| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. ඡත්‌තදායකත්‌ථෙරඅපදානං
3. Chattadāyakattheraapadānaṃ
11.
11.
‘‘පුත්‌තො මම පබ්‌බජිතො, කාසායවසනො තදා;
‘‘Putto mama pabbajito, kāsāyavasano tadā;
සො ච බුද්‌ධත්‌තං සම්‌පත්‌තො, නිබ්‌බුතො ලොකපූජිතො.
So ca buddhattaṃ sampatto, nibbuto lokapūjito.
12.
12.
‘‘විචිනන්‌තො සකං පුත්‌තං, අගමං පච්‌ඡතො අහං;
‘‘Vicinanto sakaṃ puttaṃ, agamaṃ pacchato ahaṃ;
නිබ්‌බුතස්‌ස මහන්‌තස්‌ස, චිතකං අගමාසහං.
Nibbutassa mahantassa, citakaṃ agamāsahaṃ.
13.
13.
‘‘පග්‌ගය්‌හ අඤ්‌ජලිං තත්‌ථ, වන්‌දිත්‌වා චිතකං අහං;
‘‘Paggayha añjaliṃ tattha, vanditvā citakaṃ ahaṃ;
සෙතච්‌ඡත්‌තඤ්‌ච පග්‌ගය්‌හ, ආරොපෙසිං අහං තදා.
Setacchattañca paggayha, āropesiṃ ahaṃ tadā.
14.
14.
‘‘චතුන්‌නවුතිතො කප්‌පෙ, යං ඡත්‌තමභිරොපයිං;
‘‘Catunnavutito kappe, yaṃ chattamabhiropayiṃ;
දුග්‌ගතිං නාභිජානාමි, ඡත්‌තදානස්‌සිදං ඵලං.
Duggatiṃ nābhijānāmi, chattadānassidaṃ phalaṃ.
15.
15.
‘‘පඤ්‌චවීසෙ ඉතො කප්‌පෙ, සත්‌ත ආසුං ජනාධිපා;
‘‘Pañcavīse ito kappe, satta āsuṃ janādhipā;
මහාරහසනාමා තෙ, චක්‌කවත්‌තී මහබ්‌බලා.
Mahārahasanāmā te, cakkavattī mahabbalā.
16.
16.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ඡත්‌තදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā chattadāyako thero imā gāthāyo abhāsitthāti.
ඡත්‌තදායකත්‌ථෙරස්‌සාපදානං තතියං.
Chattadāyakattherassāpadānaṃ tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. චිතකපූජකත්‌ථෙරඅපදානාදිවණ්‌ණනා • 1-10. Citakapūjakattheraapadānādivaṇṇanā
