| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๖. ฉฎฺฐนิสฺสคฺคิยปาจิตฺติยสิกฺขาปทํ
6. Chaṭṭhanissaggiyapācittiyasikkhāpadaṃ
๗๕๘. ฉเฎฺฐ ฉนฺทํ อุปฺปาเทตฺวา คหิตํ ฉนฺทกนฺติ วจนตฺถํ ทเสฺสโนฺต อาห ‘‘ฉนฺทก’’นฺติอาทิฯ ธมฺมกิจฺจนฺติ ปุญฺญกรณียํฯ ธมฺมสโทฺท เหตฺถ ปุญฺญวาจโกฯ ยนฺติ วตฺถุํฯ ปเรสนฺติ อตฺตนา อเญฺญสํฯ ‘‘เอต’’นฺติ ‘‘ฉนฺทก’’นฺติ เอตํ นามํฯ ‘‘อญฺญสฺสตฺถาย ทิเนฺนนา’’ติอิมินา อญฺญสฺส อโตฺถ อญฺญทโตฺถ, ทกาโร ปทสนฺธิกโร, ตทตฺถาย ทิโนฺน อญฺญทตฺถิโกติ วจนตฺถํ ทเสฺสติฯ ‘‘อญฺญํ อุทฺทิสิตฺวา ทิเนฺนนา’’ติอิมินา อญฺญํ อุทฺทิสิตฺวา ทินฺนํ อญฺญุทฺทิสิกนฺติ วจนตฺถํ ทเสฺสติฯ ‘‘สงฺฆสฺส ปริจฺจเตฺตนา’’ติ อิมินา สงฺฆสฺส ปริจฺจโตฺต สงฺฆิโกติ วจนตฺถํ ทเสฺสติฯ
758. Chaṭṭhe chandaṃ uppādetvā gahitaṃ chandakanti vacanatthaṃ dassento āha ‘‘chandaka’’ntiādi. Dhammakiccanti puññakaraṇīyaṃ. Dhammasaddo hettha puññavācako. Yanti vatthuṃ. Paresanti attanā aññesaṃ. ‘‘Eta’’nti ‘‘chandaka’’nti etaṃ nāmaṃ. ‘‘Aññassatthāya dinnenā’’tiiminā aññassa attho aññadattho, dakāro padasandhikaro, tadatthāya dinno aññadatthikoti vacanatthaṃ dasseti. ‘‘Aññaṃ uddisitvā dinnenā’’tiiminā aññaṃ uddisitvā dinnaṃ aññuddisikanti vacanatthaṃ dasseti. ‘‘Saṅghassa pariccattenā’’ti iminā saṅghassa pariccatto saṅghikoti vacanatthaṃ dasseti.
๗๖๒. ยทตฺถายาติ เยสํ จีวราทีนํ อตฺถายฯ ยสเทฺทน สมาสภาวโต ปุเพฺพ นิคฺคหิตาคโม โหติฯ ตนฺติ จีวราทิกํฯ ตุเมฺหหีติ ทายเก สนฺธาย วุตฺตํฯ อุปทฺทเวสูติ ทุพฺภิกฺขาทิอุปสเคฺคสุฯ ยํ วา ตํ วาติ จีวรํ วา อเญฺญ วา ปิณฺฑปาตาทิเกติ ยํ วา ตํ วาติฯ ฉฎฺฐํฯ
762.Yadatthāyāti yesaṃ cīvarādīnaṃ atthāya. Yasaddena samāsabhāvato pubbe niggahitāgamo hoti. Tanti cīvarādikaṃ. Tumhehīti dāyake sandhāya vuttaṃ. Upaddavesūti dubbhikkhādiupasaggesu. Yaṃ vā taṃ vāti cīvaraṃ vā aññe vā piṇḍapātādiketi yaṃ vā taṃ vāti. Chaṭṭhaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๖. ฉฎฺฐสิกฺขาปทํ • 6. Chaṭṭhasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā / ฉฎฺฐนิสฺสคฺคิยปาจิตฺติยสิกฺขาปทวณฺณนา • Chaṭṭhanissaggiyapācittiyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๓. นิสฺสคฺคิยกณฺฑํ (ภิกฺขุนีวิภงฺควณฺณนา) • 3. Nissaggiyakaṇḍaṃ (bhikkhunīvibhaṅgavaṇṇanā)
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๖. ฉฎฺฐนิสฺสคฺคิยปาจิตฺติยสิกฺขาปทวณฺณนา • 6. Chaṭṭhanissaggiyapācittiyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๒. ทุติยนิสฺสคฺคิยาทิปาจิตฺติยสิกฺขาปทวณฺณนา • 2. Dutiyanissaggiyādipācittiyasikkhāpadavaṇṇanā
