| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
6. чадтасигкаабад̣̇ам̣
6. Chaṭṭhasikkhāpadaṃ
907. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇ааяа бхигкунияаа убадтаагагулам̣ т̇уллананд̣̇ам̣ бхигкуним̣ зд̇ад̣̇авожа – ‘‘бхигкунисан̇гхасса, аяяз, жийварам̣ д̣̇ассаамаа’’д̇и. т̇уллананд̣̇аа бхигкуний – ‘‘д̇умхз б̣ахугижжаа б̣ахугаран̣ийяаа’’д̇и анд̇арааяам̣ агааси. д̇зна ко бана самаязна д̇асса гуласса гхарам̣ д̣аяхад̇и. д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа амхаагам̣ д̣̇зяяад̇хаммам̣ анд̇арааяам̣ гариссад̇и! убхаязнаамха бариб̣аахираа 1, бхог̇зхи жа бун̃н̃зна жаа’’д̇и. ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣ . яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа г̇ан̣асса жийваралаабхам̣ анд̇арааяам̣ гариссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний г̇ан̣асса жийваралаабхам̣ анд̇арааяам̣ агаасийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний г̇ан̣асса жийваралаабхам̣ анд̇арааяам̣ гариссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
907. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandāya bhikkhuniyā upaṭṭhākakulaṃ thullanandaṃ bhikkhuniṃ etadavoca – ‘‘bhikkhunisaṅghassa, ayye, cīvaraṃ dassāmā’’ti. Thullanandā bhikkhunī – ‘‘tumhe bahukiccā bahukaraṇīyā’’ti antarāyaṃ akāsi. Tena kho pana samayena tassa kulassa gharaṃ ḍayhati. Te ujjhāyanti khiyyanti vipācenti – ‘‘kathañhi nāma ayyā thullanandā amhākaṃ deyyadhammaṃ antarāyaṃ karissati! Ubhayenāmha paribāhirā 2, bhogehi ca puññena cā’’ti. Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ . Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā gaṇassa cīvaralābhaṃ antarāyaṃ karissatī’’ti…pe… saccaṃ kira, bhikkhave, thullanandā bhikkhunī gaṇassa cīvaralābhaṃ antarāyaṃ akāsīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī gaṇassa cīvaralābhaṃ antarāyaṃ karissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
908. ‘‘яаа бана бхигкуний г̇ан̣асса жийваралаабхам̣ анд̇арааяам̣ гарзяяа, баажид̇д̇ияа’’нд̇и.
908.‘‘Yā pana bhikkhunī gaṇassa cīvaralābhaṃ antarāyaṃ kareyya, pācittiya’’nti.
909. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
909.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
г̇ан̣о наама бхигкунисан̇гхо вужжад̇и.
Gaṇo nāma bhikkhunisaṅgho vuccati.
жийварам̣ наама чаннам̣ жийвараанам̣ ан̃н̃ад̇арам̣ жийварам̣ вигаббанубаг̇ам̣ бажчимам̣.
Cīvaraṃ nāma channaṃ cīvarānaṃ aññataraṃ cīvaraṃ vikappanupagaṃ pacchimaṃ.
анд̇арааяам̣ гарзяяаад̇и ‘‘гат̇ам̣ имз жийварам̣ на 3 д̣̇ад̣̇зяяу’’нд̇и анд̇арааяам̣ гарод̇и, аабад̇д̇и баажид̇д̇ияасса. ан̃н̃ам̣ баригкаарам̣ анд̇арааяам̣ гарод̇и, аабад̇д̇и д̣̇уггадасса. самб̣ахулаанам̣ бхигкунийнам̣ ваа згабхигкунияаа ваа анубасамбаннааяа ваа жийварам̣ ваа ан̃н̃ам̣ ваа баригкаарам̣ анд̇арааяам̣ гарод̇и, аабад̇д̇и д̣̇уггадасса.
Antarāyaṃkareyyāti ‘‘kathaṃ ime cīvaraṃ na 4 dadeyyu’’nti antarāyaṃ karoti, āpatti pācittiyassa. Aññaṃ parikkhāraṃ antarāyaṃ karoti, āpatti dukkaṭassa. Sambahulānaṃ bhikkhunīnaṃ vā ekabhikkhuniyā vā anupasampannāya vā cīvaraṃ vā aññaṃ vā parikkhāraṃ antarāyaṃ karoti, āpatti dukkaṭassa.
910. анаабад̇д̇и аанисам̣сам̣ д̣̇ассзд̇ваа ниваарзд̇и, уммад̇д̇игааяа, аад̣̇игаммигааяаад̇и.
910. Anāpatti ānisaṃsaṃ dassetvā nivāreti, ummattikāya, ādikammikāyāti.
чадтасигкаабад̣̇ам̣ нидтид̇ам̣.
Chaṭṭhasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 6. чадтасигкаабад̣̇аван̣н̣анаа • 6. Chaṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. наг̇г̇аваг̇г̇аван̣н̣анаа • 3. Naggavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. бан̃жамасигкаабад̣̇аван̣н̣анаа • 5. Pañcamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. чадтасигкаабад̣̇ам̣ • 6. Chaṭṭhasikkhāpadaṃ
