| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৬. ছট্ঠসিক্খাপদং
6. Chaṭṭhasikkhāpadaṃ
৮১৫. ছট্ঠে ভত্তস্স ৰিস্সজ্জনং ভত্তৰিস্সগ্গোতি ৰুত্তে ভত্তকিচ্চন্তি দস্সেন্তো আহ ‘‘ভত্তকিচ্চ’’ন্তি। পানীযসদ্দেন পানীযথালকং গহেতব্বং , ৰিধূপনসদ্দেন বীজনী গহেতব্বা, উপসদ্দো সমীপত্থোতি সব্বং দস্সেন্তো আহ ‘‘একেন হত্থেনা’’তিআদি। ‘‘অচ্চাৰদতী’’তিপদস্স অতিক্কমিত্ৰা ৰদনাকারং দস্সেতি ‘‘পুব্বেপী’’তিআদিনা।
815. Chaṭṭhe bhattassa vissajjanaṃ bhattavissaggoti vutte bhattakiccanti dassento āha ‘‘bhattakicca’’nti. Pānīyasaddena pānīyathālakaṃ gahetabbaṃ , vidhūpanasaddena bījanī gahetabbā, upasaddo samīpatthoti sabbaṃ dassento āha ‘‘ekena hatthenā’’tiādi. ‘‘Accāvadatī’’tipadassa atikkamitvā vadanākāraṃ dasseti ‘‘pubbepī’’tiādinā.
৮১৭. ‘‘সুদ্ধউদকং ৰা হোতূ’’তিআদিনা ‘‘পানীযেনা’’তি ৰচনং উপলক্খণং নামাতি দস্সেতি। দধিমত্থূতি দধিমণ্ডং দধিনো সারো, দধিম্হি পসন্নোদকন্তি ৰুত্তং হোতি। রসোতি মচ্ছরসো মংসরসো। ‘‘অন্তমসো চীৰরকণ্ণোপী’’তি ইমিনা ‘‘ৰিধূপনেনা’’তি ৰচনং নিদস্সনং নামাতি দস্সেতি।
817. ‘‘Suddhaudakaṃ vā hotū’’tiādinā ‘‘pānīyenā’’ti vacanaṃ upalakkhaṇaṃ nāmāti dasseti. Dadhimatthūti dadhimaṇḍaṃ dadhino sāro, dadhimhi pasannodakanti vuttaṃ hoti. Rasoti maccharaso maṃsaraso. ‘‘Antamaso cīvarakaṇṇopī’’ti iminā ‘‘vidhūpanenā’’ti vacanaṃ nidassanaṃ nāmāti dasseti.
৮১৯. দেতীতি সযং দেতি। দাপেতীতি অঞ্ঞেন দাপেতি। উভযম্পীতি পানীযৰিধূপনদ্ৰযম্পীতি। ছট্ঠং।
819.Detīti sayaṃ deti. Dāpetīti aññena dāpeti. Ubhayampīti pānīyavidhūpanadvayampīti. Chaṭṭhaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ৬. ছট্ঠসিক্খাপদং • 6. Chaṭṭhasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā / ৬. ছট্ঠসিক্খাপদৰণ্ণনা • 6. Chaṭṭhasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ১. লসুণৰগ্গৰণ্ণনা • 1. Lasuṇavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৫. পঞ্চমসিক্খাপদৰণ্ণনা • 5. Pañcamasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. পঠমলসুণাদিসিক্খাপদৰণ্ণনা • 1. Paṭhamalasuṇādisikkhāpadavaṇṇanā
