бхавад̇и. сод̇абасаад̣̇асмин̃хи гхаддид̇з ‘‘д̣̇уурз сад̣̇д̣̇о, аасаннз сад̣̇д̣̇о, барад̇ийрз оримад̇ийрз’’д̇и д̇ат̇аа д̇ат̇аа ж̇аананаагааро ход̇и, д̇хаммад̇аа зсаад̇и. гим̣ зд̇ааяа д̇хаммад̇ааяа? яад̇о яад̇о чид̣̇д̣̇ам̣, д̇ад̇о д̇ад̇о саванам̣ ход̇и жанд̣̇имасуурияаад̣̇ийнам̣ д̣̇ассанам̣ вияаад̇и асамбад̇д̇аг̇ожарамзвзд̇ам̣.
Evaṃ sante sampattagocaratā hoti, kiṃ panetaṃ sampattagocaranti? Āma sampattagocaraṃ. Yadi evaṃ dūre bheriādīsu vajjamānesu ‘‘dūre saddo’’ti jānanaṃ na bhaveyyāti. No na bhavati. Sotapasādasmiñhi ghaṭṭite ‘‘dūre saddo, āsanne saddo, paratīre orimatīre’’ti tathā tathā jānanākāro hoti, dhammatā esāti. Kiṃ etāya dhammatāya? Yato yato chiddaṃ, tato tato savanaṃ hoti candimasūriyādīnaṃ dassanaṃ viyāti asampattagocaramevetaṃ.
багкийби ругкз ваа бхуумияам̣ ваа на рамад̇и. яад̣̇аа бана згам̣ ваа д̣̇вз ваа лзд̣д̣убаад̇з ад̇иггамма аж̇адаагаасам̣ багканд̣̇о ход̇и, д̇ад̣̇аа згаг̇г̇ажид̇д̇ад̇ам̣ аабаж̇ж̇ад̇и. звамзва гхаанамби аагаасаж̇жхаасаяам̣ ваад̇уубаниссаяаг̇анд̇хаг̇ожарам̣. д̇ат̇аа хи г̇ааво нававудтз д̣̇звз бхуумим̣ гхааяид̇ваа гхааяид̇ваа аагаасаабхимуко худ̇ваа ваад̇ам̣ аагад̣дханд̇и. ан̇г̇улийхи г̇анд̇хабин̣д̣ам̣ г̇ахзд̇вааби жа убасин̇гханагаалз ваад̇ам̣ анаагад̣дханд̇о нзва д̇асса г̇анд̇хам̣ ж̇аанаад̇и.
Pakkhīpi rukkhe vā bhūmiyaṃ vā na ramati. Yadā pana ekaṃ vā dve vā leḍḍupāte atikkamma ajaṭākāsaṃ pakkhando hoti, tadā ekaggacittataṃ āpajjati. Evameva ghānampi ākāsajjhāsayaṃ vātūpanissayagandhagocaraṃ. Tathā hi gāvo navavuṭṭhe deve bhūmiṃ ghāyitvā ghāyitvā ākāsābhimukho hutvā vātaṃ ākaḍḍhanti. Aṅgulīhi gandhapiṇḍaṃ gahetvāpi ca upasiṅghanakāle vātaṃ anākaḍḍhanto neva tassa gandhaṃ jānāti.
гуггуроби б̣ахи жаранд̇о кзмадтаанам̣ на бассад̇и, лзд̣д̣уд̣̇ан̣д̣аад̣̇ийхи убад̣̇д̣̇уд̇о ход̇и. анд̇ог̇аамам̣ бависид̇ваа уд̣̇д̇ханадтаанз чааригам̣ б̣яуухид̇ваа нибаннасса банасса паасу ход̇и. звамзва ж̇ивхааби г̇аамаж̇жхаасаяаа аабосанниссид̇арасаарамман̣аа. д̇ат̇аа хи д̇ияаамарад̇д̇им̣ саман̣ад̇хаммам̣ гад̇вааби баад̇ова бад̇д̇ажийварамаад̣̇ааяа г̇аамам̣ бависид̇аб̣б̣ам̣ ход̇и. сугкакаад̣̇анийяасса жа на саггаа кзл̣зна ад̇змид̇асса расам̣ ж̇аанид̇ум̣.
Kukkuropi bahi caranto khemaṭṭhānaṃ na passati, leḍḍudaṇḍādīhi upadduto hoti. Antogāmaṃ pavisitvā uddhanaṭṭhāne chārikaṃ byūhitvā nipannassa panassa phāsu hoti. Evameva jivhāpi gāmajjhāsayā āposannissitarasārammaṇā. Tathā hi tiyāmarattiṃ samaṇadhammaṃ katvāpi pātova pattacīvaramādāya gāmaṃ pavisitabbaṃ hoti. Sukkhakhādanīyassa ca na sakkā kheḷena atemitassa rasaṃ jānituṃ.
син̇г̇аалоби б̣ахи жаранд̇о рад̇им̣ на винд̣̇ад̇и, аамагасусаанз мануссамам̣сам̣ каад̣̇ид̇ваа нибаннассзва банасса паасу ход̇и. звамзва гааяоби убаад̣̇ин̣н̣агаж̇жхаасаяо бат̇авийсанниссид̇аподтаб̣б̣аарамман̣о. д̇ат̇аа хи ан̃н̃ам̣ убаад̣̇ин̣н̣агам̣ алабхамаанаа сад̇д̇аа ад̇д̇анова хад̇т̇ад̇алз сийсам̣ гад̇ваа нибаж̇ж̇анд̇и. аж̇жхад̇д̇игаб̣аахираа жасса бат̇авий аарамман̣аг̇г̇ахан̣з бажжаяо ход̇и. сусант̇ад̇ассааби хи саяанасса хздтаатид̇аанамби ваа палагаанам̣ на саггаа анисийд̣̇анд̇зна ваа ануббийл̣анд̇зна ваа т̇ад̣̇д̇хамуд̣̇убхааво ж̇аанид̇унд̇и аж̇жхад̇д̇игаб̣аахираа бат̇авий зд̇асса подтаб̣б̣аж̇аананз бажжаяо ход̇и.
Siṅgālopi bahi caranto ratiṃ na vindati, āmakasusāne manussamaṃsaṃ khāditvā nipannasseva panassa phāsu hoti. Evameva kāyopi upādiṇṇakajjhāsayo pathavīsannissitaphoṭṭhabbārammaṇo. Tathā hi aññaṃ upādiṇṇakaṃ alabhamānā sattā attanova hatthatale sīsaṃ katvā nipajjanti. Ajjhattikabāhirā cassa pathavī ārammaṇaggahaṇe paccayo hoti. Susanthatassāpi hi sayanassa heṭṭhāṭhitānampi vā phalakānaṃ na sakkā anisīdantena vā anuppīḷantena vā thaddhamudubhāvo jānitunti ajjhattikabāhirā pathavī etassa phoṭṭhabbajānane paccayo hoti.
маггадоби бхуумияам̣ вижаранд̇о наабхирамад̇и, хад̇т̇асад̇уб̣б̣зд̇хам̣ банасса ругкам̣ ааруяха видабабидтз нисийд̣̇ид̇ваа д̣̇исаавид̣̇исаа ологзнд̇ассзва паасуго ход̇и. звам̣ маноби наанаж̇жхаасаяо бхаван̇г̇абажжаяо, д̣̇идтабуб̣б̣зби наанаарамман̣аж̇жхаасаяам̣ гарод̇иязва муулабхаван̇г̇ам̣ банасса бажжаяо ход̇ийд̇и аяамзд̇т̇а сан̇кзбо, вид̇т̇аарзна бана ааяад̇анаанам̣ наанад̇д̇ам̣ висуд̣̇д̇химаг̇г̇з ааяад̇ананид̣̇д̣̇зсз вуд̇д̇амзва.
Makkaṭopi bhūmiyaṃ vicaranto nābhiramati, hatthasatubbedhaṃ panassa rukkhaṃ āruyha viṭapapiṭṭhe nisīditvā disāvidisā olokentasseva phāsuko hoti. Evaṃ manopi nānajjhāsayo bhavaṅgapaccayo, diṭṭhapubbepi nānārammaṇajjhāsayaṃ karotiyeva mūlabhavaṅgaṃ panassa paccayo hotīti ayamettha saṅkhepo, vitthārena pana āyatanānaṃ nānattaṃ visuddhimagge āyatananiddese vuttameva.
д̇ам̣ жагку наавин̃чад̇ийд̇и д̇ан̣хаараж̇ж̇угаанам̣ ааяад̇анабаан̣агаанам̣ гааяаг̇ад̇аасад̇ит̇амбхз б̣ад̣̇д̇хаанам̣ ниб̣б̣исзванабхаавам̣ аабаннад̇д̇аа наагад̣дхад̇ийд̇и имасмим̣ суд̇д̇з буб̣б̣абхааг̇авибассанаава гат̇ид̇аа.
Taṃ cakkhu nāviñchatīti taṇhārajjukānaṃ āyatanapāṇakānaṃ kāyagatāsatithambhe baddhānaṃ nibbisevanabhāvaṃ āpannattā nākaḍḍhatīti imasmiṃ sutte pubbabhāgavipassanāva kathitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. чаббаан̣агобамасуд̇д̇ам̣ • 10. Chappāṇakopamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. чаббаан̣агобамасуд̇д̇аван̣н̣анаа • 10. Chappāṇakopamasuttavaṇṇanā
