| Library / Tipiṭaka / ติปิฎก • Tipiṭaka / สารตฺถทีปนี-ฎีกา • Sāratthadīpanī-ṭīkā |
๖. ฉฎฺฐสงฺฆาทิเสสสิกฺขาปทวณฺณนา
6. Chaṭṭhasaṅghādisesasikkhāpadavaṇṇanā
๗๐๕. ฉเฎฺฐ ปริวารคาถาย อยมโตฺถฯ น เทติ น ปฎิคฺคณฺหาตีติ (ปริ. อฎฺฐ. ๔๘๑) น อุโยฺยชิกา เทติ, นาปิ อุโยฺยชิตา ตสฺสา หตฺถโต คณฺหาติ ฯ ปฎิคฺคโห เตน น วิชฺชตีติ เตเนว การเณน อุโยฺยชิกาย หตฺถโต อุโยฺยชิตาย ปฎิคฺคโห น วิชฺชติฯ อาปชฺชติ ครุกนฺติ เอวํ สเนฺตปิ อวสฺสุตสฺส หตฺถโต ปิณฺฑคฺคหเณ อุโยฺยเชนฺตี สงฺฆาทิเสสาปตฺติํ อาปชฺชติฯ ตญฺจ ปริโภคปจฺจยาติ ตญฺจ ปน อาปตฺติํ อาปชฺชมานา ตสฺสา อุโยฺยชิตาย ปริโภคปจฺจยา อาปชฺชติฯ ตสฺสา หิ โภชนปริโยสาเน อุโยฺยชิกาย สงฺฆาทิเสโส โหติฯ เสสเมตฺถ อุตฺตานเมวฯ มนุสฺสปุริสตา, อญฺญตฺร อนุญฺญาตการณา ขาทนียํ โภชนียํ คเหตฺวา ภุญฺชาติ อุโยฺยชนา, เตน วจเนน คเหตฺวา อิตริสฺสา โภชนปริโยสานนฺติ อิมานิ ปเนตฺถ ตีณิ องฺคานิฯ
705. Chaṭṭhe parivāragāthāya ayamattho. Na deti na paṭiggaṇhātīti (pari. aṭṭha. 481) na uyyojikā deti, nāpi uyyojitā tassā hatthato gaṇhāti . Paṭiggaho tena na vijjatīti teneva kāraṇena uyyojikāya hatthato uyyojitāya paṭiggaho na vijjati. Āpajjati garukanti evaṃ santepi avassutassa hatthato piṇḍaggahaṇe uyyojentī saṅghādisesāpattiṃ āpajjati. Tañca paribhogapaccayāti tañca pana āpattiṃ āpajjamānā tassā uyyojitāya paribhogapaccayā āpajjati. Tassā hi bhojanapariyosāne uyyojikāya saṅghādiseso hoti. Sesamettha uttānameva. Manussapurisatā, aññatra anuññātakāraṇā khādanīyaṃ bhojanīyaṃ gahetvā bhuñjāti uyyojanā, tena vacanena gahetvā itarissā bhojanapariyosānanti imāni panettha tīṇi aṅgāni.
ฉฎฺฐสงฺฆาทิเสสสิกฺขาปทวณฺณนา นิฎฺฐิตาฯ
Chaṭṭhasaṅghādisesasikkhāpadavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๖. ฉฎฺฐสงฺฆาทิเสสสิกฺขาปทํ • 6. Chaṭṭhasaṅghādisesasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā / ๖. ฉฎฺฐสงฺฆาทิเสสสิกฺขาปทวณฺณนา • 6. Chaṭṭhasaṅghādisesasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๖. ฉฎฺฐสงฺฆาทิเสสสิกฺขาปทวณฺณนา • 6. Chaṭṭhasaṅghādisesasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๖. ฉฎฺฐสงฺฆาทิเสสสิกฺขาปทวณฺณนา • 6. Chaṭṭhasaṅghādisesasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๖. ฉฎฺฐสงฺฆาทิเสสสิกฺขาปทํ • 6. Chaṭṭhasaṅghādisesasikkhāpadaṃ
