| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
6. чадтасигкаабад̣̇ам̣
6. Chaṭṭhasikkhāpadaṃ
859. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний бажчаабхад̇д̇ам̣ гулаани убасан̇гамид̇ваа саамигз анаабужчаа аасанз абхинисийд̣̇ад̇иби абхинибаж̇ж̇ад̇иби. мануссаа т̇уллананд̣̇ам̣ бхигкуним̣ хирийяамаанаа аасанз нзва абхинисийд̣̇анд̇и на абхинибаж̇ж̇анд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа бажчаабхад̇д̇ам̣ гулаани убасан̇гамид̇ваа саамигз анаабужчаа аасанз абхинисийд̣̇иссад̇иби абхинибаж̇ж̇иссад̇ибий’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа бажчаабхад̇д̇ам̣ гулаани убасан̇гамид̇ваа саамигз анаабужчаа аасанз абхинисийд̣̇иссад̇иби абхинибаж̇ж̇иссад̇ибий’’д̇и…бз… сажжам̣ гира, бхигкавз, т̇уллананд̣̇аа бхигкуний бажчаабхад̇д̇ам̣ гулаани убасан̇гамид̇ваа саамигз анаабужчаа аасанз абхинисийд̣̇ад̇иби абхинибаж̇ж̇ад̇ибийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз , т̇уллананд̣̇аа бхигкуний бажчаабхад̇д̇ам̣ гулаани убасан̇гамид̇ваа саамигз анаабужчаа аасанз абхинисийд̣̇иссад̇иби абхинибаж̇ж̇иссад̇иби! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
859. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī pacchābhattaṃ kulāni upasaṅkamitvā sāmike anāpucchā āsane abhinisīdatipi abhinipajjatipi. Manussā thullanandaṃ bhikkhuniṃ hirīyamānā āsane neva abhinisīdanti na abhinipajjanti. Manussā ujjhāyanti khiyyanti vipācenti – ‘‘kathañhi nāma ayyā thullanandā pacchābhattaṃ kulāni upasaṅkamitvā sāmike anāpucchā āsane abhinisīdissatipi abhinipajjissatipī’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā pacchābhattaṃ kulāni upasaṅkamitvā sāmike anāpucchā āsane abhinisīdissatipi abhinipajjissatipī’’ti…pe… saccaṃ kira, bhikkhave, thullanandā bhikkhunī pacchābhattaṃ kulāni upasaṅkamitvā sāmike anāpucchā āsane abhinisīdatipi abhinipajjatipīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave , thullanandā bhikkhunī pacchābhattaṃ kulāni upasaṅkamitvā sāmike anāpucchā āsane abhinisīdissatipi abhinipajjissatipi! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
860. ‘‘яаа бана бхигкуний бажчаабхад̇д̇ам̣ гулаани убасан̇гамид̇ваа саамигз анаабужчаа аасанз абхинисийд̣̇зяяа ваа абхинибаж̇ж̇зяяа ваа, баажид̇д̇ияа’’нд̇и.
860.‘‘Yā pana bhikkhunī pacchābhattaṃ kulāni upasaṅkamitvā sāmike anāpucchā āsane abhinisīdeyya vā abhinipajjeyya vā, pācittiya’’nti.
861. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
861.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
бажчаабхад̇д̇ам̣ наама маж̇жханхигз вийд̇ивад̇д̇з яаава ад̇т̇ан̇г̇ад̇з суурияз.
Pacchābhattaṃ nāma majjhanhike vītivatte yāva atthaṅgate sūriye.
гулам̣ наама жад̇д̇аари гулаани – кад̇д̇ияагулам̣, б̣раахман̣агулам̣, взссагулам̣, суд̣̇д̣̇агулам̣. убасан̇гамид̇ваад̇и д̇ад̇т̇а г̇анд̇ваа.
Kulaṃ nāma cattāri kulāni – khattiyakulaṃ, brāhmaṇakulaṃ, vessakulaṃ, suddakulaṃ. Upasaṅkamitvāti tattha gantvā.
саамигз анаабужчаад̇и яо д̇асмим̣ гулз мануссо саамиго д̣̇аад̇ум̣, д̇ам̣ анаабужчаа.
Sāmike anāpucchāti yo tasmiṃ kule manusso sāmiko dātuṃ, taṃ anāpucchā.
аасанам̣ наама баллан̇гасса огаасо вужжад̇и.
Āsanaṃ nāma pallaṅkassa okāso vuccati.
абхинисийд̣̇зяяаад̇и д̇асмим̣ абхинисийд̣̇ад̇и, аабад̇д̇и баажид̇д̇ияасса.
Abhinisīdeyyāti tasmiṃ abhinisīdati, āpatti pācittiyassa.
абхинибаж̇ж̇зяяаад̇и д̇асмим̣ абхинибаж̇ж̇ад̇и, аабад̇д̇и баажид̇д̇ияасса.
Abhinipajjeyyāti tasmiṃ abhinipajjati, āpatti pācittiyassa.
862. анаабужчид̇з анаабужчид̇асан̃н̃аа аасанз абхинисийд̣̇ад̇и ваа абхинибаж̇ж̇ад̇и ваа, аабад̇д̇и баажид̇д̇ияасса. анаабужчид̇з взмад̇игаа аасанз абхинисийд̣̇ад̇и ваа абхинибаж̇ж̇ад̇и ваа, аабад̇д̇и баажид̇д̇ияасса. анаабужчид̇з аабужчид̇асан̃н̃аа аасанз абхинисийд̣̇ад̇и ваа абхинибаж̇ж̇ад̇и ваа, аабад̇д̇и баажид̇д̇ияасса.
862. Anāpucchite anāpucchitasaññā āsane abhinisīdati vā abhinipajjati vā, āpatti pācittiyassa. Anāpucchite vematikā āsane abhinisīdati vā abhinipajjati vā, āpatti pācittiyassa. Anāpucchite āpucchitasaññā āsane abhinisīdati vā abhinipajjati vā, āpatti pācittiyassa.
баллан̇гасса аногаасз аабад̇д̇и д̣̇уггадасса. аабужчид̇з анаабужчид̇асан̃н̃аа, аабад̇д̇и д̣̇уггадасса . аабужчид̇з взмад̇игаа, аабад̇д̇и д̣̇уггадасса. аабужчид̇з аабужчид̇асан̃н̃аа, анаабад̇д̇и.
Pallaṅkassa anokāse āpatti dukkaṭassa. Āpucchite anāpucchitasaññā, āpatti dukkaṭassa . Āpucchite vematikā, āpatti dukkaṭassa. Āpucchite āpucchitasaññā, anāpatti.
863. анаабад̇д̇и аабужчаа аасанз абхинисийд̣̇ад̇и ваа абхинибаж̇ж̇ад̇и ваа, д̇хувабан̃н̃ад̇д̇з, г̇илаанааяа, аабад̣̇аасу, уммад̇д̇игааяа, аад̣̇игаммигааяаад̇и.
863. Anāpatti āpucchā āsane abhinisīdati vā abhinipajjati vā, dhuvapaññatte, gilānāya, āpadāsu, ummattikāya, ādikammikāyāti.
чадтасигкаабад̣̇ам̣ нидтид̇ам̣.
Chaṭṭhasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 6. чадтасигкаабад̣̇аван̣н̣анаа • 6. Chaṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. анд̇хагаараваг̇г̇аван̣н̣анаа • 2. Andhakāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. чадтасигкаабад̣̇аван̣н̣анаа • 6. Chaṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. чадтасигкаабад̣̇ам̣ • 6. Chaṭṭhasikkhāpadaṃ
