| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
6. чадтанаяо самбаяог̇авиббаяог̇абад̣̇аван̣н̣анаа
6. Chaṭṭhanayo sampayogavippayogapadavaṇṇanā
228. ид̣̇аани самбаяог̇авиббаяог̇абад̣̇ам̣ бхааж̇зд̇ум̣ руубагканд̇ход̇иаад̣̇и аарад̣̇д̇хам̣. д̇ад̇т̇а яам̣ лаб̣бхад̇и яан̃жа на лаб̣бхад̇и д̇ам̣ саб̣б̣ам̣ бужчааяа г̇ахид̇ам̣. виссаж̇ж̇анз бана яам̣ на лаб̣бхад̇и, д̇ам̣ над̇т̇ийд̇и бадигкид̇д̇ам̣. жад̇уухи самбаяог̇о, жад̇уухи виббаяог̇о; сабхааг̇о висабхааг̇од̇и хи важанад̇о жад̇уухи аруубагканд̇хзхзва сабхааг̇аанам̣ згасанд̇аанасмим̣ згагкан̣з уббаннаанам̣ аруубагканд̇хаанам̣язва ан̃н̃аман̃н̃ам̣ самбаяог̇о лаб̣бхад̇и. руубад̇хаммаанам̣ бана руубзна ниб̣б̣аанзна ваа, ниб̣б̣аанасса жа руубзна сад̣̇д̇хим̣ самбаяог̇о наама над̇т̇и. д̇ат̇аа руубаниб̣б̣аанаанам̣ аруубагканд̇хзхи, висабхааг̇аа хи д̇з д̇зсам̣. яат̇аа жа аруубагканд̇хаанам̣ руубаниб̣б̣аанзхи, звам̣ бхиннасанд̇аанзхи наанаагкан̣игзхи аруубад̇хаммзхиби сад̣̇д̇хим̣ над̇т̇иязва. д̇зби хи д̇зсам̣ санд̇аанагкан̣ависабхааг̇ад̇ааяа висабхааг̇ааязва. аяам̣ бана висабхааг̇ад̇аа сан̇г̇ахадтзна вируж̇жханад̇о сан̇г̇аханаяз над̇т̇и. г̇ан̣ануубаг̇амад̇д̇ан̃хи сан̇г̇ахадто. самбаяог̇анаяз бана ад̇т̇и, згуббаад̣̇ад̇аад̣̇илагкан̣ан̃хи самбаяог̇адтод̇и. звамзд̇т̇а яасса згад̇хаммзнаби самбаяог̇алагкан̣ам̣ на яуж̇жхад̇и, д̇асса бужчааяа сан̇г̇ахам̣ гад̇вааби над̇т̇ийд̇и бадигкзбо гад̇о. яасса виббаяог̇алагкан̣ам̣ яуж̇ж̇ад̇и, д̇асса виббаяог̇о д̣̇ассид̇о. яаани бана бад̣̇аани сад̇д̇асу вин̃н̃аан̣ад̇хаад̇уусу згааяаби авиббаяуд̇д̇з руубзна ниб̣б̣аанзна ваа миссагад̇хаммз д̣̇ийбзнд̇и, д̇аани саб̣б̣ат̇ааби ид̇ха на яуж̇ж̇анд̇ийд̇и на г̇ахид̇аани. д̇зсам̣ ид̣̇амуд̣̇д̣̇аанам̣ –
228. Idāni sampayogavippayogapadaṃ bhājetuṃ rūpakkhandhotiādi āraddhaṃ. Tattha yaṃ labbhati yañca na labbhati taṃ sabbaṃ pucchāya gahitaṃ. Vissajjane pana yaṃ na labbhati, taṃ natthīti paṭikkhittaṃ. Catūhi sampayogo, catūhi vippayogo; sabhāgo visabhāgoti hi vacanato catūhi arūpakkhandheheva sabhāgānaṃ ekasantānasmiṃ ekakkhaṇe uppannānaṃ arūpakkhandhānaṃyeva aññamaññaṃ sampayogo labbhati. Rūpadhammānaṃ pana rūpena nibbānena vā, nibbānassa ca rūpena saddhiṃ sampayogo nāma natthi. Tathā rūpanibbānānaṃ arūpakkhandhehi, visabhāgā hi te tesaṃ. Yathā ca arūpakkhandhānaṃ rūpanibbānehi, evaṃ bhinnasantānehi nānākkhaṇikehi arūpadhammehipi saddhiṃ natthiyeva. Tepi hi tesaṃ santānakkhaṇavisabhāgatāya visabhāgāyeva. Ayaṃ pana visabhāgatā saṅgahaṭṭhena virujjhanato saṅgahanaye natthi. Gaṇanūpagamattañhi saṅgahaṭṭho. Sampayoganaye pana atthi, ekuppādatādilakkhaṇañhi sampayogaṭṭhoti. Evamettha yassa ekadhammenapi sampayogalakkhaṇaṃ na yujjhati, tassa pucchāya saṅgahaṃ katvāpi natthīti paṭikkhepo kato. Yassa vippayogalakkhaṇaṃ yujjati, tassa vippayogo dassito. Yāni pana padāni sattasu viññāṇadhātūsu ekāyapi avippayutte rūpena nibbānena vā missakadhamme dīpenti, tāni sabbathāpi idha na yujjantīti na gahitāni. Tesaṃ idamuddānaṃ –
‘‘д̇хаммааяад̇анам̣ д̇хаммад̇хаад̇у, д̣̇угкасажжан̃жа ж̇ийвид̇ам̣;
‘‘Dhammāyatanaṃ dhammadhātu, dukkhasaccañca jīvitaṃ;
сал̣ааяад̇анам̣ наамаруубам̣, жад̇д̇ааро жа махаабхаваа.
Saḷāyatanaṃ nāmarūpaṃ, cattāro ca mahābhavā.
‘‘ж̇аад̇иж̇араа жа маран̣ам̣, д̇игзсвзгуунавийсад̇и;
‘‘Jātijarā ca maraṇaṃ, tikesvekūnavīsati;
г̇ожчагзсу жа бан̃н̃ааса, адта жуул̣анд̇арз бад̣̇аа.
Gocchakesu ca paññāsa, aṭṭha cūḷantare padā.
‘‘маханд̇арз баннараса, адтаараса д̇ад̇о барз;
‘‘Mahantare pannarasa, aṭṭhārasa tato pare;
д̇звийса бад̣̇асад̇ам̣ зд̇ам̣, самбаяог̇з на лаб̣бхад̇ий’’д̇и.
Tevīsa padasataṃ etaṃ, sampayoge na labbhatī’’ti.
д̇хаммааяад̇анан̃хи руубаниб̣б̣аанамиссагад̇д̇аа д̇асмим̣ абарияаабаннзна вин̃н̃аан̣знаби на саггаа самбаяуд̇д̇анд̇и вад̇д̇ум̣. яасмаа банзд̇т̇а взд̣̇анаад̣̇аяо вин̃н̃аан̣зна самбаяуд̇д̇аа, д̇асмаа виббаяуд̇д̇анд̇иби на саггаа вад̇д̇ум̣. сзсзсуби зсзва наяо. звам̣ саб̣б̣ад̇т̇ааби зд̇аани на яуж̇ж̇анд̇ийд̇и ид̇ха на г̇ахид̇аани. сзсаани канд̇хаад̣̇ийни яуж̇ж̇анд̇ийд̇и д̇аани г̇ахзд̇ваа згзгавасзна жа самод̇хаанзна жа бан̃хависсаж̇ж̇анам̣ гад̇ам̣. д̇зсу бан̃хзсу, батамз – згзнааяад̇анзнаад̇и манааяад̇анзна. гзхижийд̇и д̇хаммааяад̇анад̇хаммад̇хаад̇убарияаабаннзхи взд̣̇анаасан̃н̃аасан̇каарзхи.
Dhammāyatanañhi rūpanibbānamissakattā tasmiṃ apariyāpannena viññāṇenapi na sakkā sampayuttanti vattuṃ. Yasmā panettha vedanādayo viññāṇena sampayuttā, tasmā vippayuttantipi na sakkā vattuṃ. Sesesupi eseva nayo. Evaṃ sabbatthāpi etāni na yujjantīti idha na gahitāni. Sesāni khandhādīni yujjantīti tāni gahetvā ekekavasena ca samodhānena ca pañhavissajjanaṃ kataṃ. Tesu pañhesu, paṭhame – ekenāyatanenāti manāyatanena. Kehicīti dhammāyatanadhammadhātupariyāpannehi vedanāsaññāsaṅkhārehi.
229. д̣̇уд̇ияз – д̇ийхийд̇и бужчид̇ам̣ бужчид̇ам̣ табзд̇ваа сзсзхи. гзхижи самбаяуд̇д̇од̇и взд̣̇анаагканд̇хо сан̃н̃аасан̇каарзхи. ид̇арзби ад̇д̇аанам̣ табзд̇ваа ид̇арзхи. гзхижи виббаяуд̇д̇од̇и руубаниб̣б̣аанзхи. звам̣ саб̣б̣ад̇т̇а руубасса виббаяог̇з д̇хаммааяад̇анад̇хаммад̇хаад̇уусу аруубам̣, аруубасса виббаяог̇з руубам̣ д̣̇адтаб̣б̣ам̣. д̇ад̇ияабан̃хо уд̇д̇аанад̇т̇ова.
229. Dutiye – tīhīti pucchitaṃ pucchitaṃ ṭhapetvā sesehi. Kehici sampayuttoti vedanākkhandho saññāsaṅkhārehi. Itarepi attānaṃ ṭhapetvā itarehi. Kehici vippayuttoti rūpanibbānehi. Evaṃ sabbattha rūpassa vippayoge dhammāyatanadhammadhātūsu arūpaṃ, arūpassa vippayoge rūpaṃ daṭṭhabbaṃ. Tatiyapañho uttānatthova.
231. жад̇уд̇т̇з – ‘гад̇ихи канд̇хзхий’д̇иаад̣̇им̣ авад̇ваа самбаяуд̇д̇анд̇и над̇т̇ийд̇и вуд̇д̇ам̣. д̇ам̣ бана канд̇хаад̣̇ийнам̣язва васзна взд̣̇ид̇аб̣б̣ам̣. барад̇оби зваруубзсу бан̃хзсу зсзва наяо. аад̣̇ибан̃хасмин̃хи саруубад̇о д̣̇ассзд̇ваа барад̇о баал̣и сам̣кид̇д̇аа. иминаа наязна саб̣б̣ад̇т̇а ад̇т̇аяож̇анаа взд̣̇ид̇аб̣б̣аа. яад̇т̇а бана наад̇ибаагадаа бхависсад̇и, д̇ад̇т̇а нам̣ баагадам̣ гад̇ваава г̇амиссаама.
231. Catutthe – ‘katihi khandhehī’tiādiṃ avatvā sampayuttanti natthīti vuttaṃ. Taṃ pana khandhādīnaṃyeva vasena veditabbaṃ. Paratopi evarūpesu pañhesu eseva nayo. Ādipañhasmiñhi sarūpato dassetvā parato pāḷi saṃkhittā. Iminā nayena sabbattha atthayojanā veditabbā. Yattha pana nātipākaṭā bhavissati, tattha naṃ pākaṭaṃ katvāva gamissāma.
234. сол̣асахи д̇хаад̇уухийд̇и жагкувин̃н̃аан̣ад̇хаад̇у д̇аава ад̇д̇аанам̣ табзд̇ваа чахи вин̃н̃аан̣ад̇хаад̇уухи, д̣̇асахи жа руубад̇хаад̇уухи. сзсаасуби зсзва наяо.
234. Soḷasahi dhātūhīti cakkhuviññāṇadhātu tāva attānaṃ ṭhapetvā chahi viññāṇadhātūhi, dasahi ca rūpadhātūhi. Sesāsupi eseva nayo.
235. д̇ийхи канд̇хзхийд̇и сан̇каарагканд̇хам̣ табзд̇ваа сзсзхи. згааяа д̇хаад̇уяаад̇и мановин̃н̃аан̣ад̇хаад̇уяаа. самуд̣̇аяамаг̇г̇аанан̃хи ан̃н̃ааяа д̇хаад̇уяаа самбаяог̇о над̇т̇и. згзна канд̇хзнаад̇и сан̇каарагканд̇хзна. згзнааяад̇анзнаад̇и д̇хаммааяад̇анзна. згааяа д̇хаад̇уяаад̇и д̇хаммад̇хаад̇уяаа. зд̇зсу хи д̇ам̣ сажжад̣̇ваяам̣ гзхижи самбаяуд̇д̇ам̣.
235. Tīhikhandhehīti saṅkhārakkhandhaṃ ṭhapetvā sesehi. Ekāya dhātuyāti manoviññāṇadhātuyā. Samudayamaggānañhi aññāya dhātuyā sampayogo natthi. Ekena khandhenāti saṅkhārakkhandhena. Ekenāyatanenāti dhammāyatanena. Ekāyadhātuyāti dhammadhātuyā. Etesu hi taṃ saccadvayaṃ kehici sampayuttaṃ.
238. сукинд̣̇рияаад̣̇ибан̃хз – д̇ийхийд̇и сан̃н̃аасан̇кааравин̃н̃аан̣зхи. згааяа д̇хаад̇уяаад̇и гааяавин̃н̃аан̣ад̇хаад̇уяаа, мановин̃н̃аан̣ад̇хаад̇уяаа жа. чахи д̇хаад̇уухийд̇и гааяавин̃н̃аан̣ад̇хаад̇уваж̇ж̇аахи.
238. Sukhindriyādipañhe – tīhīti saññāsaṅkhāraviññāṇehi. Ekāya dhātuyāti kāyaviññāṇadhātuyā, manoviññāṇadhātuyā ca. Chahi dhātūhīti kāyaviññāṇadhātuvajjāhi.
245. руубабхавабан̃хз – саб̣б̣зсамби аруубагканд̇хаанам̣ аруубааяад̇анаанан̃жа ад̇т̇ид̇ааяа на гзхижийд̇и вуд̇д̇ам̣. гхаанаж̇ивхаагааяавин̃н̃аан̣ад̇хаад̇уунам̣ бана над̇т̇ид̇ааяа д̇ийхи д̇хаад̇уухи виббаяуд̇д̇од̇и вуд̇д̇ам̣.
245. Rūpabhavapañhe – sabbesampi arūpakkhandhānaṃ arūpāyatanānañca atthitāya na kehicīti vuttaṃ. Ghānajivhākāyaviññāṇadhātūnaṃ pana natthitāya tīhi dhātūhi vippayuttoti vuttaṃ.
256. ад̇химогкабан̃хз – д̣̇вийхи д̇хаад̇уухийд̇и манод̇хаад̇умановин̃н̃аан̣ад̇хаад̇уухи. баннарасахийд̇и сзсаахи д̣̇асахи руубад̇хаад̇уухи, бан̃жахи жа жагкувин̃н̃аан̣аад̣̇ийхи.
256. Adhimokkhapañhe – dvīhi dhātūhīti manodhātumanoviññāṇadhātūhi. Pannarasahīti sesāhi dasahi rūpadhātūhi, pañcahi ca cakkhuviññāṇādīhi.
257. гусалабан̃хз – гусалзхи жад̇уннамби канд̇хаанам̣ г̇ахид̇ад̇д̇аа самбаяог̇о бадигкид̇д̇о.
257. Kusalapañhe – kusalehi catunnampi khandhānaṃ gahitattā sampayogo paṭikkhitto.
258. взд̣̇анаад̇д̇игабан̃хз – згзна канд̇хзнаад̇и взд̣̇анаагканд̇хзнзва. баннарасахийд̇и жагкусод̇агхаанаж̇ивхаавин̃н̃аан̣ад̇хаад̇уманод̇хаад̇уухи жзва руубад̇хаад̇уухи жа. згаад̣̇асахийд̇и гааяавин̃н̃аан̣ад̇хаад̇уяаа сад̣̇д̇хим̣ руубад̇хаад̇уухи.
258. Vedanāttikapañhe – ekena khandhenāti vedanākkhandheneva. Pannarasahīti cakkhusotaghānajivhāviññāṇadhātumanodhātūhi ceva rūpadhātūhi ca. Ekādasahīti kāyaviññāṇadhātuyā saddhiṃ rūpadhātūhi.
262. нзвавибааганавибаагад̇хаммад̇хаммабан̃хз – бан̃жахийд̇и жагкувин̃н̃аан̣аад̣̇ийхи. анубаад̣̇иннаанубаад̣̇аанияабан̃хз – чахийд̇и мановин̃н̃аан̣ад̇хаад̇уваж̇ж̇аахи. савид̇аггасавижаарабан̃хз – баннарасахийд̇и бан̃жахи вин̃н̃аан̣зхи сад̣̇д̇хим̣ руубад̇хаад̇уухи. авид̇аггавижаарамад̇д̇абан̃хз – згзна канд̇хзнаад̇иаад̣̇и сан̇каарагканд̇хавасзнзва взд̣̇ид̇аб̣б̣ам̣. д̣̇уд̇ияаж̇жхаанавижааран̃хи табзд̇ваа сзсаа авид̇аггавижаарамад̇д̇аа наама. бийд̇им̣ табзд̇ваа сзсаа бийд̇исахаг̇ад̇аа. д̇ад̇т̇а вижааро вижаарзна, бийд̇и жа бийд̇ияаа на самбаяуд̇д̇аад̇и сан̇каарагканд̇хад̇хаммааяад̇анад̇хаммад̇хаад̇уусу гзхижи самбаяуд̇д̇аа наама. сол̣асахийд̇и д̇хаммад̇хаад̇умановин̃н̃аан̣ад̇хаад̇уваж̇ж̇аахзва. авид̇аггаавижаарабан̃хз – згааяа д̇хаад̇уяаад̇и манод̇хаад̇уяаа. сукасахаг̇ад̇аа убзгкаасахаг̇ад̇аа жа взд̣̇анаад̇д̇игз вуд̇д̇аава. д̣̇ассанзнабахаад̇аб̣б̣аад̣̇аяо гусаласад̣̇исаава.
262. Nevavipākanavipākadhammadhammapañhe – pañcahīti cakkhuviññāṇādīhi. Anupādinnaanupādāniyapañhe – chahīti manoviññāṇadhātuvajjāhi. Savitakkasavicārapañhe – pannarasahīti pañcahi viññāṇehi saddhiṃ rūpadhātūhi. Avitakkavicāramattapañhe – ekena khandhenātiādi saṅkhārakkhandhavaseneva veditabbaṃ. Dutiyajjhānavicārañhi ṭhapetvā sesā avitakkavicāramattā nāma. Pītiṃ ṭhapetvā sesā pītisahagatā. Tattha vicāro vicārena, pīti ca pītiyā na sampayuttāti saṅkhārakkhandhadhammāyatanadhammadhātūsu kehici sampayuttā nāma. Soḷasahīti dhammadhātumanoviññāṇadhātuvajjāheva. Avitakkaavicārapañhe – ekāya dhātuyāti manodhātuyā. Sukhasahagatā upekkhāsahagatā ca vedanāttike vuttāva. Dassanenapahātabbādayo kusalasadisāva.
271. барид̇д̇аарамман̣ам̣ вибаагад̇хаммасад̣̇исам̣. згааяа д̇хаад̇уяаад̇и д̇хаммад̇хаад̇уяаа. гзхижийд̇и яз д̇ад̇т̇а барид̇д̇аарамман̣аа на хонд̇и, д̇зхи. д̇хаммад̇хаад̇у бана барид̇д̇аарамман̣аанам̣ чаннам̣ жид̇д̇уббаад̣̇аанам̣ васзна жад̇уухи канд̇хзхи сан̇г̇ахид̇ад̇д̇аа батамабадигкзбамзва бхаж̇ад̇и. махаг̇г̇ад̇аарамман̣аад̣̇аяо гусаласад̣̇исаава.
271. Parittārammaṇaṃ vipākadhammasadisaṃ. Ekāya dhātuyāti dhammadhātuyā. Kehicīti ye tattha parittārammaṇā na honti, tehi. Dhammadhātu pana parittārammaṇānaṃ channaṃ cittuppādānaṃ vasena catūhi khandhehi saṅgahitattā paṭhamapaṭikkhepameva bhajati. Mahaggatārammaṇādayo kusalasadisāva.
273. ануббаннзсу – бан̃жахи д̇хаад̇уухийд̇и жагкувин̃н̃аан̣аад̣̇ийхи. д̇аани хи зганд̇зна уббаад̣̇ид̇хаммабхууд̇аанзва, уббаннагодтаасамби бана бхаж̇анд̇и. бажжуббаннаарамман̣аад̣̇аяо барид̇д̇аарамман̣асад̣̇исаава . хзд̇уаад̣̇аяо самуд̣̇аяасад̣̇исаава. сахзд̇угаа жзва на жа хзд̇ууби бийд̇исахаг̇ад̇асад̣̇исаава. д̇ат̇аа бараамаасасамбаяуд̇д̇аа. анубаад̣̇иннаа ануббаннасад̣̇исаава. сзсам̣ саб̣б̣ад̇т̇а уд̇д̇аанад̇т̇амзваад̇и.
273. Anuppannesu – pañcahi dhātūhīti cakkhuviññāṇādīhi. Tāni hi ekantena uppādidhammabhūtāneva, uppannakoṭṭhāsampi pana bhajanti. Paccuppannārammaṇādayo parittārammaṇasadisāva . Hetuādayo samudayasadisāva. Sahetukā ceva na ca hetūpi pītisahagatasadisāva. Tathā parāmāsasampayuttā. Anupādinnā anuppannasadisāva. Sesaṃ sabbattha uttānatthamevāti.
самбаяог̇авиббаяог̇абад̣̇аван̣н̣анаа.
Sampayogavippayogapadavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 6. самбаяог̇авиббаяог̇абад̣̇анид̣̇д̣̇зсо • 6. Sampayogavippayogapadaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 6. чадтанаяо самбаяог̇авиббаяог̇абад̣̇аван̣н̣анаа • 6. Chaṭṭhanayo sampayogavippayogapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 6. чадтанаяо самбаяог̇авиббаяог̇абад̣̇аван̣н̣анаа • 6. Chaṭṭhanayo sampayogavippayogapadavaṇṇanā
