| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
7. сан̇гхабхзд̣̇агагканд̇хагам̣
7. Saṅghabhedakakkhandhakaṃ
1. батамабхаан̣авааро
1. Paṭhamabhāṇavāro
часагяабаб̣б̣аж̇ж̇аагат̇аа
Chasakyapabbajjākathā
330. д̇зна самаязна б̣уд̣̇д̇хо бхаг̇аваа анубияааяам̣ вихарад̇и, анубияам̣ наама маллаанам̣ ниг̇амо. д̇зна ко бана самаязна абхин̃н̃аад̇аа абхин̃н̃аад̇аа сагяагумаараа бхаг̇аванд̇ам̣ баб̣б̣аж̇ид̇ам̣ анубаб̣б̣аж̇анд̇и. д̇зна ко бана самаязна махаанаамо жа сагго ануруд̣̇д̇хо жа сагго д̣̇взбхаад̇игаа хонд̇и. ануруд̣̇д̇хо сагго сукумаало ход̇и. д̇асса д̇аяо баасаад̣̇аа хонд̇и – зго хзманд̇иго, зго г̇имхиго, зго вассиго. со вассигз баасаад̣̇з жад̇д̇ааро маасз 1 ниббурисзхи д̇ууриязхи барижаараяамаано 2 на хздтаабаасаад̣̇ам̣ орохад̇и. ат̇а ко махаанаамасса саггасса зд̇ад̣̇ахоси – ‘‘зд̇арахи ко абхин̃н̃аад̇аа абхин̃н̃аад̇аа сагяагумаараа бхаг̇аванд̇ам̣ баб̣б̣аж̇ид̇ам̣ анубаб̣б̣аж̇анд̇и. амхааган̃жа бана гулаа над̇т̇и гожи аг̇аарасмаа анаг̇аарияам̣ баб̣б̣аж̇ид̇о. яам̣нуунаахам̣ ваа баб̣б̣аж̇зяяам̣, ануруд̣̇д̇хо ваа’’д̇и. ат̇а ко махаанаамо сагго язна ануруд̣̇д̇хо сагго д̇знубасан̇гами, убасан̇гамид̇ваа ануруд̣̇д̇хам̣ саггам̣ зд̇ад̣̇авожа – ‘‘зд̇арахи, д̇аад̇а ануруд̣̇д̇ха, абхин̃н̃аад̇аа абхин̃н̃аад̇аа сагяагумаараа бхаг̇аванд̇ам̣ баб̣б̣аж̇ид̇ам̣ анубаб̣б̣аж̇анд̇и. амхааган̃жа бана гулаа над̇т̇и гожи аг̇аарасмаа анаг̇аарияам̣ баб̣б̣аж̇ид̇о. д̇зна хи д̇вам̣ ваа баб̣б̣аж̇а, ахам̣ ваа баб̣б̣аж̇иссаамий’’д̇и. ‘‘ахам̣ ко сукумаало, наахам̣ саггоми аг̇аарасмаа анаг̇аарияам̣ баб̣б̣аж̇ид̇ум̣. д̇вам̣ баб̣б̣аж̇аахий’’д̇и. ‘‘зхи ко д̇з, д̇аад̇а ануруд̣̇д̇ха, гхарааваасад̇т̇ам̣ анусаасиссаами. батамам̣ кзд̇д̇ам̣ гасаабзд̇аб̣б̣ам̣. гасаабзд̇ваа вабаабзд̇аб̣б̣ам̣. вабаабзд̇ваа уд̣̇агам̣ абхинзд̇аб̣б̣ам̣. уд̣̇агам̣ абхинзд̇ваа уд̣̇агам̣ ниннзд̇аб̣б̣ам̣. уд̣̇агам̣ ниннзд̇ваа нид̣̇д̇хаабзд̇аб̣б̣ам̣. нид̣̇д̇хаабзд̇ваа 3 лаваабзд̇аб̣б̣ам̣. лаваабзд̇ваа уб̣б̣аахаабзд̇аб̣б̣ам̣. уб̣б̣аахаабзд̇ваа бун̃ж̇ам̣ гаараабзд̇аб̣б̣ам̣. бун̃ж̇ам̣ гаараабзд̇ваа мад̣̇д̣̇аабзд̇аб̣б̣ам̣. мад̣̇д̣̇аабзд̇ваа балаалаани уд̣̇д̇хараабзд̇аб̣б̣аани. балаалаани уд̣̇д̇хараабзд̇ваа бхусигаа уд̣̇д̇хараабзд̇аб̣б̣аа. бхусигам̣ уд̣̇д̇хараабзд̇ваа обунаабзд̇аб̣б̣ам̣ 4. обунаабзд̇ваа ад̇ихараабзд̇аб̣б̣ам̣. ад̇ихараабзд̇ваа ааяад̇имби вассам̣ звамзва гаад̇аб̣б̣ам̣, ааяад̇имби вассам̣ звамзва гаад̇аб̣б̣а’’нд̇и. ‘‘на гаммаа кийяанд̇и? на гаммаанам̣ анд̇о бан̃н̃ааяад̇и? гад̣̇аа гаммаа кийяиссанд̇и? гад̣̇аа гаммаанам̣ анд̇о бан̃н̃ааяиссад̇и? гад̣̇аа маяам̣ аббоссуггаа бан̃жахи гаамаг̇ун̣зхи самаббид̇аа саман̇г̇ийбхууд̇аа барижаарзссаамаа’’д̇и? ‘‘на хи, д̇аад̇а ануруд̣̇д̇ха, гаммаа кийяанд̇и. на гаммаанам̣ анд̇о бан̃н̃ааяад̇и. акийн̣зва гаммз бид̇аро жа бид̇аамахаа жа гаалан̇гад̇аа’’д̇и. ‘‘д̇зна хи д̇ван̃н̃зва гхарааваасад̇т̇зна убаж̇аанаахи. ахам̣ аг̇аарасмаа анаг̇аарияам̣ баб̣б̣аж̇иссаамий’’д̇и.
330. Tena samayena buddho bhagavā anupiyāyaṃ viharati, anupiyaṃ nāma mallānaṃ nigamo. Tena kho pana samayena abhiññātā abhiññātā sakyakumārā bhagavantaṃ pabbajitaṃ anupabbajanti. Tena kho pana samayena mahānāmo ca sakko anuruddho ca sakko dvebhātikā honti. Anuruddho sakko sukhumālo hoti. Tassa tayo pāsādā honti – eko hemantiko, eko gimhiko, eko vassiko. So vassike pāsāde cattāro māse 5 nippurisehi tūriyehi paricārayamāno 6 na heṭṭhāpāsādaṃ orohati. Atha kho mahānāmassa sakkassa etadahosi – ‘‘etarahi kho abhiññātā abhiññātā sakyakumārā bhagavantaṃ pabbajitaṃ anupabbajanti. Amhākañca pana kulā natthi koci agārasmā anagāriyaṃ pabbajito. Yaṃnūnāhaṃ vā pabbajeyyaṃ, anuruddho vā’’ti. Atha kho mahānāmo sakko yena anuruddho sakko tenupasaṅkami, upasaṅkamitvā anuruddhaṃ sakkaṃ etadavoca – ‘‘etarahi, tāta anuruddha, abhiññātā abhiññātā sakyakumārā bhagavantaṃ pabbajitaṃ anupabbajanti. Amhākañca pana kulā natthi koci agārasmā anagāriyaṃ pabbajito. Tena hi tvaṃ vā pabbaja, ahaṃ vā pabbajissāmī’’ti. ‘‘Ahaṃ kho sukhumālo, nāhaṃ sakkomi agārasmā anagāriyaṃ pabbajituṃ. Tvaṃ pabbajāhī’’ti. ‘‘Ehi kho te, tāta anuruddha, gharāvāsatthaṃ anusāsissāmi. Paṭhamaṃ khettaṃ kasāpetabbaṃ. Kasāpetvā vapāpetabbaṃ. Vapāpetvā udakaṃ abhinetabbaṃ. Udakaṃ abhinetvā udakaṃ ninnetabbaṃ. Udakaṃ ninnetvā niddhāpetabbaṃ. Niddhāpetvā 7 lavāpetabbaṃ. Lavāpetvā ubbāhāpetabbaṃ. Ubbāhāpetvā puñjaṃ kārāpetabbaṃ. Puñjaṃ kārāpetvā maddāpetabbaṃ. Maddāpetvā palālāni uddharāpetabbāni. Palālāni uddharāpetvā bhusikā uddharāpetabbā. Bhusikaṃ uddharāpetvā opunāpetabbaṃ 8. Opunāpetvā atiharāpetabbaṃ. Atiharāpetvā āyatimpi vassaṃ evameva kātabbaṃ, āyatimpi vassaṃ evameva kātabba’’nti. ‘‘Na kammā khīyanti? Na kammānaṃ anto paññāyati? Kadā kammā khīyissanti? Kadā kammānaṃ anto paññāyissati? Kadā mayaṃ appossukkā pañcahi kāmaguṇehi samappitā samaṅgībhūtā paricāressāmā’’ti? ‘‘Na hi, tāta anuruddha, kammā khīyanti. Na kammānaṃ anto paññāyati. Akhīṇeva kamme pitaro ca pitāmahā ca kālaṅkatā’’ti. ‘‘Tena hi tvaññeva gharāvāsatthena upajānāhi. Ahaṃ agārasmā anagāriyaṃ pabbajissāmī’’ti.
ат̇а ко ануруд̣̇д̇хо сагго язна маад̇аа д̇знубасан̇гами, убасан̇гамид̇ваа маад̇арам̣ зд̇ад̣̇авожа – ‘‘ижчаамахам̣, амма, аг̇аарасмаа анаг̇аарияам̣ баб̣б̣аж̇ид̇ум̣. ануж̇аанаахи мам̣ аг̇аарасмаа анаг̇аарияам̣ баб̣б̣аж̇ж̇ааяаа’’д̇и. звам̣ вуд̇д̇з ануруд̣̇д̇хасса саггасса маад̇аа ануруд̣̇д̇хам̣ саггам̣ зд̇ад̣̇авожа – ‘‘д̇умхз ко мз, д̇аад̇а ануруд̣̇д̇ха, д̣̇вз буд̇д̇аа бияаа манаабаа аббадигуулаа. маран̣знаби во агаамагаа винаа бхависсаами. гим̣ банаахам̣ д̇умхз ж̇ийванд̇з ануж̇ааниссаами аг̇аарасмаа анаг̇аарияам̣ баб̣б̣аж̇ж̇ааяаа’’д̇и? д̣̇уд̇ияамби ко…бз… д̇ад̇ияамби ко ануруд̣̇д̇хо сагго маад̇арам̣ зд̇ад̣̇авожа – ‘‘ижчаамахам̣, амма, аг̇аарасмаа анаг̇аарияам̣ баб̣б̣аж̇ид̇ум̣. ануж̇аанаахи мам̣ аг̇аарасмаа анаг̇аарияам̣ баб̣б̣аж̇ж̇ааяаа’’д̇и 9. д̇зна ко бана самаязна бхад̣̇д̣̇ияо сагяарааж̇аа сагяаанам̣ раж̇ж̇ам̣ гаарзд̇и. со жа ануруд̣̇д̇хасса саггасса сахааяо ход̇и. ат̇а ко ануруд̣̇д̇хасса саггасса маад̇аа – ‘аяам̣ ко бхад̣̇д̣̇ияо сагяарааж̇аа сагяаанам̣ раж̇ж̇ам̣ гаарзд̇и; ануруд̣̇д̇хасса саггасса сахааяо; со на уссахад̇и аг̇аарасмаа анаг̇аарияам̣ баб̣б̣аж̇ид̇у’нд̇и – ануруд̣̇д̇хам̣ саггам̣ зд̇ад̣̇авожа – ‘‘сажз, д̇аад̇а ануруд̣̇д̇ха, бхад̣̇д̣̇ияо сагяарааж̇аа аг̇аарасмаа анаг̇аарияам̣ баб̣б̣аж̇ад̇и, звам̣ д̇вамби баб̣б̣аж̇аахий’’д̇и. ат̇а ко ануруд̣̇д̇хо сагго язна бхад̣̇д̣̇ияо сагяарааж̇аа д̇знубасан̇гами, убасан̇гамид̇ваа бхад̣̇д̣̇ияам̣ сагяарааж̇аанам̣ зд̇ад̣̇авожа – ‘‘мама ко, самма, баб̣б̣аж̇ж̇аа д̇ава бадиб̣ад̣̇д̇хаа’’д̇и. ‘‘сажз д̇з, самма, баб̣б̣аж̇ж̇аа мама бадиб̣ад̣̇д̇хаа ваа аббадиб̣ад̣̇д̇хаа ваа саа ход̇у, ахам̣ д̇аяаа; яат̇аа сукам̣ баб̣б̣аж̇аахий’’д̇и. ‘‘зхи, самма, убхо аг̇аарасмаа анаг̇аарияам̣ баб̣б̣аж̇иссаамаа’’д̇и. ‘‘наахам̣, самма, саггоми аг̇аарасмаа анаг̇аарияам̣ баб̣б̣аж̇ид̇унд̇и . яам̣ д̇з саггаа ан̃н̃ам̣ маяаа гаад̇ум̣, гяаахам̣ 10 гариссаами. д̇вам̣ баб̣б̣аж̇аахий’’д̇и. ‘‘маад̇аа ко мам̣, самма, звамааха – ‘сажз, д̇аад̇а ануруд̣̇д̇ха, бхад̣̇д̣̇ияо сагяарааж̇аа аг̇аарасмаа анаг̇аарияам̣ баб̣б̣аж̇ад̇и, звам̣ д̇вамби баб̣б̣аж̇аахий’’’д̇и. ‘‘бхаасид̇аа ко бана д̇з, самма, зсаа ваажаа. сажз д̇з, самма, баб̣б̣аж̇ж̇аа мама бадиб̣ад̣̇д̇хаа ваа, аббадиб̣ад̣̇д̇хаа ваа саа ход̇у, ахам̣ д̇аяаа; яат̇аа сукам̣ баб̣б̣аж̇аахий’’д̇и. ‘‘зхи, самма, убхо аг̇аарасмаа анаг̇аарияам̣ баб̣б̣аж̇иссаамаа’’д̇и.
Atha kho anuruddho sakko yena mātā tenupasaṅkami, upasaṅkamitvā mātaraṃ etadavoca – ‘‘icchāmahaṃ, amma, agārasmā anagāriyaṃ pabbajituṃ. Anujānāhi maṃ agārasmā anagāriyaṃ pabbajjāyā’’ti. Evaṃ vutte anuruddhassa sakkassa mātā anuruddhaṃ sakkaṃ etadavoca – ‘‘tumhe kho me, tāta anuruddha, dve puttā piyā manāpā appaṭikūlā. Maraṇenapi vo akāmakā vinā bhavissāmi. Kiṃ panāhaṃ tumhe jīvante anujānissāmi agārasmā anagāriyaṃ pabbajjāyā’’ti? Dutiyampi kho…pe… tatiyampi kho anuruddho sakko mātaraṃ etadavoca – ‘‘icchāmahaṃ, amma, agārasmā anagāriyaṃ pabbajituṃ. Anujānāhi maṃ agārasmā anagāriyaṃ pabbajjāyā’’ti 11. Tena kho pana samayena bhaddiyo sakyarājā sakyānaṃ rajjaṃ kāreti. So ca anuruddhassa sakkassa sahāyo hoti. Atha kho anuruddhassa sakkassa mātā – ‘ayaṃ kho bhaddiyo sakyarājā sakyānaṃ rajjaṃ kāreti; anuruddhassa sakkassa sahāyo; so na ussahati agārasmā anagāriyaṃ pabbajitu’nti – anuruddhaṃ sakkaṃ etadavoca – ‘‘sace, tāta anuruddha, bhaddiyo sakyarājā agārasmā anagāriyaṃ pabbajati, evaṃ tvampi pabbajāhī’’ti. Atha kho anuruddho sakko yena bhaddiyo sakyarājā tenupasaṅkami, upasaṅkamitvā bhaddiyaṃ sakyarājānaṃ etadavoca – ‘‘mama kho, samma, pabbajjā tava paṭibaddhā’’ti. ‘‘Sace te, samma, pabbajjā mama paṭibaddhā vā appaṭibaddhā vā sā hotu, ahaṃ tayā; yathā sukhaṃ pabbajāhī’’ti. ‘‘Ehi, samma, ubho agārasmā anagāriyaṃ pabbajissāmā’’ti. ‘‘Nāhaṃ, samma, sakkomi agārasmā anagāriyaṃ pabbajitunti . Yaṃ te sakkā aññaṃ mayā kātuṃ, kyāhaṃ 12 karissāmi. Tvaṃ pabbajāhī’’ti. ‘‘Mātā kho maṃ, samma, evamāha – ‘sace, tāta anuruddha, bhaddiyo sakyarājā agārasmā anagāriyaṃ pabbajati, evaṃ tvampi pabbajāhī’’’ti. ‘‘Bhāsitā kho pana te, samma, esā vācā. Sace te, samma, pabbajjā mama paṭibaddhā vā, appaṭibaddhā vā sā hotu, ahaṃ tayā; yathā sukhaṃ pabbajāhī’’ti. ‘‘Ehi, samma, ubho agārasmā anagāriyaṃ pabbajissāmā’’ti.
д̇зна ко бана самаязна мануссаа сажжаваад̣̇ино хонд̇и, сажжабадин̃н̃аа. ат̇а ко бхад̣̇д̣̇ияо сагяарааж̇аа ануруд̣̇д̇хам̣ саггам̣ зд̇ад̣̇авожа – ‘‘ааг̇амзхи, самма, сад̇д̇авассаани. сад̇д̇аннам̣ вассаанам̣ ажжаязна убхо аг̇аарасмаа анаг̇аарияам̣ баб̣б̣аж̇иссаамаа’’д̇и. ‘‘ад̇ижирам̣, самма, сад̇д̇авассаани. наахам̣ саггоми сад̇д̇авассаани ааг̇амзд̇у’’нд̇и. ‘‘ааг̇амзхи, самма, чавассаани…бз… бан̃жавассаани… жад̇д̇аари вассаани… д̇ийн̣и вассаани… д̣̇вз вассаани… згам̣ вассам̣. згасса вассасса ажжаязна убхо аг̇аарасмаа анаг̇аарияам̣ баб̣б̣аж̇иссаамаа’’д̇и. ‘‘ад̇ижирам̣, самма, згавассам̣. наахам̣ саггоми згам̣ вассам̣ ааг̇амзд̇у’’нд̇и. ‘‘ааг̇амзхи, самма, сад̇д̇амаасз. сад̇д̇аннам̣ маасаанам̣ ажжаязна убхоби аг̇аарасмаа анаг̇аарияам̣ баб̣б̣аж̇иссаамаа’’д̇и. ‘‘ад̇ижирам̣, самма, сад̇д̇амаасаа. наахам̣ саггоми сад̇д̇амаасз ааг̇амзд̇у’’нд̇и. ‘‘ааг̇амзхи, самма, ча маасз…бз… бан̃жа маасз… жад̇д̇ааро маасз… д̇аяо маасз… д̣̇вз маасз… згам̣ маасам̣… ад̣дхамаасам̣. ад̣дхамаасасса ажжаязна убхоби аг̇аарасмаа анаг̇аарияам̣ баб̣б̣аж̇иссаамаа’’д̇и. ‘‘ад̇ижирам̣, самма, ад̣дхамаасо. наахам̣ саггоми ад̣дхамаасам̣ ааг̇амзд̇у’’нд̇и. ‘‘ааг̇амзхи, самма, сад̇д̇аахам̣ яааваахам̣ буд̇д̇з жа бхаад̇аро жа раж̇ж̇ам̣ нияяаад̣̇змий’’д̇и. ‘‘на жирам̣, самма, сад̇д̇аахо, ааг̇амзссаамий’’д̇и.
Tena kho pana samayena manussā saccavādino honti, saccapaṭiññā. Atha kho bhaddiyo sakyarājā anuruddhaṃ sakkaṃ etadavoca – ‘‘āgamehi, samma, sattavassāni. Sattannaṃ vassānaṃ accayena ubho agārasmā anagāriyaṃ pabbajissāmā’’ti. ‘‘Aticiraṃ, samma, sattavassāni. Nāhaṃ sakkomi sattavassāni āgametu’’nti. ‘‘Āgamehi, samma, chavassāni…pe… pañcavassāni… cattāri vassāni… tīṇi vassāni… dve vassāni… ekaṃ vassaṃ. Ekassa vassassa accayena ubho agārasmā anagāriyaṃ pabbajissāmā’’ti. ‘‘Aticiraṃ, samma, ekavassaṃ. Nāhaṃ sakkomi ekaṃ vassaṃ āgametu’’nti. ‘‘Āgamehi, samma, sattamāse. Sattannaṃ māsānaṃ accayena ubhopi agārasmā anagāriyaṃ pabbajissāmā’’ti. ‘‘Aticiraṃ, samma, sattamāsā. Nāhaṃ sakkomi sattamāse āgametu’’nti. ‘‘Āgamehi, samma, cha māse…pe… pañca māse… cattāro māse… tayo māse… dve māse… ekaṃ māsaṃ… aḍḍhamāsaṃ. Aḍḍhamāsassa accayena ubhopi agārasmā anagāriyaṃ pabbajissāmā’’ti. ‘‘Aticiraṃ, samma, aḍḍhamāso. Nāhaṃ sakkomi aḍḍhamāsaṃ āgametu’’nti. ‘‘Āgamehi, samma, sattāhaṃ yāvāhaṃ putte ca bhātaro ca rajjaṃ niyyādemī’’ti. ‘‘Na ciraṃ, samma, sattāho, āgamessāmī’’ti.
331. ат̇а ко бхад̣̇д̣̇ияо жа сагяарааж̇аа ануруд̣̇д̇хо жа аананд̣̇о жа бхаг̇у жа гимило жа д̣̇звад̣̇ад̇д̇о жа, убаалигаббагзна сад̇д̇амаа, яат̇аа бурз жад̇уран̇г̇инияаа сзнааяа уяяаанабхуумим̣ нияяанд̇и, звамзва жад̇уран̇г̇инияаа сзнааяа нияяим̣су. д̇з д̣̇уурам̣ г̇анд̇ваа сзнам̣ нивад̇д̇аабзд̇ваа барависаяам̣ оггамид̇ваа аабхаран̣ам̣ омун̃жид̇ваа уд̇д̇араасан̇г̇зна бхан̣д̣игам̣ б̣анд̇хид̇ваа убаалим̣ габбагам̣ зд̇ад̣̇авожум̣ – ‘‘ханд̣̇а, бхан̣з убаали, нивад̇д̇ассу; алам̣ д̇з зд̇д̇агам̣ ж̇ийвигааяаа’’д̇и. ат̇а ко убаалисса габбагасса нивад̇д̇анд̇асса зд̇ад̣̇ахоси – ‘‘жан̣д̣аа ко саагияаа; иминаа гумаараа ниббаад̇ид̇аад̇и гхаад̇аабзяяумби мам̣. имз хи наама сагяагумаараа аг̇аарасмаа анаг̇аарияам̣ баб̣б̣аж̇иссанд̇и. гиман̇г̇а 13 банааха’’нд̇и. бхан̣д̣игам̣ мун̃жид̇ваа д̇ам̣ бхан̣д̣ам̣ ругкз аалаг̇г̇зд̇ваа ‘яо бассад̇и, д̣̇иннам̣язва харад̇уу’д̇и вад̇ваа язна д̇з сагяагумаараа д̇знубасан̇гами. ад̣̇д̣̇асаасум̣ ко д̇з сагяагумаараа убаалим̣ габбагам̣ д̣̇уурад̇ова ааг̇ажчанд̇ам̣. д̣̇исваана убаалим̣ габбагам̣ зд̇ад̣̇авожум̣ – ‘‘гисса, бхан̣з убаали, нивад̇д̇зсий’’д̇и? ‘‘ид̇ха мз, аяяабуд̇д̇аа, нивад̇д̇анд̇асса зд̇ад̣̇ахоси – ‘жан̣д̣аа ко саагияаа; иминаа гумаараа ниббаад̇ид̇аад̇и гхаад̇аабзяяумби мам̣. имз хи наама сагяагумаараа аг̇аарасмаа анаг̇аарияам̣ баб̣б̣аж̇иссанд̇и. гиман̇г̇а банааха’нд̇и. со ко ахам̣, аяяабуд̇д̇аа, бхан̣д̣игам̣ мун̃жид̇ваа д̇ам̣ бхан̣д̣ам̣ ругкз аалаг̇г̇зд̇ваа ‘яо бассад̇и, д̣̇иннан̃н̃зва харад̇уу’д̇и вад̇ваа д̇ад̇омхи бадинивад̇д̇о’’д̇и. ‘‘судту, бхан̣з убаали, агааси яамби на нивад̇д̇о 14. жан̣д̣аа ко саагияаа; иминаа гумаараа ниббаад̇ид̇аад̇и гхаад̇аабзяяумби д̇а’’нд̇и.
331. Atha kho bhaddiyo ca sakyarājā anuruddho ca ānando ca bhagu ca kimilo ca devadatto ca, upālikappakena sattamā, yathā pure caturaṅginiyā senāya uyyānabhūmiṃ niyyanti, evameva caturaṅginiyā senāya niyyiṃsu. Te dūraṃ gantvā senaṃ nivattāpetvā paravisayaṃ okkamitvā ābharaṇaṃ omuñcitvā uttarāsaṅgena bhaṇḍikaṃ bandhitvā upāliṃ kappakaṃ etadavocuṃ – ‘‘handa, bhaṇe upāli, nivattassu; alaṃ te ettakaṃ jīvikāyā’’ti. Atha kho upālissa kappakassa nivattantassa etadahosi – ‘‘caṇḍā kho sākiyā; iminā kumārā nippātitāti ghātāpeyyumpi maṃ. Ime hi nāma sakyakumārā agārasmā anagāriyaṃ pabbajissanti. Kimaṅga 15 panāha’’nti. Bhaṇḍikaṃ muñcitvā taṃ bhaṇḍaṃ rukkhe ālaggetvā ‘yo passati, dinnaṃyeva haratū’ti vatvā yena te sakyakumārā tenupasaṅkami. Addasāsuṃ kho te sakyakumārā upāliṃ kappakaṃ dūratova āgacchantaṃ. Disvāna upāliṃ kappakaṃ etadavocuṃ – ‘‘kissa, bhaṇe upāli, nivattesī’’ti? ‘‘Idha me, ayyaputtā, nivattantassa etadahosi – ‘caṇḍā kho sākiyā; iminā kumārā nippātitāti ghātāpeyyumpi maṃ. Ime hi nāma sakyakumārā agārasmā anagāriyaṃ pabbajissanti. Kimaṅga panāha’nti. So kho ahaṃ, ayyaputtā, bhaṇḍikaṃ muñcitvā taṃ bhaṇḍaṃ rukkhe ālaggetvā ‘yo passati, dinnaññeva haratū’ti vatvā tatomhi paṭinivatto’’ti. ‘‘Suṭṭhu, bhaṇe upāli, akāsi yampi na nivatto 16. Caṇḍā kho sākiyā; iminā kumārā nippātitāti ghātāpeyyumpi ta’’nti.
ат̇а ко сагяагумаараа убаалим̣ габбагам̣ аад̣̇ааяа язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з сагяагумаараа бхаг̇аванд̇ам̣ зд̇ад̣̇авожум̣ – ‘‘маяам̣, бханд̇з, саагияаа наама маанассино. аяам̣ , бханд̇з, убаали габбаго амхаагам̣ д̣̇ийгхарад̇д̇ам̣ барижаараго. имам̣ бхаг̇аваа батамам̣ баб̣б̣ааж̇зд̇у. имасса маяам̣ абхиваад̣̇анабажжудтаанаан̃ж̇алигаммасаамийжигаммам̣ гариссаама. звам̣ амхаагам̣ саагияаанам̣ саагияамаано ниммаанааяиссад̇ий’’д̇и 17.
Atha kho sakyakumārā upāliṃ kappakaṃ ādāya yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te sakyakumārā bhagavantaṃ etadavocuṃ – ‘‘mayaṃ, bhante, sākiyā nāma mānassino. Ayaṃ , bhante, upāli kappako amhākaṃ dīgharattaṃ paricārako. Imaṃ bhagavā paṭhamaṃ pabbājetu. Imassa mayaṃ abhivādanapaccuṭṭhānaañjalikammasāmīcikammaṃ karissāma. Evaṃ amhākaṃ sākiyānaṃ sākiyamāno nimmānāyissatī’’ti 18.
ат̇а ко бхаг̇аваа убаалим̣ габбагам̣ батамам̣ баб̣б̣ааж̇зси, бажчаа д̇з сагяагумаарз. ат̇а ко ааяасмаа бхад̣̇д̣̇ияо д̇знзва анд̇аравассзна д̇иссо виж̇ж̇аа сажчаагааси. ааяасмаа ануруд̣̇д̇хо д̣̇иб̣б̣ажагкум̣ уббаад̣̇зси. ааяасмаа аананд̣̇о сод̇аабад̇д̇ипалам̣ сажчаагааси. д̣̇звад̣̇ад̇д̇о бот̇уж̇ж̇анигам̣ ид̣̇д̇хим̣ абхинибпаад̣̇зси.
Atha kho bhagavā upāliṃ kappakaṃ paṭhamaṃ pabbājesi, pacchā te sakyakumāre. Atha kho āyasmā bhaddiyo teneva antaravassena tisso vijjā sacchākāsi. Āyasmā anuruddho dibbacakkhuṃ uppādesi. Āyasmā ānando sotāpattiphalaṃ sacchākāsi. Devadatto pothujjanikaṃ iddhiṃ abhinipphādesi.
332. д̇зна ко бана самаязна ааяасмаа бхад̣̇д̣̇ияо аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси – ‘‘ахо сукам̣, ахо сука’’нд̇и. ат̇а ко самб̣ахулаа бхигкуу язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ааяасмаа, бханд̇з, бхад̣̇д̣̇ияо аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси – ‘ахо сукам̣, ахо сука’нд̇и. ниссам̣саяам̣ ко, бханд̇з, ааяасмаа бхад̣̇д̣̇ияо анабхирад̇ова б̣рахмажарияам̣ жарад̇и. д̇ам̣язва ваа буримам̣ раж̇ж̇асукам̣ самануссаранд̇о аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси – ‘ахо сукам̣, ахо сука’’’нд̇и.
332. Tena kho pana samayena āyasmā bhaddiyo araññagatopi rukkhamūlagatopi suññāgāragatopi abhikkhaṇaṃ udānaṃ udānesi – ‘‘aho sukhaṃ, aho sukha’’nti. Atha kho sambahulā bhikkhū yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘āyasmā, bhante, bhaddiyo araññagatopi rukkhamūlagatopi suññāgāragatopi abhikkhaṇaṃ udānaṃ udānesi – ‘aho sukhaṃ, aho sukha’nti. Nissaṃsayaṃ kho, bhante, āyasmā bhaddiyo anabhiratova brahmacariyaṃ carati. Taṃyeva vā purimaṃ rajjasukhaṃ samanussaranto araññagatopi rukkhamūlagatopi suññāgāragatopi abhikkhaṇaṃ udānaṃ udānesi – ‘aho sukhaṃ, aho sukha’’’nti.
ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣, бхигку, мама важанзна бхад̣̇д̣̇ияам̣ бхигкум̣ ааманд̇зхи – ‘сад̇т̇аа д̇ам̣, аавусо бхад̣̇д̣̇ияа, ааманд̇зд̇ий’’’д̇и . ‘‘звам̣ бханд̇з’’д̇и ко со бхигку бхаг̇авад̇о бадиссуд̇ваа язнааяасмаа бхад̣̇д̣̇ияо д̇знубасан̇гами, убасан̇гамид̇ваа ааяасманд̇ам̣ бхад̣̇д̣̇ияам̣ зд̇ад̣̇авожа – ‘‘сад̇т̇аа д̇ам̣, аавусо бхад̣̇д̣̇ияа, ааманд̇зд̇ий’’д̇и. ‘‘звамаавусо’’д̇и ко ааяасмаа бхад̣̇д̣̇ияо д̇асса бхигкуно бадиссуд̇ваа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ бхад̣̇д̣̇ияам̣ бхаг̇аваа зд̇ад̣̇авожа – ‘‘сажжам̣ гира д̇вам̣, бхад̣̇д̣̇ияа, аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси – ‘ахо сукам̣, ахо сука’’’нд̇и? ‘‘звам̣ бханд̇з’’д̇и. ‘‘гим̣ бана д̇вам̣, бхад̣̇д̣̇ияа, ад̇т̇авасам̣ самбассамаано аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси – ‘ахо сукам̣ ахо сука’’’нд̇и? ‘‘буб̣б̣з мз, бханд̇з, ран̃н̃о сад̇оби анд̇оби анд̇збурз рагкаа сусам̣вихид̇аа ход̇и, б̣ахиби анд̇збурз рагкаа сусам̣вихид̇аа ход̇и, анд̇оби наг̇арз рагкаа сусам̣вихид̇аа ход̇и, б̣ахиби наг̇арз рагкаа сусам̣вихид̇аа ход̇и, анд̇оби ж̇анабад̣̇з рагкаа сусам̣вихид̇аа ход̇и, б̣ахиби ж̇анабад̣̇з рагкаа сусам̣вихид̇аа ход̇и. со ко ахам̣, бханд̇з, звам̣ рагкид̇оби г̇обид̇оби санд̇о бхийд̇о уб̣б̣иг̇г̇о уссан̇гий уд̇расд̇о вихараами. зд̇арахи ко бана ахам̣ зго, бханд̇з, аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхийд̇о ануб̣б̣иг̇г̇о ануссан̇гий ануд̇расд̇о аббоссугго банналомо барад̣̇ад̇д̇авуд̇д̇о миг̇абхууд̇зна жзд̇асаа вихараамийд̇и. имам̣ ко ахам̣, бханд̇з, ад̇т̇авасам̣ самбассамаано аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзми – ‘ахо сукам̣, ахо сука’’’нд̇и. ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā aññataraṃ bhikkhuṃ āmantesi – ‘‘ehi tvaṃ, bhikkhu, mama vacanena bhaddiyaṃ bhikkhuṃ āmantehi – ‘satthā taṃ, āvuso bhaddiya, āmantetī’’’ti . ‘‘Evaṃ bhante’’ti kho so bhikkhu bhagavato paṭissutvā yenāyasmā bhaddiyo tenupasaṅkami, upasaṅkamitvā āyasmantaṃ bhaddiyaṃ etadavoca – ‘‘satthā taṃ, āvuso bhaddiya, āmantetī’’ti. ‘‘Evamāvuso’’ti kho āyasmā bhaddiyo tassa bhikkhuno paṭissutvā yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ bhaddiyaṃ bhagavā etadavoca – ‘‘saccaṃ kira tvaṃ, bhaddiya, araññagatopi rukkhamūlagatopi suññāgāragatopi abhikkhaṇaṃ udānaṃ udānesi – ‘aho sukhaṃ, aho sukha’’’nti? ‘‘Evaṃ bhante’’ti. ‘‘Kiṃ pana tvaṃ, bhaddiya, atthavasaṃ sampassamāno araññagatopi rukkhamūlagatopi suññāgāragatopi abhikkhaṇaṃ udānaṃ udānesi – ‘aho sukhaṃ aho sukha’’’nti? ‘‘Pubbe me, bhante, rañño satopi antopi antepure rakkhā susaṃvihitā hoti, bahipi antepure rakkhā susaṃvihitā hoti, antopi nagare rakkhā susaṃvihitā hoti, bahipi nagare rakkhā susaṃvihitā hoti, antopi janapade rakkhā susaṃvihitā hoti, bahipi janapade rakkhā susaṃvihitā hoti. So kho ahaṃ, bhante, evaṃ rakkhitopi gopitopi santo bhīto ubbiggo ussaṅkī utrasto viharāmi. Etarahi kho pana ahaṃ eko, bhante, araññagatopi rukkhamūlagatopi suññāgāragatopi abhīto anubbiggo anussaṅkī anutrasto appossukko pannalomo paradattavutto migabhūtena cetasā viharāmīti. Imaṃ kho ahaṃ, bhante, atthavasaṃ sampassamāno araññagatopi rukkhamūlagatopi suññāgāragatopi abhikkhaṇaṃ udānaṃ udānemi – ‘aho sukhaṃ, aho sukha’’’nti. Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
19 ‘‘яассанд̇арад̇о на санд̇и гобаа, ид̇и бхаваабхавад̇ан̃жа вийд̇ивад̇д̇о;
20 ‘‘Yassantarato na santi kopā, iti bhavābhavatañca vītivatto;
д̇ам̣ виг̇ад̇абхаяам̣ суким̣ асогам̣, д̣̇зваа наанубхаванд̇и д̣̇ассанааяаа’’д̇и.
Taṃ vigatabhayaṃ sukhiṃ asokaṃ, devā nānubhavanti dassanāyā’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / часагяабаб̣б̣аж̇ж̇аагат̇аа • Chasakyapabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / часагяабаб̣б̣аж̇ж̇аагат̇аад̣̇иван̣н̣анаа • Chasakyapabbajjākathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / часагяабаб̣б̣аж̇ж̇аагат̇аа • Chasakyapabbajjākathā
