| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৩. ছত্তদাযকত্থেরঅপদানং
3. Chattadāyakattheraapadānaṃ
১১.
11.
‘‘পুত্তো মম পব্বজিতো, কাসাযৰসনো তদা।
‘‘Putto mama pabbajito, kāsāyavasano tadā;
সো চ বুদ্ধত্তং সম্পত্তো, নিব্বুতো লোকপূজিতো॥
So ca buddhattaṃ sampatto, nibbuto lokapūjito.
১২.
12.
‘‘ৰিচিনন্তো সকং পুত্তং, অগমং পচ্ছতো অহং।
‘‘Vicinanto sakaṃ puttaṃ, agamaṃ pacchato ahaṃ;
নিব্বুতস্স মহন্তস্স, চিতকং অগমাসহং॥
Nibbutassa mahantassa, citakaṃ agamāsahaṃ.
১৩.
13.
‘‘পগ্গয্হ অঞ্জলিং তত্থ, ৰন্দিত্ৰা চিতকং অহং।
‘‘Paggayha añjaliṃ tattha, vanditvā citakaṃ ahaṃ;
সেতচ্ছত্তঞ্চ পগ্গয্হ, আরোপেসিং অহং তদা॥
Setacchattañca paggayha, āropesiṃ ahaṃ tadā.
১৪.
14.
‘‘চতুন্নৰুতিতো কপ্পে, যং ছত্তমভিরোপযিং।
‘‘Catunnavutito kappe, yaṃ chattamabhiropayiṃ;
দুগ্গতিং নাভিজানামি, ছত্তদানস্সিদং ফলং॥
Duggatiṃ nābhijānāmi, chattadānassidaṃ phalaṃ.
১৫.
15.
‘‘পঞ্চৰীসে ইতো কপ্পে, সত্ত আসুং জনাধিপা।
‘‘Pañcavīse ito kappe, satta āsuṃ janādhipā;
মহারহসনামা তে, চক্কৰত্তী মহব্বলা॥
Mahārahasanāmā te, cakkavattī mahabbalā.
১৬.
16.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা ছত্তদাযকো থেরো ইমা গাথাযো অভাসিত্থাতি।
Itthaṃ sudaṃ āyasmā chattadāyako thero imā gāthāyo abhāsitthāti.
ছত্তদাযকত্থেরস্সাপদানং ততিযং।
Chattadāyakattherassāpadānaṃ tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ১-১০. চিতকপূজকত্থেরঅপদানাদিৰণ্ণনা • 1-10. Citakapūjakattheraapadānādivaṇṇanā
