| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. чад̇д̇ан̇г̇абан̃хо
3. Chattaṅgapañho
3. ‘‘бханд̇з нааг̇асзна, ‘чад̇д̇асса д̇ийн̣и ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани д̇ийн̣и ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, чад̇д̇ам̣ убари муд̣̇д̇хани жарад̇и, звамзва ко, махаарааж̇а, яог̇инаа яог̇ааважарзна гилзсаанам̣ убари муд̣̇д̇хани жарзна бхавид̇аб̣б̣ам̣. ид̣̇ам̣, махаарааж̇а, чад̇д̇асса батамам̣ ан̇г̇ам̣ г̇ахзд̇аб̣б̣ам̣.
3. ‘‘Bhante nāgasena, ‘chattassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, chattaṃ upari muddhani carati, evameva kho, mahārāja, yoginā yogāvacarena kilesānaṃ upari muddhani carena bhavitabbaṃ. Idaṃ, mahārāja, chattassa paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, чад̇д̇ам̣ муд̣̇д̇ханубад̇т̇амбхам̣ ход̇и, звамзва ко, махаарааж̇а, яог̇инаа яог̇ааважарзна яонисо манасигаарубад̇т̇амбхзна бхавид̇аб̣б̣ам̣. ид̣̇ам̣, махаарааж̇а, чад̇д̇асса д̣̇уд̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, chattaṃ muddhanupatthambhaṃ hoti, evameva kho, mahārāja, yoginā yogāvacarena yoniso manasikārupatthambhena bhavitabbaṃ. Idaṃ, mahārāja, chattassa dutiyaṃ aṅgaṃ gahetabbaṃ.
‘‘буна жабарам̣, махаарааж̇а, чад̇д̇ам̣ ваад̇аад̇абамзгхавудтияо бадиханад̇и, звамзва ко, махаарааж̇а, яог̇инаа яог̇ааважарзна наанаавид̇хад̣̇идтибут̇усаман̣аб̣раахман̣аанам̣ 1 мад̇аваад̇ад̇ивид̇хаг̇г̇исанд̇аабагилзсавудтияо бадиханд̇аб̣б̣аа . ид̣̇ам̣, махаарааж̇а, чад̇д̇асса д̇ад̇ияам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, т̇зрзна саарибуд̇д̇зна д̇хаммасзнаабад̇инаа –
‘‘Puna caparaṃ, mahārāja, chattaṃ vātātapameghavuṭṭhiyo paṭihanati, evameva kho, mahārāja, yoginā yogāvacarena nānāvidhadiṭṭhiputhusamaṇabrāhmaṇānaṃ 2 matavātatividhaggisantāpakilesavuṭṭhiyo paṭihantabbā . Idaṃ, mahārāja, chattassa tatiyaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘яат̇ааби чад̇д̇ам̣ вибулам̣, ажчид̣̇д̣̇ам̣ т̇ирасам̣хид̇ам̣;
‘‘‘Yathāpi chattaṃ vipulaṃ, acchiddaṃ thirasaṃhitaṃ;
ваад̇аад̇абам̣ ниваарзд̇и, махад̇ий мзгхавудтияо.
Vātātapaṃ nivāreti, mahatī meghavuṭṭhiyo.
‘‘‘д̇ат̇зва б̣уд̣̇д̇хабуд̇д̇оби, сийлачад̇д̇ад̇харо сужи;
‘‘‘Tatheva buddhaputtopi, sīlachattadharo suci;
гилзсавудтим̣ ваарзд̇и, санд̇аабад̇ивид̇хаг̇г̇аяо’’’д̇и.
Kilesavuṭṭhiṃ vāreti, santāpatividhaggayo’’’ti.
чад̇д̇ан̇г̇абан̃хо д̇ад̇ияо.
Chattaṅgapañho tatiyo.
Footnotes:
