| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
6. ඡට්‌ඨනිස්‌සග්‌ගියපාචිත්‌තියසික්‌ඛාපදං
6. Chaṭṭhanissaggiyapācittiyasikkhāpadaṃ
758. ඡට්‌ඨෙ ඡන්‌දං උප්‌පාදෙත්‌වා ගහිතං ඡන්‌දකන්‌ති වචනත්‌ථං දස්‌සෙන්‌තො ආහ ‘‘ඡන්‌දක’’න්‌තිආදි. ධම්‌මකිච්‌චන්‌ති පුඤ්‌ඤකරණීයං. ධම්‌මසද්‌දො හෙත්‌ථ පුඤ්‌ඤවාචකො. යන්‌ති වත්‌ථුං. පරෙසන්‌ති අත්‌තනා අඤ්‌ඤෙසං. ‘‘එත’’න්‌ති ‘‘ඡන්‌දක’’න්‌ති එතං නාමං. ‘‘අඤ්‌ඤස්‌සත්‌ථාය දින්‌නෙනා’’තිඉමිනා අඤ්‌ඤස්‌ස අත්‌ථො අඤ්‌ඤදත්‌ථො, දකාරො පදසන්‌ධිකරො, තදත්‌ථාය දින්‌නො අඤ්‌ඤදත්‌ථිකොති වචනත්‌ථං දස්‌සෙති. ‘‘අඤ්‌ඤං උද්‌දිසිත්‌වා දින්‌නෙනා’’තිඉමිනා අඤ්‌ඤං උද්‌දිසිත්‌වා දින්‌නං අඤ්‌ඤුද්‌දිසිකන්‌ති වචනත්‌ථං දස්‌සෙති. ‘‘සඞ්‌ඝස්‌ස පරිච්‌චත්‌තෙනා’’ති ඉමිනා සඞ්‌ඝස්‌ස පරිච්‌චත්‌තො සඞ්‌ඝිකොති වචනත්‌ථං දස්‌සෙති.
758. Chaṭṭhe chandaṃ uppādetvā gahitaṃ chandakanti vacanatthaṃ dassento āha ‘‘chandaka’’ntiādi. Dhammakiccanti puññakaraṇīyaṃ. Dhammasaddo hettha puññavācako. Yanti vatthuṃ. Paresanti attanā aññesaṃ. ‘‘Eta’’nti ‘‘chandaka’’nti etaṃ nāmaṃ. ‘‘Aññassatthāya dinnenā’’tiiminā aññassa attho aññadattho, dakāro padasandhikaro, tadatthāya dinno aññadatthikoti vacanatthaṃ dasseti. ‘‘Aññaṃ uddisitvā dinnenā’’tiiminā aññaṃ uddisitvā dinnaṃ aññuddisikanti vacanatthaṃ dasseti. ‘‘Saṅghassa pariccattenā’’ti iminā saṅghassa pariccatto saṅghikoti vacanatthaṃ dasseti.
762. යදත්‌ථායාති යෙසං චීවරාදීනං අත්‌ථාය. යසද්‌දෙන සමාසභාවතො පුබ්‌බෙ නිග්‌ගහිතාගමො හොති. තන්‌ති චීවරාදිකං. තුම්‌හෙහීති දායකෙ සන්‌ධාය වුත්‌තං. උපද්‌දවෙසූති දුබ්‌භික්‌ඛාදිඋපසග්‌ගෙසු. යං වා තං වාති චීවරං වා අඤ්‌ඤෙ වා පිණ්‌ඩපාතාදිකෙති යං වා තං වාති. ඡට්‌ඨං.
762.Yadatthāyāti yesaṃ cīvarādīnaṃ atthāya. Yasaddena samāsabhāvato pubbe niggahitāgamo hoti. Tanti cīvarādikaṃ. Tumhehīti dāyake sandhāya vuttaṃ. Upaddavesūti dubbhikkhādiupasaggesu. Yaṃ vā taṃ vāti cīvaraṃ vā aññe vā piṇḍapātādiketi yaṃ vā taṃ vāti. Chaṭṭhaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 6. ඡට්‌ඨසික්‌ඛාපදං • 6. Chaṭṭhasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / ඡට්‌ඨනිස්‌සග්‌ගියපාචිත්‌තියසික්‌ඛාපදවණ්‌ණනා • Chaṭṭhanissaggiyapācittiyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 3. නිස්‌සග්‌ගියකණ්‌ඩං (භික්‌ඛුනීවිභඞ්‌ගවණ්‌ණනා) • 3. Nissaggiyakaṇḍaṃ (bhikkhunīvibhaṅgavaṇṇanā)
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 6. ඡට්‌ඨනිස්‌සග්‌ගියපාචිත්‌තියසික්‌ඛාපදවණ්‌ණනා • 6. Chaṭṭhanissaggiyapācittiyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 2. දුතියනිස්‌සග්‌ගියාදිපාචිත්‌තියසික්‌ඛාපදවණ්‌ණනා • 2. Dutiyanissaggiyādipācittiyasikkhāpadavaṇṇanā
