| Library / Tipiṭaka / তিপিটক • Tipiṭaka / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā |
ছট্ঠনিস্সগ্গিযপাচিত্তিযসিক্খাপদৰণ্ণনা
Chaṭṭhanissaggiyapācittiyasikkhāpadavaṇṇanā
৭৫৮. ছট্ঠে – ছন্দকন্তি ‘‘ইদং নাম ধম্মকিচ্চং করিস্সাম, যং সক্কোথ; তং দেথা’’তি এৰং পরেসং ছন্দঞ্চ রুচিঞ্চ উপ্পাদেত্ৰা গহিতপরিক্খারস্সেতং অধিৰচনং। অঞ্ঞদত্থিকেনাতি অঞ্ঞস্সত্থায দিন্নেন। অঞ্ঞুদ্দিসিকেনাতি অঞ্ঞং উদ্দিসিত্ৰা দিন্নেন। সঙ্ঘিকেনাতি সঙ্ঘস্স পরিচ্চত্তেন।
758. Chaṭṭhe – chandakanti ‘‘idaṃ nāma dhammakiccaṃ karissāma, yaṃ sakkotha; taṃ dethā’’ti evaṃ paresaṃ chandañca ruciñca uppādetvā gahitaparikkhārassetaṃ adhivacanaṃ. Aññadatthikenāti aññassatthāya dinnena. Aññuddisikenāti aññaṃ uddisitvā dinnena. Saṅghikenāti saṅghassa pariccattena.
৭৬২. সেসকং উপনেতীতি যদত্থায দিন্নো, তং চেতাপেত্ৰা অৰসেসং অঞ্ঞস্সত্থায উপনেতি। সামিকে অপলোকেত্ৰাতি ‘‘তুম্হেহি চীৰরত্থায দিন্নো, অম্হাকঞ্চ চীৰরং অত্থি, তেলাদীহি পন অত্থো’’তি এৰং আপুচ্ছিত্ৰা উপনেতি। আপদাসূতি তথারূপেসু উপদ্দৰেসু; ভিক্খুনিযো ৰিহারং ছড্ডেত্ৰা পক্কমন্তি, এৰরূপাসু আপদাসু যং ৰা তং ৰা চেতাপেতুং ৰট্টতি। সেসং উত্তানমেৰ।
762.Sesakaṃ upanetīti yadatthāya dinno, taṃ cetāpetvā avasesaṃ aññassatthāya upaneti. Sāmike apaloketvāti ‘‘tumhehi cīvaratthāya dinno, amhākañca cīvaraṃ atthi, telādīhi pana attho’’ti evaṃ āpucchitvā upaneti. Āpadāsūti tathārūpesu upaddavesu; bhikkhuniyo vihāraṃ chaḍḍetvā pakkamanti, evarūpāsu āpadāsu yaṃ vā taṃ vā cetāpetuṃ vaṭṭati. Sesaṃ uttānameva.
ছসমুট্ঠানং – কিরিযাকিরিযং, নোসঞ্ঞাৰিমোক্খং, অচিত্তকং, পণ্ণত্তিৰজ্জং, কাযকম্মং, ৰচীকম্মং, তিচিত্তং, তিৰেদনন্তি।
Chasamuṭṭhānaṃ – kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ছট্ঠসিক্খাপদং।
Chaṭṭhasikkhāpadaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ৬. ছট্ঠসিক্খাপদং • 6. Chaṭṭhasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৩. নিস্সগ্গিযকণ্ডং (ভিক্খুনীৰিভঙ্গৰণ্ণনা) • 3. Nissaggiyakaṇḍaṃ (bhikkhunīvibhaṅgavaṇṇanā)
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৬. ছট্ঠনিস্সগ্গিযপাচিত্তিযসিক্খাপদৰণ্ণনা • 6. Chaṭṭhanissaggiyapācittiyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ২. দুতিযনিস্সগ্গিযাদিপাচিত্তিযসিক্খাপদৰণ্ণনা • 2. Dutiyanissaggiyādipācittiyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৬. ছট্ঠনিস্সগ্গিযপাচিত্তিযসিক্খাপদং • 6. Chaṭṭhanissaggiyapācittiyasikkhāpadaṃ
