| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
7. сан̇гхабхзд̣̇агагканд̇хагам̣
7. Saṅghabhedakakkhandhakaṃ
часагяабаб̣б̣аж̇ж̇аагат̇аа
Chasakyapabbajjākathā
330. сан̇гхабхзд̣̇агагканд̇хагз абхин̃н̃аад̇аа абхин̃н̃аад̇аад̇и баагадаа баагадаа. сагяагумаараа наама гаал̣уд̣̇ааяиббабхуд̇аяо д̣̇аса д̣̇ууд̇аа сад̣̇д̇хим̣ бариваарзхи ан̃н̃з жа б̣ахуу ж̇анаа. амхааганд̇и амхзсу; амхаагам̣ гулад̇од̇и ваа вуд̇д̇ам̣ ход̇и. гхарааваасад̇т̇ам̣ анусаасиссаамийд̇и гхарааваасз яам̣ гад̇д̇аб̣б̣ам̣, д̇ам̣ ж̇аанаабзссаами. уд̣̇агам̣ ниннзд̇аб̣б̣анд̇и яат̇аа уд̣̇агам̣ саб̣б̣адтаанз самам̣ ход̇и, звам̣ гаад̇аб̣б̣ам̣. нид̣̇д̇хаабзд̇аб̣б̣анд̇и д̇ин̣аани уд̣̇д̇харид̇аб̣б̣аани. бхусигаа уд̣̇д̇хараабзд̇аб̣б̣аад̇и сукумабалааламиссад̇хан̃н̃аа балаалигаа балаабзд̇аб̣б̣аа. обунаабзд̇аб̣б̣анд̇и сукумабалаалам̣ абанзд̇аб̣б̣ам̣. д̇ван̃н̃зва гхарааваасад̇т̇зна убаж̇аанаахийд̇и д̇ван̃н̃зва гхарааваасад̇т̇ам̣ ж̇аанаахи. ахам̣ д̇аяаа яат̇аасукам̣ баб̣б̣аж̇аахийд̇и зд̇т̇а ахам̣ д̇аяаа сад̣̇д̇хим̣ баб̣б̣аж̇иссаамийд̇и сахааяасинзхзна сахасаа вад̇д̇угаамо худ̇ваа буна раж̇ж̇асирилобхзна баригад̣дхияамаанахад̣̇аяо ‘‘ахам̣ д̇аяаа’’д̇и зд̇д̇агамзва вад̇ваа сзсам̣ вад̇д̇ум̣ наасагкийд̇и звамад̇т̇о взд̣̇ид̇аб̣б̣о .
330. Saṅghabhedakakkhandhake abhiññātā abhiññātāti pākaṭā pākaṭā. Sakyakumārā nāma kāḷudāyippabhutayo dasa dūtā saddhiṃ parivārehi aññe ca bahū janā. Amhākanti amhesu; amhākaṃ kulatoti vā vuttaṃ hoti. Gharāvāsatthaṃ anusāsissāmīti gharāvāse yaṃ kattabbaṃ, taṃ jānāpessāmi. Udakaṃ ninnetabbanti yathā udakaṃ sabbaṭṭhāne samaṃ hoti, evaṃ kātabbaṃ. Niddhāpetabbanti tiṇāni uddharitabbāni. Bhusikā uddharāpetabbāti sukhumapalālamissadhaññā palālikā palāpetabbā. Opunāpetabbanti sukhumapalālaṃ apanetabbaṃ. Tvaññeva gharāvāsatthena upajānāhīti tvaññeva gharāvāsatthaṃ jānāhi. Ahaṃ tayā yathāsukhaṃ pabbajāhīti ettha ahaṃ tayā saddhiṃ pabbajissāmīti sahāyasinehena sahasā vattukāmo hutvā puna rajjasirilobhena parikaḍḍhiyamānahadayo ‘‘ahaṃ tayā’’ti ettakameva vatvā sesaṃ vattuṃ nāsakkhīti evamattho veditabbo .
331. ниббаад̇ид̇аад̇и нигкамид̇аа. маанассинод̇и маанассаяино; маананиссид̇аад̇и вуд̇д̇ам̣ ход̇и.
331.Nippātitāti nikkhamitā. Mānassinoti mānassayino; mānanissitāti vuttaṃ hoti.
332. яассанд̇арад̇о на санд̇и гобаад̇и д̇ад̇ияамаг̇г̇зна самуухад̇ад̇д̇аа яасса жид̇д̇з гобаа на санд̇и. яасмаа бана бхавод̇и самбад̇д̇и, вибхавод̇и вибад̇д̇и; д̇ат̇аа бхавод̇и вуд̣дхи, вибхавод̇и хаани; бхавод̇и сассад̇ам̣, вибхавод̇и ужчзд̣̇о; бхавод̇и бун̃н̃ам̣, вибхавод̇и баабам̣; вибхавод̇и жа абхавод̇и жа ад̇т̇ад̇о згамзва, д̇асмаа ид̇ибхаваабхавад̇ан̃жа вийд̇ивад̇д̇од̇и зд̇т̇а яаа зсаа самбад̇д̇ивибад̇д̇ивуд̣дхихаанисассад̇ужчзд̣̇абун̃н̃абаабавасзна ид̇и анзгаббагаараа бхаваабхавад̇аа вужжад̇и; жад̇уухиби маг̇г̇зхи яат̇аасамбхавам̣ д̇зна д̇зна наязна д̇ам̣ ид̇ибхаваабхавад̇ан̃жа вийд̇ивад̇д̇од̇и звамад̇т̇о д̣̇адтаб̣б̣о. наанубхаванд̇ийд̇и на самбаабун̣анд̇и; д̇асса д̣̇ассанам̣ д̣̇зваанамби д̣̇уллабханд̇и ад̇хиббааяо.
332.Yassantarato na santi kopāti tatiyamaggena samūhatattā yassa citte kopā na santi. Yasmā pana bhavoti sampatti, vibhavoti vipatti; tathā bhavoti vuḍḍhi, vibhavoti hāni; bhavoti sassataṃ, vibhavoti ucchedo; bhavoti puññaṃ, vibhavoti pāpaṃ; vibhavoti ca abhavoti ca atthato ekameva, tasmā itibhavābhavatañca vītivattoti ettha yā esā sampattivipattivuḍḍhihānisassatucchedapuññapāpavasena iti anekappakārā bhavābhavatā vuccati; catūhipi maggehi yathāsambhavaṃ tena tena nayena taṃ itibhavābhavatañca vītivattoti evamattho daṭṭhabbo. Nānubhavantīti na sampāpuṇanti; tassa dassanaṃ devānampi dullabhanti adhippāyo.
333. ахимзкалигаад̇и ахим̣ гадияам̣ б̣анд̇хид̇ваа. ужчан̇г̇зд̇и ан̇гз.
333.Ahimekhalikāti ahiṃ kaṭiyaṃ bandhitvā. Ucchaṅgeti aṅke.
334. самманнад̇ийд̇и саммаанзд̇и. яам̣ д̇умо гариссад̇ийд̇и яам̣ со гариссад̇и.
334.Sammannatīti sammāneti. Yaṃ tumo karissatīti yaṃ so karissati.
часагяабаб̣б̣аж̇ж̇аагат̇аа нидтид̇аа.
Chasakyapabbajjākathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
часагяабаб̣б̣аж̇ж̇аагат̇аа • Chasakyapabbajjākathā
д̣̇звад̣̇ад̇д̇авад̇т̇у • Devadattavatthu
бан̃жасад̇т̇угат̇аа • Pañcasatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
бан̃жасад̇т̇угат̇ааван̣н̣анаа • Pañcasatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / часагяабаб̣б̣аж̇ж̇аагат̇аад̣̇иван̣н̣анаа • Chasakyapabbajjākathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / часагяабаб̣б̣аж̇ж̇аагат̇аа • Chasakyapabbajjākathā
