6. ச²ட்ட²னிஸ்ஸக்³கி³யபாசித்தியஸிக்கா²பத³ங்

758. ச²ட்டே² ச²ந்த³ங் உப்பாதெ³த்வா க³ஹிதங் ச²ந்த³கந்தி வசனத்த²ங் த³ஸ்ஸெந்தோ ஆஹ ‘‘ச²ந்த³க’’ந்திஆதி³. த⁴ம்மகிச்சந்தி புஞ்ஞகரணீயங். த⁴ம்மஸத்³தோ³ ஹெத்த² புஞ்ஞவாசகோ. யந்தி வத்து²ங். பரேஸந்தி அத்தனா அஞ்ஞேஸங். ‘‘ஏத’’ந்தி ‘‘ச²ந்த³க’’ந்தி ஏதங் நாமங். ‘‘அஞ்ஞஸ்ஸத்தா²ய தி³ன்னேனா’’திஇமினா அஞ்ஞஸ்ஸ அத்தோ² அஞ்ஞத³த்தோ², த³காரோ பத³ஸந்தி⁴கரோ, தத³த்தா²ய தி³ன்னோ அஞ்ஞத³த்தி²கோதி வசனத்த²ங் த³ஸ்ஸேதி. ‘‘அஞ்ஞங் உத்³தி³ஸித்வா தி³ன்னேனா’’திஇமினா அஞ்ஞங் உத்³தி³ஸித்வா தி³ன்னங் அஞ்ஞுத்³தி³ஸிகந்தி வசனத்த²ங் த³ஸ்ஸேதி. ‘‘ஸங்க⁴ஸ்ஸ பரிச்சத்தேனா’’தி இமினா ஸங்க⁴ஸ்ஸ பரிச்சத்தோ ஸங்கி⁴கோதி வசனத்த²ங் த³ஸ்ஸேதி.

762. யத³த்தா²யாதி யேஸங் சீவராதீ³னங் அத்தா²ய. யஸத்³தே³ன ஸமாஸபா⁴வதோ புப்³பே³ நிக்³க³ஹிதாக³மோ ஹோதி. தந்தி சீவராதி³கங். தும்ஹேஹீதி தா³யகே ஸந்தா⁴ய வுத்தங். உபத்³த³வேஸூதி து³ப்³பி⁴க்கா²தி³உபஸக்³கே³ஸு. யங் வா தங் வாதி சீவரங் வா அஞ்ஞே வா பிண்ட³பாதாதி³கேதி யங் வா தங் வாதி. ச²ட்ட²ங்.