| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
6. ச²ட்ட²ஸங்கா⁴தி³ஸேஸஸிக்கா²பத³ங்
6. Chaṭṭhasaṅghādisesasikkhāpadaṃ
705. ச²ட்டே² யதோ த்வந்தி எத்த² காரணத்தே² தோபச்சயோதி ஆஹ ‘‘யஸ்மா’’தி. கஸ்ஸா ஹொந்தீதி உய்யோஜிகாஉய்யோஜிதாஸு கஸ்ஸா பி⁴க்கு²னியா ஹொந்தீதி யோஜனா. ந தே³தீதி உய்யோஜிகா உய்யோஜிதாய ந தே³தி. ந படிக்³க³ண்ஹாதீதி உய்யோஜிதா உய்யோஜிகாய ஹத்த²தோ ந படிக்³க³ண்ஹாதி. படிக்³க³ஹோ தேன ந விஜ்ஜதீதி தேனேவ காரணேன உய்யோஜிகாய ஹத்த²தோ உய்யோஜிதாய படிக்³க³ஹோ ந விஜ்ஜதி. ஆபஜ்ஜதி க³ருகங், ந லஹுகந்தி ஏவங் ஸந்தேபி உய்யோஜிகா க³ருகமேவ ஸங்கா⁴தி³ஸேஸாபத்திங் ஆபஜ்ஜதி, ந லஹுகங். தஞ்சாதி தங் ஆபஜ்ஜனஞ்ச. பரிபோ⁴க³பச்சயாதி உய்யோஜிகாய பரிபோ⁴க³ஸங்கா²தா காரணாதி அயங் கா³தா²யத்தோ².
705. Chaṭṭhe yato tvanti ettha kāraṇatthe topaccayoti āha ‘‘yasmā’’ti. Kassā hontīti uyyojikāuyyojitāsu kassā bhikkhuniyā hontīti yojanā. Nadetīti uyyojikā uyyojitāya na deti. Na paṭiggaṇhātīti uyyojitā uyyojikāya hatthato na paṭiggaṇhāti. Paṭiggaho tena na vijjatīti teneva kāraṇena uyyojikāya hatthato uyyojitāya paṭiggaho na vijjati. Āpajjati garukaṃ, na lahukanti evaṃ santepi uyyojikā garukameva saṅghādisesāpattiṃ āpajjati, na lahukaṃ. Tañcāti taṃ āpajjanañca. Paribhogapaccayāti uyyojikāya paribhogasaṅkhātā kāraṇāti ayaṃ gāthāyattho.
இதரிஸ்ஸா பனாதி உய்யோஜிதாய பன பி⁴க்கு²னியா. பட²மஸிக்கா²பதே³தி பஞ்சமஸிக்கா²பதே³. பஞ்சமஸிக்கா²பத³ஞ்ஹி இமினா ஸிக்கா²பதே³ன யுக³ளபா⁴வேன ஸதி³ஸத்தா இமங் உபாதா³ய பட²மந்தி வுத்தந்தி. ச²ட்ட²ங்.
Itarissā panāti uyyojitāya pana bhikkhuniyā. Paṭhamasikkhāpadeti pañcamasikkhāpade. Pañcamasikkhāpadañhi iminā sikkhāpadena yugaḷabhāvena sadisattā imaṃ upādāya paṭhamanti vuttanti. Chaṭṭhaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 6. ச²ட்ட²ஸங்கா⁴தி³ஸேஸஸிக்கா²பத³ங் • 6. Chaṭṭhasaṅghādisesasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 6. ச²ட்ட²ஸங்கா⁴தி³ஸேஸஸிக்கா²பத³வண்ணனா • 6. Chaṭṭhasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 6. ச²ட்ட²ஸங்கா⁴தி³ஸேஸஸிக்கா²பத³வண்ணனா • 6. Chaṭṭhasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. ச²ட்ட²ஸங்கா⁴தி³ஸேஸஸிக்கா²பத³வண்ணனா • 6. Chaṭṭhasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. ச²ட்ட²ஸங்கா⁴தி³ஸேஸஸிக்கா²பத³வண்ணனா • 6. Chaṭṭhasaṅghādisesasikkhāpadavaṇṇanā
