| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
6. ச²ட்ட²ஸங்கா⁴தி³ஸேஸஸிக்கா²பத³வண்ணனா
6. Chaṭṭhasaṅghādisesasikkhāpadavaṇṇanā
705. ச²ட்டே² பரிவாரகா³தா²ய அயமத்தோ². ந தே³தி ந படிக்³க³ண்ஹாதீதி (பரி॰ அட்ட²॰ 481) ந உய்யோஜிகா தே³தி, நாபி உய்யோஜிதா தஸ்ஸா ஹத்த²தோ க³ண்ஹாதி . படிக்³க³ஹோ தேன ந விஜ்ஜதீதி தேனேவ காரணேன உய்யோஜிகாய ஹத்த²தோ உய்யோஜிதாய படிக்³க³ஹோ ந விஜ்ஜதி. ஆபஜ்ஜதி க³ருகந்தி ஏவங் ஸந்தேபி அவஸ்ஸுதஸ்ஸ ஹத்த²தோ பிண்ட³க்³க³ஹணே உய்யோஜெந்தீ ஸங்கா⁴தி³ஸேஸாபத்திங் ஆபஜ்ஜதி. தஞ்ச பரிபோ⁴க³பச்சயாதி தஞ்ச பன ஆபத்திங் ஆபஜ்ஜமானா தஸ்ஸா உய்யோஜிதாய பரிபோ⁴க³பச்சயா ஆபஜ்ஜதி. தஸ்ஸா ஹி போ⁴ஜனபரியோஸானே உய்யோஜிகாய ஸங்கா⁴தி³ஸேஸோ ஹோதி. ஸேஸமெத்த² உத்தானமேவ. மனுஸ்ஸபுரிஸதா, அஞ்ஞத்ர அனுஞ்ஞாதகாரணா கா²த³னீயங் போ⁴ஜனீயங் க³ஹெத்வா பு⁴ஞ்ஜாதி உய்யோஜனா, தேன வசனேன க³ஹெத்வா இதரிஸ்ஸா போ⁴ஜனபரியோஸானந்தி இமானி பனெத்த² தீணி அங்கா³னி.
705. Chaṭṭhe parivāragāthāya ayamattho. Na deti na paṭiggaṇhātīti (pari. aṭṭha. 481) na uyyojikā deti, nāpi uyyojitā tassā hatthato gaṇhāti . Paṭiggaho tena na vijjatīti teneva kāraṇena uyyojikāya hatthato uyyojitāya paṭiggaho na vijjati. Āpajjati garukanti evaṃ santepi avassutassa hatthato piṇḍaggahaṇe uyyojentī saṅghādisesāpattiṃ āpajjati. Tañca paribhogapaccayāti tañca pana āpattiṃ āpajjamānā tassā uyyojitāya paribhogapaccayā āpajjati. Tassā hi bhojanapariyosāne uyyojikāya saṅghādiseso hoti. Sesamettha uttānameva. Manussapurisatā, aññatra anuññātakāraṇā khādanīyaṃ bhojanīyaṃ gahetvā bhuñjāti uyyojanā, tena vacanena gahetvā itarissā bhojanapariyosānanti imāni panettha tīṇi aṅgāni.
ச²ட்ட²ஸங்கா⁴தி³ஸேஸஸிக்கா²பத³வண்ணனா நிட்டி²தா.
Chaṭṭhasaṅghādisesasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 6. ச²ட்ட²ஸங்கா⁴தி³ஸேஸஸிக்கா²பத³ங் • 6. Chaṭṭhasaṅghādisesasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 6. ச²ட்ட²ஸங்கா⁴தி³ஸேஸஸிக்கா²பத³வண்ணனா • 6. Chaṭṭhasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. ச²ட்ட²ஸங்கா⁴தி³ஸேஸஸிக்கா²பத³வண்ணனா • 6. Chaṭṭhasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. ச²ட்ட²ஸங்கா⁴தி³ஸேஸஸிக்கா²பத³வண்ணனா • 6. Chaṭṭhasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 6. ச²ட்ட²ஸங்கா⁴தி³ஸேஸஸிக்கா²பத³ங் • 6. Chaṭṭhasaṅghādisesasikkhāpadaṃ
