| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၆. ဆဋ္ဌသင္ဃာဒိသေသသိက္ခာပဒဝဏ္ဏနာ
6. Chaṭṭhasaṅghādisesasikkhāpadavaṇṇanā
၇၀၅. ဆဋ္ဌေ ပရိဝာရဂာထာယ အယမတ္ထော။ န ဒေတိ န ပဋိဂ္ဂဏ္ဟာတီတိ (ပရိ. အဋ္ဌ. ၄၈၁) န ဥယ္ယောဇိကာ ဒေတိ, နာပိ ဥယ္ယောဇိတာ တသ္သာ ဟတ္ထတော ဂဏ္ဟာတိ ။ ပဋိဂ္ဂဟော တေန န ဝိဇ္ဇတီတိ တေနေဝ ကာရဏေန ဥယ္ယောဇိကာယ ဟတ္ထတော ဥယ္ယောဇိတာယ ပဋိဂ္ဂဟော န ဝိဇ္ဇတိ။ အာပဇ္ဇတိ ဂရုကန္တိ ဧဝံ သန္တေပိ အဝသ္သုတသ္သ ဟတ္ထတော ပိဏ္ဍဂ္ဂဟဏေ ဥယ္ယောဇေန္တီ သင္ဃာဒိသေသာပတ္တိံ အာပဇ္ဇတိ။ တဉ္စ ပရိဘောဂပစ္စယာတိ တဉ္စ ပန အာပတ္တိံ အာပဇ္ဇမာနာ တသ္သာ ဥယ္ယောဇိတာယ ပရိဘောဂပစ္စယာ အာပဇ္ဇတိ။ တသ္သာ ဟိ ဘောဇနပရိယောသာနေ ဥယ္ယောဇိကာယ သင္ဃာဒိသေသော ဟောတိ။ သေသမေတ္ထ ဥတ္တာနမေဝ။ မနုသ္သပုရိသတာ, အညတ္ရ အနုညာတကာရဏာ ခာဒနီယံ ဘောဇနီယံ ဂဟေတ္ဝာ ဘုဉ္ဇာတိ ဥယ္ယောဇနာ, တေန ဝစနေန ဂဟေတ္ဝာ ဣတရိသ္သာ ဘောဇနပရိယောသာနန္တိ ဣမာနိ ပနေတ္ထ တီဏိ အင္ဂာနိ။
705. Chaṭṭhe parivāragāthāya ayamattho. Na deti na paṭiggaṇhātīti (pari. aṭṭha. 481) na uyyojikā deti, nāpi uyyojitā tassā hatthato gaṇhāti . Paṭiggaho tena na vijjatīti teneva kāraṇena uyyojikāya hatthato uyyojitāya paṭiggaho na vijjati. Āpajjati garukanti evaṃ santepi avassutassa hatthato piṇḍaggahaṇe uyyojentī saṅghādisesāpattiṃ āpajjati. Tañca paribhogapaccayāti tañca pana āpattiṃ āpajjamānā tassā uyyojitāya paribhogapaccayā āpajjati. Tassā hi bhojanapariyosāne uyyojikāya saṅghādiseso hoti. Sesamettha uttānameva. Manussapurisatā, aññatra anuññātakāraṇā khādanīyaṃ bhojanīyaṃ gahetvā bhuñjāti uyyojanā, tena vacanena gahetvā itarissā bhojanapariyosānanti imāni panettha tīṇi aṅgāni.
ဆဋ္ဌသင္ဃာဒိသေသသိက္ခာပဒဝဏ္ဏနာ နိဋ္ဌိတာ။
Chaṭṭhasaṅghādisesasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၆. ဆဋ္ဌသင္ဃာဒိသေသသိက္ခာပဒံ • 6. Chaṭṭhasaṅghādisesasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၆. ဆဋ္ဌသင္ဃာဒိသေသသိက္ခာပဒဝဏ္ဏနာ • 6. Chaṭṭhasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၆. ဆဋ္ဌသင္ဃာဒိသေသသိက္ခာပဒဝဏ္ဏနာ • 6. Chaṭṭhasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၆. ဆဋ္ဌသင္ဃာဒိသေသသိက္ခာပဒဝဏ္ဏနာ • 6. Chaṭṭhasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၆. ဆဋ္ဌသင္ဃာဒိသေသသိက္ခာပဒံ • 6. Chaṭṭhasaṅghādisesasikkhāpadaṃ
