| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
੭. ਸਙ੍ਘਭੇਦਕਕ੍ਖਨ੍ਧਕਂ
7. Saṅghabhedakakkhandhakaṃ
ਛਸਕ੍ਯਪਬ੍ਬਜ੍ਜਾਕਥਾ
Chasakyapabbajjākathā
੩੩੦. ਸਙ੍ਘਭੇਦਕਕ੍ਖਨ੍ਧਕੇ ਅਭਿਞ੍ਞਾਤਾ ਅਭਿਞ੍ਞਾਤਾਤਿ ਪਾਕਟਾ ਪਾਕਟਾ। ਸਕ੍ਯਕੁਮਾਰਾ ਨਾਮ ਕਾਲ਼ੁਦਾਯਿਪ੍ਪਭੁਤਯੋ ਦਸ ਦੂਤਾ ਸਦ੍ਧਿਂ ਪਰਿવਾਰੇਹਿ ਅਞ੍ਞੇ ਚ ਬਹੂ ਜਨਾ। ਅਮ੍ਹਾਕਨ੍ਤਿ ਅਮ੍ਹੇਸੁ; ਅਮ੍ਹਾਕਂ ਕੁਲਤੋਤਿ વਾ વੁਤ੍ਤਂ ਹੋਤਿ। ਘਰਾવਾਸਤ੍ਥਂ ਅਨੁਸਾਸਿਸ੍ਸਾਮੀਤਿ ਘਰਾવਾਸੇ ਯਂ ਕਤ੍ਤਬ੍ਬਂ, ਤਂ ਜਾਨਾਪੇਸ੍ਸਾਮਿ। ਉਦਕਂ ਨਿਨ੍ਨੇਤਬ੍ਬਨ੍ਤਿ ਯਥਾ ਉਦਕਂ ਸਬ੍ਬਟ੍ਠਾਨੇ ਸਮਂ ਹੋਤਿ, ਏવਂ ਕਾਤਬ੍ਬਂ। ਨਿਦ੍ਧਾਪੇਤਬ੍ਬਨ੍ਤਿ ਤਿਣਾਨਿ ਉਦ੍ਧਰਿਤਬ੍ਬਾਨਿ। ਭੁਸਿਕਾ ਉਦ੍ਧਰਾਪੇਤਬ੍ਬਾਤਿ ਸੁਖੁਮਪਲਾਲਮਿਸ੍ਸਧਞ੍ਞਾ ਪਲਾਲਿਕਾ ਪਲਾਪੇਤਬ੍ਬਾ। ਓਪੁਨਾਪੇਤਬ੍ਬਨ੍ਤਿ ਸੁਖੁਮਪਲਾਲਂ ਅਪਨੇਤਬ੍ਬਂ। ਤ੍વਞ੍ਞੇવ ਘਰਾવਾਸਤ੍ਥੇਨ ਉਪਜਾਨਾਹੀਤਿ ਤ੍વਞ੍ਞੇવ ਘਰਾવਾਸਤ੍ਥਂ ਜਾਨਾਹਿ। ਅਹਂ ਤਯਾ ਯਥਾਸੁਖਂ ਪਬ੍ਬਜਾਹੀਤਿ ਏਤ੍ਥ ਅਹਂ ਤਯਾ ਸਦ੍ਧਿਂ ਪਬ੍ਬਜਿਸ੍ਸਾਮੀਤਿ ਸਹਾਯਸਿਨੇਹੇਨ ਸਹਸਾ વਤ੍ਤੁਕਾਮੋ ਹੁਤ੍વਾ ਪੁਨ ਰਜ੍ਜਸਿਰਿਲੋਭੇਨ ਪਰਿਕਡ੍ਢਿਯਮਾਨਹਦਯੋ ‘‘ਅਹਂ ਤਯਾ’’ਤਿ ਏਤ੍ਤਕਮੇવ વਤ੍વਾ ਸੇਸਂ વਤ੍ਤੁਂ ਨਾਸਕ੍ਖੀਤਿ ਏવਮਤ੍ਥੋ વੇਦਿਤਬ੍ਬੋ ।
330. Saṅghabhedakakkhandhake abhiññātā abhiññātāti pākaṭā pākaṭā. Sakyakumārā nāma kāḷudāyippabhutayo dasa dūtā saddhiṃ parivārehi aññe ca bahū janā. Amhākanti amhesu; amhākaṃ kulatoti vā vuttaṃ hoti. Gharāvāsatthaṃ anusāsissāmīti gharāvāse yaṃ kattabbaṃ, taṃ jānāpessāmi. Udakaṃ ninnetabbanti yathā udakaṃ sabbaṭṭhāne samaṃ hoti, evaṃ kātabbaṃ. Niddhāpetabbanti tiṇāni uddharitabbāni. Bhusikā uddharāpetabbāti sukhumapalālamissadhaññā palālikā palāpetabbā. Opunāpetabbanti sukhumapalālaṃ apanetabbaṃ. Tvaññeva gharāvāsatthena upajānāhīti tvaññeva gharāvāsatthaṃ jānāhi. Ahaṃ tayā yathāsukhaṃ pabbajāhīti ettha ahaṃ tayā saddhiṃ pabbajissāmīti sahāyasinehena sahasā vattukāmo hutvā puna rajjasirilobhena parikaḍḍhiyamānahadayo ‘‘ahaṃ tayā’’ti ettakameva vatvā sesaṃ vattuṃ nāsakkhīti evamattho veditabbo .
੩੩੧. ਨਿਪ੍ਪਾਤਿਤਾਤਿ ਨਿਕ੍ਖਮਿਤਾ। ਮਾਨਸ੍ਸਿਨੋਤਿ ਮਾਨਸ੍ਸਯਿਨੋ; ਮਾਨਨਿਸ੍ਸਿਤਾਤਿ વੁਤ੍ਤਂ ਹੋਤਿ।
331.Nippātitāti nikkhamitā. Mānassinoti mānassayino; mānanissitāti vuttaṃ hoti.
੩੩੨. ਯਸ੍ਸਨ੍ਤਰਤੋ ਨ ਸਨ੍ਤਿ ਕੋਪਾਤਿ ਤਤਿਯਮਗ੍ਗੇਨ ਸਮੂਹਤਤ੍ਤਾ ਯਸ੍ਸ ਚਿਤ੍ਤੇ ਕੋਪਾ ਨ ਸਨ੍ਤਿ। ਯਸ੍ਮਾ ਪਨ ਭવੋਤਿ ਸਮ੍ਪਤ੍ਤਿ, વਿਭવੋਤਿ વਿਪਤ੍ਤਿ; ਤਥਾ ਭવੋਤਿ વੁਡ੍ਢਿ, વਿਭવੋਤਿ ਹਾਨਿ; ਭવੋਤਿ ਸਸ੍ਸਤਂ, વਿਭવੋਤਿ ਉਚ੍ਛੇਦੋ; ਭવੋਤਿ ਪੁਞ੍ਞਂ, વਿਭવੋਤਿ ਪਾਪਂ; વਿਭવੋਤਿ ਚ ਅਭવੋਤਿ ਚ ਅਤ੍ਥਤੋ ਏਕਮੇવ, ਤਸ੍ਮਾ ਇਤਿਭવਾਭવਤਞ੍ਚ વੀਤਿવਤ੍ਤੋਤਿ ਏਤ੍ਥ ਯਾ ਏਸਾ ਸਮ੍ਪਤ੍ਤਿવਿਪਤ੍ਤਿવੁਡ੍ਢਿਹਾਨਿਸਸ੍ਸਤੁਚ੍ਛੇਦਪੁਞ੍ਞਪਾਪવਸੇਨ ਇਤਿ ਅਨੇਕਪ੍ਪਕਾਰਾ ਭવਾਭવਤਾ વੁਚ੍ਚਤਿ; ਚਤੂਹਿਪਿ ਮਗ੍ਗੇਹਿ ਯਥਾਸਮ੍ਭવਂ ਤੇਨ ਤੇਨ ਨਯੇਨ ਤਂ ਇਤਿਭવਾਭવਤਞ੍ਚ વੀਤਿવਤ੍ਤੋਤਿ ਏવਮਤ੍ਥੋ ਦਟ੍ਠਬ੍ਬੋ। ਨਾਨੁਭવਨ੍ਤੀਤਿ ਨ ਸਮ੍ਪਾਪੁਣਨ੍ਤਿ; ਤਸ੍ਸ ਦਸ੍ਸਨਂ ਦੇવਾਨਮ੍ਪਿ ਦੁਲ੍ਲਭਨ੍ਤਿ ਅਧਿਪ੍ਪਾਯੋ।
332.Yassantarato na santi kopāti tatiyamaggena samūhatattā yassa citte kopā na santi. Yasmā pana bhavoti sampatti, vibhavoti vipatti; tathā bhavoti vuḍḍhi, vibhavoti hāni; bhavoti sassataṃ, vibhavoti ucchedo; bhavoti puññaṃ, vibhavoti pāpaṃ; vibhavoti ca abhavoti ca atthato ekameva, tasmā itibhavābhavatañca vītivattoti ettha yā esā sampattivipattivuḍḍhihānisassatucchedapuññapāpavasena iti anekappakārā bhavābhavatā vuccati; catūhipi maggehi yathāsambhavaṃ tena tena nayena taṃ itibhavābhavatañca vītivattoti evamattho daṭṭhabbo. Nānubhavantīti na sampāpuṇanti; tassa dassanaṃ devānampi dullabhanti adhippāyo.
੩੩੩. ਅਹਿਮੇਖਲਿਕਾਤਿ ਅਹਿਂ ਕਟਿਯਂ ਬਨ੍ਧਿਤ੍વਾ। ਉਚ੍ਛਙ੍ਗੇਤਿ ਅਙ੍ਕੇ।
333.Ahimekhalikāti ahiṃ kaṭiyaṃ bandhitvā. Ucchaṅgeti aṅke.
੩੩੪. ਸਮ੍ਮਨ੍ਨਤੀਤਿ ਸਮ੍ਮਾਨੇਤਿ। ਯਂ ਤੁਮੋ ਕਰਿਸ੍ਸਤੀਤਿ ਯਂ ਸੋ ਕਰਿਸ੍ਸਤਿ।
334.Sammannatīti sammāneti. Yaṃ tumo karissatīti yaṃ so karissati.
ਛਸਕ੍ਯਪਬ੍ਬਜ੍ਜਾਕਥਾ ਨਿਟ੍ਠਿਤਾ।
Chasakyapabbajjākathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
ਛਸਕ੍ਯਪਬ੍ਬਜ੍ਜਾਕਥਾ • Chasakyapabbajjākathā
ਦੇવਦਤ੍ਤવਤ੍ਥੁ • Devadattavatthu
ਪਞ੍ਚਸਤ੍ਥੁਕਥਾ • Pañcasatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਛਸਕ੍ਯਪਬ੍ਬਜ੍ਜਾਕਥਾવਣ੍ਣਨਾ • Chasakyapabbajjākathāvaṇṇanā
ਪਞ੍ਚਸਤ੍ਥੁਕਥਾવਣ੍ਣਨਾ • Pañcasatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਛਸਕ੍ਯਪਬ੍ਬਜ੍ਜਾਕਥਾવਣ੍ਣਨਾ • Chasakyapabbajjākathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਛਸਕ੍ਯਪਬ੍ਬਜ੍ਜਾਕਥਾਦਿવਣ੍ਣਨਾ • Chasakyapabbajjākathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਛਸਕ੍ਯਪਬ੍ਬਜ੍ਜਾਕਥਾ • Chasakyapabbajjākathā
