| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੬. ਛਟ੍ਠਸਙ੍ਘਾਦਿਸੇਸਸਿਕ੍ਖਾਪਦਂ
6. Chaṭṭhasaṅghādisesasikkhāpadaṃ
੭੦੫. ਛਟ੍ਠੇ ਯਤੋ ਤ੍વਨ੍ਤਿ ਏਤ੍ਥ ਕਾਰਣਤ੍ਥੇ ਤੋਪਚ੍ਚਯੋਤਿ ਆਹ ‘‘ਯਸ੍ਮਾ’’ਤਿ। ਕਸ੍ਸਾ ਹੋਨ੍ਤੀਤਿ ਉਯ੍ਯੋਜਿਕਾਉਯ੍ਯੋਜਿਤਾਸੁ ਕਸ੍ਸਾ ਭਿਕ੍ਖੁਨਿਯਾ ਹੋਨ੍ਤੀਤਿ ਯੋਜਨਾ। ਨ ਦੇਤੀਤਿ ਉਯ੍ਯੋਜਿਕਾ ਉਯ੍ਯੋਜਿਤਾਯ ਨ ਦੇਤਿ। ਨ ਪਟਿਗ੍ਗਣ੍ਹਾਤੀਤਿ ਉਯ੍ਯੋਜਿਤਾ ਉਯ੍ਯੋਜਿਕਾਯ ਹਤ੍ਥਤੋ ਨ ਪਟਿਗ੍ਗਣ੍ਹਾਤਿ। ਪਟਿਗ੍ਗਹੋ ਤੇਨ ਨ વਿਜ੍ਜਤੀਤਿ ਤੇਨੇવ ਕਾਰਣੇਨ ਉਯ੍ਯੋਜਿਕਾਯ ਹਤ੍ਥਤੋ ਉਯ੍ਯੋਜਿਤਾਯ ਪਟਿਗ੍ਗਹੋ ਨ વਿਜ੍ਜਤਿ। ਆਪਜ੍ਜਤਿ ਗਰੁਕਂ, ਨ ਲਹੁਕਨ੍ਤਿ ਏવਂ ਸਨ੍ਤੇਪਿ ਉਯ੍ਯੋਜਿਕਾ ਗਰੁਕਮੇવ ਸਙ੍ਘਾਦਿਸੇਸਾਪਤ੍ਤਿਂ ਆਪਜ੍ਜਤਿ, ਨ ਲਹੁਕਂ। ਤਞ੍ਚਾਤਿ ਤਂ ਆਪਜ੍ਜਨਞ੍ਚ। ਪਰਿਭੋਗਪਚ੍ਚਯਾਤਿ ਉਯ੍ਯੋਜਿਕਾਯ ਪਰਿਭੋਗਸਙ੍ਖਾਤਾ ਕਾਰਣਾਤਿ ਅਯਂ ਗਾਥਾਯਤ੍ਥੋ।
705. Chaṭṭhe yato tvanti ettha kāraṇatthe topaccayoti āha ‘‘yasmā’’ti. Kassā hontīti uyyojikāuyyojitāsu kassā bhikkhuniyā hontīti yojanā. Nadetīti uyyojikā uyyojitāya na deti. Na paṭiggaṇhātīti uyyojitā uyyojikāya hatthato na paṭiggaṇhāti. Paṭiggaho tena na vijjatīti teneva kāraṇena uyyojikāya hatthato uyyojitāya paṭiggaho na vijjati. Āpajjati garukaṃ, na lahukanti evaṃ santepi uyyojikā garukameva saṅghādisesāpattiṃ āpajjati, na lahukaṃ. Tañcāti taṃ āpajjanañca. Paribhogapaccayāti uyyojikāya paribhogasaṅkhātā kāraṇāti ayaṃ gāthāyattho.
ਇਤਰਿਸ੍ਸਾ ਪਨਾਤਿ ਉਯ੍ਯੋਜਿਤਾਯ ਪਨ ਭਿਕ੍ਖੁਨਿਯਾ। ਪਠਮਸਿਕ੍ਖਾਪਦੇਤਿ ਪਞ੍ਚਮਸਿਕ੍ਖਾਪਦੇ। ਪਞ੍ਚਮਸਿਕ੍ਖਾਪਦਞ੍ਹਿ ਇਮਿਨਾ ਸਿਕ੍ਖਾਪਦੇਨ ਯੁਗਲ਼ਭਾવੇਨ ਸਦਿਸਤ੍ਤਾ ਇਮਂ ਉਪਾਦਾਯ ਪਠਮਨ੍ਤਿ વੁਤ੍ਤਨ੍ਤਿ। ਛਟ੍ਠਂ।
Itarissā panāti uyyojitāya pana bhikkhuniyā. Paṭhamasikkhāpadeti pañcamasikkhāpade. Pañcamasikkhāpadañhi iminā sikkhāpadena yugaḷabhāvena sadisattā imaṃ upādāya paṭhamanti vuttanti. Chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੬. ਛਟ੍ਠਸਙ੍ਘਾਦਿਸੇਸਸਿਕ੍ਖਾਪਦਂ • 6. Chaṭṭhasaṅghādisesasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੬. ਛਟ੍ਠਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 6. Chaṭṭhasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਛਟ੍ਠਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 6. Chaṭṭhasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੬. ਛਟ੍ਠਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 6. Chaṭṭhasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਛਟ੍ਠਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 6. Chaṭṭhasaṅghādisesasikkhāpadavaṇṇanā
