| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. чаббаан̣агобамасуд̇д̇аван̣н̣анаа
10. Chappāṇakopamasuttavaṇṇanā
247. ван̣асарийрод̇и ван̣ид̇асарийро. баггад̇д̇аад̇и гут̇ид̇ад̇д̇аа. сарад̣̇ан̣д̣зсу сарасаман̃н̃аад̇и ган̣д̣а-сад̣̇д̣̇о сарабарияааяод̇и ааха – ‘‘саравананд̇и ган̣д̣авана’’нд̇и. аруг̇ад̇д̇о…бз… взд̣̇ид̇аб̣б̣о г̇ун̣асарийрасса кан̣д̣ачид̣̇д̣̇асийлаад̣̇ийхи хздтаа маж̇жхз убарибхааг̇з жа бхзд̣̇ависамажчиннавигаарад̣̇осад̇д̇аа. зд̇т̇а гусаа ‘‘ган̣дагаа’’д̇и ад̇хиббзд̇аа ган̣дагасад̣̇исад̇д̇аа, гусад̇ин̣аанам̣ зва ваа вуд̇д̇аагаарабад̣̇зсо ‘‘гусаган̣даго’’д̇и вуд̇д̇о.
247.Vaṇasarīroti vaṇitasarīro. Pakkattāti kuthitattā. Saradaṇḍesu sarasamaññāti kaṇḍa-saddo sarapariyāyoti āha – ‘‘saravananti kaṇḍavana’’nti. Arugatto…pe… veditabbo guṇasarīrassa khaṇḍachiddasīlādīhi heṭṭhā majjhe uparibhāge ca bhedavisamacchinnavikāradosattā. Ettha kusā ‘‘kaṇṭakā’’ti adhippetā kaṇṭakasadisattā, kusatiṇānaṃ eva vā vuttākārapadeso ‘‘kusakaṇṭako’’ti vutto.
г̇аамаваасийнам̣ виж̇жханадтзнаад̇и наарахова худ̇ваа д̇зсам̣ гаараанам̣ бадиг̇г̇ахан̣авасзна бийл̣анадтзна.
Gāmavāsīnaṃ vijjhanaṭṭhenāti nārahova hutvā tesaṃ kārānaṃ paṭiggahaṇavasena pīḷanaṭṭhena.
багкинд̇и хад̇т̇илин̇г̇асагун̣ам̣. д̇асса гира хад̇т̇исон̣д̣асад̣̇исам̣ мукам̣, д̇асмаа ‘‘хад̇т̇исон̣д̣асагун̣а’’нд̇и вуд̇д̇ам̣. виссаж̇ж̇зяяаад̇и раж̇ж̇уяаа яат̇ааб̣ад̣̇д̇хам̣ зва виссаж̇ж̇зяяа.
Pakkhinti hatthiliṅgasakuṇaṃ. Tassa kira hatthisoṇḍasadisaṃ mukhaṃ, tasmā ‘‘hatthisoṇḍasakuṇa’’nti vuttaṃ. Vissajjeyyāti rajjuyā yathābaddhaṃ eva vissajjeyya.
бхог̇зхийд̇и ад̇д̇ано сарийрабхог̇зхи. ман̣д̣алам̣ б̣анд̇хид̇ваад̇и яат̇аа сарийрам̣ ман̣д̣алаагаарзна д̇идтад̇и, звам̣ гад̇ваа. субиссаамийд̇и нид̣̇д̣̇ам̣ оггамиссаами. д̣зд̇угаамод̇и уббад̇ид̇угаамо. д̣̇исаа д̣̇исанд̇и д̣̇исад̇о д̣̇исам̣.
Bhogehīti attano sarīrabhogehi. Maṇḍalaṃ bandhitvāti yathā sarīraṃ maṇḍalākārena tiṭṭhati, evaṃ katvā. Supissāmīti niddaṃ okkamissāmi. Ḍetukāmoti uppatitukāmo. Disā disanti disato disaṃ.
ча баан̣агаа вияа ча ааяад̇анаани наанаж̇жхаасаяад̇д̇аа, наанаж̇жхаасаяад̇аа жа нзсам̣ наанаависаяаниннад̇ааяа д̣̇адтаб̣б̣аа. д̣̇ал̣хараж̇ж̇у вияа д̇ан̣хаа д̇зсам̣ б̣анд̇ханад̇о. маж̇жхз г̇ан̣ти вияа авиж̇ж̇аа б̣анд̇ханасса д̣̇уб̣б̣инимможанахзд̇уд̇о. аарамман̣ам̣ б̣алавам̣ ход̇и манун̃н̃абхаавзна жзва д̇ад̇т̇а д̇ан̣хаабхинивзсасса д̣̇ал̣хабхаавзна жа.
Cha pāṇakā viya cha āyatanāni nānajjhāsayattā, nānajjhāsayatā ca nesaṃ nānāvisayaninnatāya daṭṭhabbā. Daḷharajju viya taṇhā tesaṃ bandhanato. Majjhe gaṇṭhi viya avijjā bandhanassa dubbinimmocanahetuto. Ārammaṇaṃ balavaṃ hoti manuññabhāvena ceva tattha taṇhābhinivesassa daḷhabhāvena ca.
саригкагзна ваа убамааяа аахаран̣абагкз. аббанаад̇и сам̣санд̣̇анаа. баал̣ияам̣язва аббид̇аа убамаа ‘‘звамзва ко’’д̇иаад̣̇инаа. руубажид̇д̇аад̣̇ивисаманиннад̇д̇аа жагкусса висамаж̇жхаасаяад̇аа. зса наяо сзсзсуби.
Sarikkhakena vā upamāya āharaṇapakkhe. Appanāti saṃsandanā. Pāḷiyaṃyeva appitā upamā ‘‘evameva kho’’tiādinā. Rūpacittādivisamaninnattā cakkhussa visamajjhāsayatā. Esa nayo sesesupi.
ган̣н̣ажчид̣̇д̣̇агуубагзд̇и ган̣н̣ажчид̣̇д̣̇асан̃н̃ид̇з ааваадз. д̇ассаад̇и сод̇асса. бажжаяо ход̇ийд̇и убаниссаяо ход̇и д̇зна винаа сад̣̇д̣̇аг̇г̇ахан̣асса абхаавад̇о. ‘‘аж̇адаагаасоби ваддад̇и зваа’’д̇и вад̇ваа д̇асса бажжаяабхаавам̣ д̣̇ассзд̇ум̣ ‘‘анд̇олзн̣асми’’нд̇иаад̣̇и вуд̇д̇ам̣. д̇хаад̇убарамбараа гхаддзнд̇од̇и бхууд̇абарамбараасан̇гхаддзнд̇о.
Kaṇṇacchiddakūpaketi kaṇṇacchiddasaññite āvāṭe. Tassāti sotassa. Paccayo hotīti upanissayo hoti tena vinā saddaggahaṇassa abhāvato. ‘‘Ajaṭākāsopi vaṭṭati evā’’ti vatvā tassa paccayabhāvaṃ dassetuṃ ‘‘antoleṇasmi’’ntiādi vuttaṃ. Dhātuparamparā ghaṭṭentoti bhūtaparamparāsaṅghaṭṭento.
звам̣ санд̇зд̇и звам̣ бхууд̇абарамбараавасзна сад̣̇д̣̇з сод̇абат̇амааг̇ажчанд̇з. самбад̇д̇аг̇ожарад̇аа ход̇и сод̇асса. гхаанаад̣̇ийнам̣ вияа ‘‘д̣̇уурз сад̣̇д̣̇о’’д̇и ж̇аананам̣ на самбхавзяяа самбад̇д̇аг̇аахибхаавад̇о. д̇ат̇аа д̇ат̇аа ж̇аананаагааро ход̇и мановин̃н̃аан̣асса г̇ахан̣аагаарависзсад̇о. сод̇авин̃н̃аан̣аббавад̇д̇и бана убхаяад̇т̇а самаанаава. д̣̇уурз тид̇оби сад̣̇д̣̇о д̇аад̣̇исз таанз бадигхосаад̣̇ийнам̣ бажжаяо ход̇и аяоганд̇о вияа аяожаланассаад̇и д̣̇адтаб̣б̣ам̣. д̇хаммад̇аад̇и д̇хаммасабхааво, сад̣̇д̣̇асса со сабхаавод̇и ад̇т̇о. д̇ад̇о д̇ад̇о саванам̣ ход̇и аагаасасан̃н̃ид̇асса убаниссаяасса лаб̣бханад̇о. яад̣̇и бана сод̇ам̣ самбад̇д̇аг̇аахий сияаа, жид̇д̇асамудтаанасад̣̇д̣̇о сод̇авин̃н̃аан̣асса аарамман̣абажжаяо на сияаа. бадтаанз жа ависзсзна ‘‘сад̣̇д̣̇ааяад̇анам̣ сод̇авин̃н̃аан̣асса аарамман̣абажжаязна бажжаяо’’д̇и вуд̇д̇о, б̣ахид̣̇д̇хаа жа жид̇д̇аж̇асса сад̣̇д̣̇асса самбхаво над̇т̇и. ат̇а ваа жид̇д̇аж̇о сад̣̇д̣̇о д̇хаад̇убарамбарааяа сод̇абасаад̣̇ам̣ гхаддзд̇и, на со жид̇д̇аж̇о сад̣̇д̣̇о, яо барамбарааяа бавад̇д̇о. уд̇уж̇о хи со, д̇асмаа яат̇уббанно сад̣̇д̣̇о, д̇ад̇т̇а тид̇ова сод̇абасаад̣̇асса аабаат̇ам̣ ааг̇ажчад̇ийд̇и нидтамзд̇т̇а г̇анд̇аб̣б̣ам̣. д̇зна вуд̇д̇ам̣ ‘‘асамбад̇д̇аг̇ожарамзвзд̇а’’нд̇и.
Evaṃ santeti evaṃ bhūtaparamparāvasena sadde sotapathamāgacchante. Sampattagocaratā hoti sotassa. Ghānādīnaṃ viya ‘‘dūre saddo’’ti jānanaṃ na sambhaveyya sampattagāhibhāvato. Tathā tathā jānanākāro hoti manoviññāṇassa gahaṇākāravisesato. Sotaviññāṇappavatti pana ubhayattha samānāva. Dūre ṭhitopi saddo tādise ṭhāne paṭighosādīnaṃ paccayo hoti ayokanto viya ayocalanassāti daṭṭhabbaṃ. Dhammatāti dhammasabhāvo, saddassa so sabhāvoti attho. Tato tato savanaṃ hoti ākāsasaññitassa upanissayassa labbhanato. Yadi pana sotaṃ sampattagāhī siyā, cittasamuṭṭhānasaddo sotaviññāṇassa ārammaṇapaccayo na siyā. Paṭṭhāne ca avisesena ‘‘saddāyatanaṃ sotaviññāṇassa ārammaṇapaccayena paccayo’’ti vutto, bahiddhā ca cittajassa saddassa sambhavo natthi. Atha vā cittajo saddo dhātuparamparāya sotapasādaṃ ghaṭṭeti, na so cittajo saddo, yo paramparāya pavatto. Utujo hi so, tasmā yathuppanno saddo, tattha ṭhitova sotapasādassa āpāthaṃ āgacchatīti niṭṭhamettha gantabbaṃ. Tena vuttaṃ ‘‘asampattagocarameveta’’nti.
д̇ад̣̇аа згаг̇г̇ажид̇д̇ад̇ам̣ аабаж̇ж̇ад̇и бариссаяаанам̣ абхаавад̇о. наасажчид̣̇д̣̇асан̇каад̇ааагаасасанниссаяз вад̇д̇анад̇о гхаанам̣ аагаасаж̇жхаасаяам̣ вуд̇д̇ам̣. ваад̇зна винаа г̇анд̇хаг̇ахан̣асса асамбхавад̇о ваад̇уубаниссаяаг̇анд̇хаг̇ожарам̣. д̇знааха ‘‘д̇ат̇аа хий’’д̇иаад̣̇и.
Tadā ekaggacittataṃ āpajjati parissayānaṃ abhāvato. Nāsacchiddasaṅkhātaākāsasannissaye vattanato ghānaṃ ākāsajjhāsayaṃ vuttaṃ. Vātena vinā gandhagahaṇassa asambhavato vātūpanissayagandhagocaraṃ. Tenāha ‘‘tathā hī’’tiādi.
г̇аамад̇о лад̣̇д̇хаб̣б̣ам̣ аахаарам̣ г̇аамам̣, д̇анниннад̇ааяа г̇аамаж̇жхаасаяад̇аа вуд̇д̇аа. д̇ат̇аа хи ж̇ийвид̇анимид̇д̇ам̣ расо ж̇ийвид̇ам̣, д̇асмим̣ ниннад̇ааяа д̇ам̣ авхааяад̇ийд̇и ж̇ивхаа. на саггаа кзл̣зна ад̇змид̇асса расам̣ ж̇аанид̇ум̣, д̇асмаа аабосанниссид̇арасаарамман̣аа ж̇ивхаад̇и.
Gāmato laddhabbaṃ āhāraṃ gāmaṃ, tanninnatāya gāmajjhāsayatā vuttā. Tathā hi jīvitanimittaṃ raso jīvitaṃ, tasmiṃ ninnatāya taṃ avhāyatīti jivhā. Na sakkā kheḷena atemitassa rasaṃ jānituṃ, tasmā āposannissitarasārammaṇā jivhāti.
аамагасусаанад̇о б̣ахи. убаад̣̇ин̣н̣агаж̇жхаасаяод̇и убаад̣̇ин̣н̣аганинно. гааяабасаад̣̇асанниссаяабхууд̇ааяа бат̇авияаа подтаб̣б̣аарамман̣з гхадид̇з зва д̇ад̇т̇а вин̃н̃аан̣уббад̇д̇и, на ан̃н̃ат̇аад̇и вуд̇д̇ам̣ ‘‘бат̇авийсанниссид̇аподтаб̣б̣аарамман̣о’’д̇и. д̇ат̇аа хийд̇иаад̣̇и гааяасса убаад̣̇ин̣н̣агаж̇жхаасаяад̇ааяа саад̇хагам̣ . аж̇жхад̇д̇игаб̣аахираад̇и аж̇жхад̇д̇игаа б̣аахираа ваа. ассаад̇и гааяасса. сусант̇ад̇ассаад̇иаад̣̇и д̇асса бат̇авияаа бажжаяабхаавад̣̇ассанам̣.
Āmakasusānato bahi. Upādiṇṇakajjhāsayoti upādiṇṇakaninno. Kāyapasādasannissayabhūtāya pathaviyā phoṭṭhabbārammaṇe ghaṭite eva tattha viññāṇuppatti, na aññathāti vuttaṃ ‘‘pathavīsannissitaphoṭṭhabbārammaṇo’’ti. Tathā hītiādi kāyassa upādiṇṇakajjhāsayatāya sādhakaṃ . Ajjhattikabāhirāti ajjhattikā bāhirā vā. Assāti kāyassa. Susanthatassātiādi tassa pathaviyā paccayabhāvadassanaṃ.
наанаж̇жхаасаяод̇и наанаарамман̣анинно. д̇зна манасса маггадасса вияа анавадтид̇ад̇ам̣ д̣̇ассзд̇и. д̇знааха ‘‘д̣̇идтабуб̣б̣збий’’д̇иаад̣̇и. муулабхаван̇г̇аг̇г̇ахан̣зна бидтибхаван̇г̇ам̣ нивад̇д̇зд̇и. ассаад̇и манасса. звам̣ гирияамаяам̣ вин̃н̃аан̣ам̣ д̣̇адтаб̣б̣ам̣. наанад̇д̇анд̇и бхзд̣̇о.
Nānajjhāsayoti nānārammaṇaninno. Tena manassa makkaṭassa viya anavaṭṭhitataṃ dasseti. Tenāha ‘‘diṭṭhapubbepī’’tiādi. Mūlabhavaṅgaggahaṇena piṭṭhibhavaṅgaṃ nivatteti. Assāti manassa. Evaṃ kiriyamayaṃ viññāṇaṃ daṭṭhabbaṃ. Nānattanti bhedo.
яат̇ааружиббавад̇д̇ияаа нивааран̣авасзна б̣ад̣̇д̇хаанам̣. ниб̣б̣исзванабхааванд̇и лолад̇аасан̇каад̇абарибпанд̣̇асса абхаавам̣. наагад̣дхад̇ийд̇и сависаяз руубаарамман̣з жид̇д̇асанд̇аанам̣, д̇ам̣саман̇г̇инам̣ ваа буг̇г̇алам̣ наагад̣дхад̇и. буб̣б̣абхааг̇авибассанаава гат̇ид̇аа ааяад̇анамукзна ‘‘зван̃хи во, бхигкавз, сигкид̇аб̣б̣а’’нд̇и вуд̇д̇ад̇д̇аа.
Yathārucippavattiyā nivāraṇavasena baddhānaṃ. Nibbisevanabhāvanti lolatāsaṅkhātaparipphandassa abhāvaṃ. Nākaḍḍhatīti savisaye rūpārammaṇe cittasantānaṃ, taṃsamaṅginaṃ vā puggalaṃ nākaḍḍhati. Pubbabhāgavipassanāva kathitā āyatanamukhena ‘‘evañhi vo, bhikkhave, sikkhitabba’’nti vuttattā.
чаббаан̣агобамасуд̇д̇аван̣н̣анаа нидтид̇аа.
Chappāṇakopamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. чаббаан̣агобамасуд̇д̇ам̣ • 10. Chappāṇakopamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. чаббаан̣агобамасуд̇д̇аван̣н̣анаа • 10. Chappāṇakopamasuttavaṇṇanā
