| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੩. ਛਤ੍ਤਙ੍ਗਪਞ੍ਹੋ
3. Chattaṅgapañho
੩. ‘‘ਭਨ੍ਤੇ ਨਾਗਸੇਨ, ‘ਛਤ੍ਤਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਛਤ੍ਤਂ ਉਪਰਿ ਮੁਦ੍ਧਨਿ ਚਰਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਕਿਲੇਸਾਨਂ ਉਪਰਿ ਮੁਦ੍ਧਨਿ ਚਰੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਛਤ੍ਤਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
3. ‘‘Bhante nāgasena, ‘chattassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, chattaṃ upari muddhani carati, evameva kho, mahārāja, yoginā yogāvacarena kilesānaṃ upari muddhani carena bhavitabbaṃ. Idaṃ, mahārāja, chattassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਛਤ੍ਤਂ ਮੁਦ੍ਧਨੁਪਤ੍ਥਮ੍ਭਂ ਹੋਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਯੋਨਿਸੋ ਮਨਸਿਕਾਰੁਪਤ੍ਥਮ੍ਭੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਛਤ੍ਤਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, chattaṃ muddhanupatthambhaṃ hoti, evameva kho, mahārāja, yoginā yogāvacarena yoniso manasikārupatthambhena bhavitabbaṃ. Idaṃ, mahārāja, chattassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਛਤ੍ਤਂ વਾਤਾਤਪਮੇਘવੁਟ੍ਠਿਯੋ ਪਟਿਹਨਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਨਾਨਾવਿਧਦਿਟ੍ਠਿਪੁਥੁਸਮਣਬ੍ਰਾਹ੍ਮਣਾਨਂ 1 ਮਤવਾਤਤਿવਿਧਗ੍ਗਿਸਨ੍ਤਾਪਕਿਲੇਸવੁਟ੍ਠਿਯੋ ਪਟਿਹਨ੍ਤਬ੍ਬਾ । ਇਦਂ, ਮਹਾਰਾਜ, ਛਤ੍ਤਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਸਾਰਿਪੁਤ੍ਤੇਨ ਧਮ੍ਮਸੇਨਾਪਤਿਨਾ –
‘‘Puna caparaṃ, mahārāja, chattaṃ vātātapameghavuṭṭhiyo paṭihanati, evameva kho, mahārāja, yoginā yogāvacarena nānāvidhadiṭṭhiputhusamaṇabrāhmaṇānaṃ 2 matavātatividhaggisantāpakilesavuṭṭhiyo paṭihantabbā . Idaṃ, mahārāja, chattassa tatiyaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘ਯਥਾਪਿ ਛਤ੍ਤਂ વਿਪੁਲਂ, ਅਚ੍ਛਿਦ੍ਦਂ ਥਿਰਸਂਹਿਤਂ।
‘‘‘Yathāpi chattaṃ vipulaṃ, acchiddaṃ thirasaṃhitaṃ;
વਾਤਾਤਪਂ ਨਿવਾਰੇਤਿ, ਮਹਤੀ ਮੇਘવੁਟ੍ਠਿਯੋ॥
Vātātapaṃ nivāreti, mahatī meghavuṭṭhiyo.
‘‘‘ਤਥੇવ ਬੁਦ੍ਧਪੁਤ੍ਤੋਪਿ, ਸੀਲਛਤ੍ਤਧਰੋ ਸੁਚਿ।
‘‘‘Tatheva buddhaputtopi, sīlachattadharo suci;
ਕਿਲੇਸવੁਟ੍ਠਿਂ વਾਰੇਤਿ, ਸਨ੍ਤਾਪਤਿવਿਧਗ੍ਗਯੋ’’’ਤਿ॥
Kilesavuṭṭhiṃ vāreti, santāpatividhaggayo’’’ti.
ਛਤ੍ਤਙ੍ਗਪਞ੍ਹੋ ਤਤਿਯੋ।
Chattaṅgapañho tatiyo.
Footnotes:
