| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. ฉตฺตทายกเตฺถรอปทานํ
3. Chattadāyakattheraapadānaṃ
๑๑.
11.
‘‘ปุโตฺต มม ปพฺพชิโต, กาสายวสโน ตทา;
‘‘Putto mama pabbajito, kāsāyavasano tadā;
โส จ พุทฺธตฺตํ สมฺปโตฺต, นิพฺพุโต โลกปูชิโตฯ
So ca buddhattaṃ sampatto, nibbuto lokapūjito.
๑๒.
12.
‘‘วิจินโนฺต สกํ ปุตฺตํ, อคมํ ปจฺฉโต อหํ;
‘‘Vicinanto sakaṃ puttaṃ, agamaṃ pacchato ahaṃ;
นิพฺพุตสฺส มหนฺตสฺส, จิตกํ อคมาสหํฯ
Nibbutassa mahantassa, citakaṃ agamāsahaṃ.
๑๓.
13.
‘‘ปคฺคยฺห อญฺชลิํ ตตฺถ, วนฺทิตฺวา จิตกํ อหํ;
‘‘Paggayha añjaliṃ tattha, vanditvā citakaṃ ahaṃ;
เสตจฺฉตฺตญฺจ ปคฺคยฺห, อาโรเปสิํ อหํ ตทาฯ
Setacchattañca paggayha, āropesiṃ ahaṃ tadā.
๑๔.
14.
‘‘จตุนฺนวุติโต กเปฺป, ยํ ฉตฺตมภิโรปยิํ;
‘‘Catunnavutito kappe, yaṃ chattamabhiropayiṃ;
ทุคฺคติํ นาภิชานามิ, ฉตฺตทานสฺสิทํ ผลํฯ
Duggatiṃ nābhijānāmi, chattadānassidaṃ phalaṃ.
๑๕.
15.
‘‘ปญฺจวีเส อิโต กเปฺป, สตฺต อาสุํ ชนาธิปา;
‘‘Pañcavīse ito kappe, satta āsuṃ janādhipā;
มหารหสนามา เต, จกฺกวตฺตี มหพฺพลาฯ
Mahārahasanāmā te, cakkavattī mahabbalā.
๑๖.
16.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ฉตฺตทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā chattadāyako thero imā gāthāyo abhāsitthāti.
ฉตฺตทายกเตฺถรสฺสาปทานํ ตติยํฯ
Chattadāyakattherassāpadānaṃ tatiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๑๐. จิตกปูชกเตฺถรอปทานาทิวณฺณนา • 1-10. Citakapūjakattheraapadānādivaṇṇanā
