| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
6. чадтасан̇гхаад̣̇исзсасигкаабад̣̇ам̣
6. Chaṭṭhasaṅghādisesasikkhāpadaṃ
704. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна сунд̣̇арийнанд̣̇аа бхигкуний абхируубаа ход̇и д̣̇ассанийяаа баасаад̣̇игаа. мануссаа бхад̇д̇аг̇г̇з сунд̣̇арийнанд̣̇ам̣ бхигкуним̣ бассид̇ваа авассуд̇аа сунд̣̇арийнанд̣̇ааяа бхигкунияаа аг̇г̇амаг̇г̇аани бхож̇анаани д̣̇знд̇и. сунд̣̇арийнанд̣̇аа бхигкуний гуггужжааяанд̇ий на бадиг̇г̇ан̣хаад̇и. ананд̇аригаа бхигкуний сунд̣̇арийнанд̣̇ам̣ бхигкуним̣ зд̇ад̣̇авожа – ‘‘гисса д̇вам̣, аяяз, на бадиг̇г̇ан̣хаасий’’д̇и? ‘‘авассуд̇аа, аяяз’’д̇и. ‘‘д̇вам̣ бана, аяяз, авассуд̇аа’’д̇и? ‘‘наахам̣, аяяз, авассуд̇аа’’д̇и. ‘‘гим̣ д̇з, аяяз, зсо бурисабуг̇г̇ало гариссад̇и авассуд̇о ваа анавассуд̇о ваа, яад̇о д̇вам̣ анавассуд̇аа. ин̇гхам̣, аяяз, яам̣ д̇з зсо бурисабуг̇г̇ало д̣̇зд̇и каад̣̇анийяам̣ ваа бхож̇анийяам̣ ваа д̇ам̣ д̇вам̣ сахад̇т̇аа бадиг̇г̇ахзд̇ваа каад̣̇а ваа, бхун̃ж̇а ваа’’д̇и.
704. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sundarīnandā bhikkhunī abhirūpā hoti dassanīyā pāsādikā. Manussā bhattagge sundarīnandaṃ bhikkhuniṃ passitvā avassutā sundarīnandāya bhikkhuniyā aggamaggāni bhojanāni denti. Sundarīnandā bhikkhunī kukkuccāyantī na paṭiggaṇhāti. Anantarikā bhikkhunī sundarīnandaṃ bhikkhuniṃ etadavoca – ‘‘kissa tvaṃ, ayye, na paṭiggaṇhāsī’’ti? ‘‘Avassutā, ayye’’ti. ‘‘Tvaṃ pana, ayye, avassutā’’ti? ‘‘Nāhaṃ, ayye, avassutā’’ti. ‘‘Kiṃ te, ayye, eso purisapuggalo karissati avassuto vā anavassuto vā, yato tvaṃ anavassutā. Iṅghaṃ, ayye, yaṃ te eso purisapuggalo deti khādanīyaṃ vā bhojanīyaṃ vā taṃ tvaṃ sahatthā paṭiggahetvā khāda vā, bhuñja vā’’ti.
яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуний звам̣ вагкад̇и – ‘гим̣ д̇з, аяяз, зсо бурисабуг̇г̇ало гариссад̇и авассуд̇о ваа анавассуд̇о ваа, яад̇о д̇вам̣ анавассуд̇аа. ин̇гха, аяяз, яам̣ д̇з зсо бурисабуг̇г̇ало д̣̇зд̇и каад̣̇анийяам̣ ваа бхож̇анийяам̣ ваа д̇ам̣ д̇вам̣ сахад̇т̇аа бадиг̇г̇ахзд̇ваа каад̣̇а ваа бхун̃ж̇а ваа’’д̇и…бз… сажжам̣ гира, бхигкавз, бхигкуний звам̣ вад̣̇зд̇и – ‘‘гим̣ д̇з, аяяз, зсо бурисабуг̇г̇ало гариссад̇и авассуд̇о ваа анавассуд̇о ваа яад̇о д̇вам̣ анавассуд̇аа! ин̇гха, аяяз, яам̣ д̇з зсо бурисабуг̇г̇ало д̣̇зд̇и каад̣̇анийяам̣ ваа бхож̇анийяам̣ ваа д̇ам̣ д̇вам̣ сахад̇т̇аа бадиг̇г̇ахзд̇ваа каад̣̇а ваа бхун̃ж̇а ваа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкуний звам̣ вагкад̇и – ‘‘гим̣ д̇з, аяяз, зсо бурисабуг̇г̇ало гариссад̇и авассуд̇о ваа анавассуд̇о ваа яад̇о д̇вам̣ анавассуд̇аа; ин̇гха, аяяз, яам̣ д̇з зсо бурисабуг̇г̇ало д̣̇зд̇и каад̣̇анийяам̣ ваа бхож̇анийяам̣ ваа д̇ам̣ д̇вам̣ сахад̇т̇аа бадиг̇г̇ахзд̇ваа каад̣̇а ваа бхун̃ж̇а ваа’’. нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhunī evaṃ vakkhati – ‘kiṃ te, ayye, eso purisapuggalo karissati avassuto vā anavassuto vā, yato tvaṃ anavassutā. Iṅgha, ayye, yaṃ te eso purisapuggalo deti khādanīyaṃ vā bhojanīyaṃ vā taṃ tvaṃ sahatthā paṭiggahetvā khāda vā bhuñja vā’’ti…pe… saccaṃ kira, bhikkhave, bhikkhunī evaṃ vadeti – ‘‘kiṃ te, ayye, eso purisapuggalo karissati avassuto vā anavassuto vā yato tvaṃ anavassutā! Iṅgha, ayye, yaṃ te eso purisapuggalo deti khādanīyaṃ vā bhojanīyaṃ vā taṃ tvaṃ sahatthā paṭiggahetvā khāda vā bhuñja vā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhunī evaṃ vakkhati – ‘‘kiṃ te, ayye, eso purisapuggalo karissati avassuto vā anavassuto vā yato tvaṃ anavassutā; iṅgha, ayye, yaṃ te eso purisapuggalo deti khādanīyaṃ vā bhojanīyaṃ vā taṃ tvaṃ sahatthā paṭiggahetvā khāda vā bhuñja vā’’. Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
705. ‘‘яаа бана бхигкуний звам̣ вад̣̇зяяа – ‘гим̣ д̇з, аяяз, зсо бурисабуг̇г̇ало гариссад̇и авассуд̇о ваа анавассуд̇о ваа, яад̇о д̇вам̣ анавассуд̇аа. ин̇гха, аяяз, яам̣ д̇з зсо бурисабуг̇г̇ало д̣̇зд̇и каад̣̇анийяам̣ ваа бхож̇анийяам̣ ваа д̇ам̣ д̇вам̣ сахад̇т̇аа бадиг̇г̇ахзд̇ваа каад̣̇а ваа бхун̃ж̇а ваа’д̇и, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзса’’нд̇и.
705.‘‘Yā pana bhikkhunī evaṃ vadeyya – ‘kiṃ te, ayye, eso purisapuggalo karissati avassuto vā anavassuto vā, yato tvaṃ anavassutā. Iṅgha, ayye, yaṃ te eso purisapuggalo deti khādanīyaṃ vā bhojanīyaṃ vā taṃ tvaṃ sahatthā paṭiggahetvā khāda vā bhuñja vā’ti, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesa’’nti.
706. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
706.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
звам̣ вад̣̇зяяаад̇и – ‘‘гим̣ д̇з, аяяз, зсо бурисабуг̇г̇ало гариссад̇и авассуд̇о ваа анавассуд̇о ваа, яад̇о д̇вам̣ анавассуд̇аа. ин̇гха, аяяз, яам̣ д̇з зсо бурисабуг̇г̇ало д̣̇зд̇и каад̣̇анийяам̣ ваа бхож̇анийяам̣ ваа д̇ам̣ д̇вам̣ сахад̇т̇аа бадиг̇г̇ахзд̇ваа каад̣̇а ваа бхун̃ж̇а ваа’’д̇и уяяож̇зд̇и, аабад̇д̇и д̣̇уггадасса. д̇ассаа важанзна ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и т̇уллажжаяасса. бхож̇анабарияосаанз аабад̇д̇и сан̇гхаад̣̇исзсасса.
Evaṃ vadeyyāti – ‘‘kiṃ te, ayye, eso purisapuggalo karissati avassuto vā anavassuto vā, yato tvaṃ anavassutā. Iṅgha, ayye, yaṃ te eso purisapuggalo deti khādanīyaṃ vā bhojanīyaṃ vā taṃ tvaṃ sahatthā paṭiggahetvā khāda vā bhuñja vā’’ti uyyojeti, āpatti dukkaṭassa. Tassā vacanena ‘‘khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti thullaccayassa. Bhojanapariyosāne āpatti saṅghādisesassa.
аяамбийд̇и буримааяо убаад̣̇ааяа вужжад̇и.
Ayampīti purimāyo upādāya vuccati.
батамаабад̇д̇иганд̇и саха вад̇т̇уж̇жхаажаараа аабаж̇ж̇ад̇и асаманубхаасанааяа.
Paṭhamāpattikanti saha vatthujjhācārā āpajjati asamanubhāsanāya.
ниссааран̣ийяанд̇и сан̇гхамхаа ниссаарийяад̇и.
Nissāraṇīyanti saṅghamhā nissārīyati.
сан̇гхаад̣̇исзсод̇и…бз… д̇знаби вужжад̇и сан̇гхаад̣̇исзсод̇и.
Saṅghādisesoti…pe… tenapi vuccati saṅghādisesoti.
уд̣̇агад̣̇анд̇абонам̣ ‘‘бадиг̇г̇ан̣хаа’’д̇и уяяож̇зд̇и, аабад̇д̇и д̣̇уггадасса. д̇ассаа важанзна каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса.
Udakadantaponaṃ ‘‘paṭiggaṇhā’’ti uyyojeti, āpatti dukkaṭassa. Tassā vacanena khādissāmi bhuñjissāmī’’ti paṭiggaṇhāti, āpatti dukkaṭassa.
707. згад̇оавассуд̇з яагкасса ваа бзд̇асса ваа бан̣д̣агасса ваа д̇иражчаанаг̇ад̇амануссавиг̇г̇ахасса ваа хад̇т̇ад̇о каад̣̇анийяам̣ ваа бхож̇анийяам̣ ваа ‘‘каад̣̇а ваа бхун̃ж̇а ваа’’д̇и уяяож̇зд̇и, аабад̇д̇и д̣̇уггадасса. д̇ассаа важанзна ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса. бхож̇анабарияосаанз аабад̇д̇и т̇уллажжаяасса. уд̣̇агад̣̇анд̇абонам̣ бадиг̇г̇ан̣хаад̇и уяяож̇зд̇и, аабад̇д̇и д̣̇уггадасса. д̇ассаа важанзна ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса.
707. Ekatoavassute yakkhassa vā petassa vā paṇḍakassa vā tiracchānagatamanussaviggahassa vā hatthato khādanīyaṃ vā bhojanīyaṃ vā ‘‘khāda vā bhuñja vā’’ti uyyojeti, āpatti dukkaṭassa. Tassā vacanena ‘‘khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Bhojanapariyosāne āpatti thullaccayassa. Udakadantaponaṃ paṭiggaṇhāti uyyojeti, āpatti dukkaṭassa. Tassā vacanena ‘‘khādissāmi bhuñjissāmī’’ti paṭiggaṇhāti, āpatti dukkaṭassa.
708. анаабад̇д̇и ‘‘анавассуд̇о’’д̇и ж̇аананд̇ий уяяож̇зд̇и, ‘‘губид̇аа на бадиг̇г̇ан̣хаад̇ий’’д̇и уяяож̇зд̇и, ‘‘гулаануд̣̇д̣̇аяад̇ааяа на бадиг̇г̇ан̣хаад̇ий’’д̇и уяяож̇зд̇и, уммад̇д̇игааяа, аад̣̇игаммигааяаад̇и.
708. Anāpatti ‘‘anavassuto’’ti jānantī uyyojeti, ‘‘kupitā na paṭiggaṇhātī’’ti uyyojeti, ‘‘kulānuddayatāya na paṭiggaṇhātī’’ti uyyojeti, ummattikāya, ādikammikāyāti.
чадтасан̇гхаад̣̇исзсасигкаабад̣̇ам̣ нидтид̇ам̣.
Chaṭṭhasaṅghādisesasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 6. чадтасан̇гхаад̣̇исзсасигкаабад̣̇аван̣н̣анаа • 6. Chaṭṭhasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. чадтасан̇гхаад̣̇исзсасигкаабад̣̇аван̣н̣анаа • 6. Chaṭṭhasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. чадтасан̇гхаад̣̇исзсасигкаабад̣̇аван̣н̣анаа • 6. Chaṭṭhasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. чадтасан̇гхаад̣̇исзсасигкаабад̣̇аван̣н̣анаа • 6. Chaṭṭhasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. чадтасан̇гхаад̣̇исзсасигкаабад̣̇ам̣ • 6. Chaṭṭhasaṅghādisesasikkhāpadaṃ
