| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༣. ཚཏྟངྒཔཉྷོ
3. Chattaṅgapañho
༣. ‘‘བྷནྟེ ནཱགསེན, ‘ཚཏྟསྶ ཏཱིཎི ཨངྒཱནི གཧེཏབྦཱནཱི’ཏི ཡཾ ཝདེསི, ཀཏམཱནི ཏཱནི ཏཱིཎི ཨངྒཱནི གཧེཏབྦཱནཱི’’ཏི? ‘‘ཡཐཱ, མཧཱརཱཛ, ཚཏྟཾ ཨུཔརི མུདྡྷནི ཙརཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན ཀིལེསཱནཾ ཨུཔརི མུདྡྷནི ཙརེན བྷཝིཏབྦཾ། ཨིདཾ, མཧཱརཱཛ, ཚཏྟསྶ པཋམཾ ཨངྒཾ གཧེཏབྦཾ།
3. ‘‘Bhante nāgasena, ‘chattassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, chattaṃ upari muddhani carati, evameva kho, mahārāja, yoginā yogāvacarena kilesānaṃ upari muddhani carena bhavitabbaṃ. Idaṃ, mahārāja, chattassa paṭhamaṃ aṅgaṃ gahetabbaṃ.
‘‘པུན ཙཔརཾ, མཧཱརཱཛ, ཚཏྟཾ མུདྡྷནུཔཏྠམྦྷཾ ཧོཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན ཡོནིསོ མནསིཀཱརུཔཏྠམྦྷེན བྷཝིཏབྦཾ། ཨིདཾ, མཧཱརཱཛ, ཚཏྟསྶ དུཏིཡཾ ཨངྒཾ གཧེཏབྦཾ།
‘‘Puna caparaṃ, mahārāja, chattaṃ muddhanupatthambhaṃ hoti, evameva kho, mahārāja, yoginā yogāvacarena yoniso manasikārupatthambhena bhavitabbaṃ. Idaṃ, mahārāja, chattassa dutiyaṃ aṅgaṃ gahetabbaṃ.
‘‘པུན ཙཔརཾ, མཧཱརཱཛ, ཚཏྟཾ ཝཱཏཱཏཔམེགྷཝུཊྛིཡོ པཊིཧནཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན ནཱནཱཝིདྷདིཊྛིཔུཐུསམཎབྲཱཧྨཎཱནཾ 1 མཏཝཱཏཏིཝིདྷགྒིསནྟཱཔཀིལེསཝུཊྛིཡོ པཊིཧནྟབྦཱ ། ཨིདཾ, མཧཱརཱཛ, ཚཏྟསྶ ཏཏིཡཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, ཐེརེན སཱརིཔུཏྟེན དྷམྨསེནཱཔཏིནཱ –
‘‘Puna caparaṃ, mahārāja, chattaṃ vātātapameghavuṭṭhiyo paṭihanati, evameva kho, mahārāja, yoginā yogāvacarena nānāvidhadiṭṭhiputhusamaṇabrāhmaṇānaṃ 2 matavātatividhaggisantāpakilesavuṭṭhiyo paṭihantabbā . Idaṃ, mahārāja, chattassa tatiyaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘ཡཐཱཔི ཚཏྟཾ ཝིཔུལཾ, ཨཙྪིདྡཾ ཐིརསཾཧིཏཾ།
‘‘‘Yathāpi chattaṃ vipulaṃ, acchiddaṃ thirasaṃhitaṃ;
ཝཱཏཱཏཔཾ ནིཝཱརེཏི, མཧཏཱི མེགྷཝུཊྛིཡོ༎
Vātātapaṃ nivāreti, mahatī meghavuṭṭhiyo.
‘‘‘ཏཐེཝ བུདྡྷཔུཏྟོཔི, སཱིལཚཏྟདྷརོ སུཙི།
‘‘‘Tatheva buddhaputtopi, sīlachattadharo suci;
ཀིལེསཝུཊྛིཾ ཝཱརེཏི, སནྟཱཔཏིཝིདྷགྒཡོ’’’ཏི༎
Kilesavuṭṭhiṃ vāreti, santāpatividhaggayo’’’ti.
ཚཏྟངྒཔཉྷོ ཏཏིཡོ།
Chattaṅgapañho tatiyo.
Footnotes:
