| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
6. чадтасигкаабад̣̇ам̣
6. Chaṭṭhasikkhāpadaṃ
999. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний надаанамби надагаанамби лан̇гхагаанамби согаж̇жхааяигаанамби гумбхат̇уун̣игаанамби сахад̇т̇аа каад̣̇анийяам̣ бхож̇анийяам̣ д̣̇зд̇и – ‘‘маяхам̣ барисад̇и ван̣н̣ам̣ бхаасат̇аа’’д̇и. надааби надагааби лан̇гхагааби согаж̇жхааяигааби гумбхат̇уун̣игааби т̇уллананд̣̇ааяа бхигкунияаа барисад̇и ван̣н̣ам̣ бхаасанд̇и – ‘‘аяяаа т̇уллананд̣̇аа б̣ахуссуд̇аа бхаан̣игаа висаарад̣̇аа баддаа д̇хаммим̣ гат̇ам̣ гаад̇ум̣; д̣̇зт̇а аяяааяа, гарот̇а аяяааяаа’’д̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – гат̇ан̃хи наама аяяаа т̇уллананд̣̇аа аг̇ааригасса сахад̇т̇аа каад̣̇анийяам̣ бхож̇анийяам̣ д̣̇ассад̇ийд̇и…бз… сажжам̣ гира, бхигкавз, т̇уллананд̣̇аа бхигкуний аг̇ааригасса сахад̇т̇аа каад̣̇анийяам̣ бхож̇анийяам̣ д̣̇зд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний аг̇ааригасса сахад̇т̇аа каад̣̇анийяам̣ бхож̇анийяам̣ д̣̇ассад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
999. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī naṭānampi naṭakānampi laṅghakānampi sokajjhāyikānampi kumbhathūṇikānampi sahatthā khādanīyaṃ bhojanīyaṃ deti – ‘‘mayhaṃ parisati vaṇṇaṃ bhāsathā’’ti. Naṭāpi naṭakāpi laṅghakāpi sokajjhāyikāpi kumbhathūṇikāpi thullanandāya bhikkhuniyā parisati vaṇṇaṃ bhāsanti – ‘‘ayyā thullanandā bahussutā bhāṇikā visāradā paṭṭā dhammiṃ kathaṃ kātuṃ; detha ayyāya, karotha ayyāyā’’ti. Yā tā bhikkhuniyo appicchā…pe… tā ujjhāyanti khiyyanti vipācenti – kathañhi nāma ayyā thullanandā agārikassa sahatthā khādanīyaṃ bhojanīyaṃ dassatīti…pe… saccaṃ kira, bhikkhave, thullanandā bhikkhunī agārikassa sahatthā khādanīyaṃ bhojanīyaṃ detīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī agārikassa sahatthā khādanīyaṃ bhojanīyaṃ dassati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1000. ‘‘яаа бана бхигкуний аг̇ааригасса ваа бариб̣б̣ааж̇агасса ваа бариб̣б̣ааж̇игааяа ваа сахад̇т̇аа каад̣̇анийяам̣ ваа бхож̇анийяам̣ ваа д̣̇ад̣̇зяяа, баажид̇д̇ияа’’нд̇и.
1000.‘‘Yāpana bhikkhunī agārikassa vā paribbājakassa vā paribbājikāya vā sahatthā khādanīyaṃ vā bhojanīyaṃ vā dadeyya, pācittiya’’nti.
1001. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1001.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
аг̇аариго наама яо гожи аг̇аарам̣ аж̇жхаавасад̇и.
Agāriko nāma yo koci agāraṃ ajjhāvasati.
бариб̣б̣ааж̇аго наама бхигкун̃жа сааман̣зран̃жа табзд̇ваа яо гожи бариб̣б̣ааж̇агасамаабанно.
Paribbājako nāma bhikkhuñca sāmaṇerañca ṭhapetvā yo koci paribbājakasamāpanno.
бариб̣б̣ааж̇игаа наама бхигкунин̃жа сигкамаанан̃жа сааман̣зрин̃жа табзд̇ваа яаа гаажи бариб̣б̣ааж̇игасамаабаннаа.
Paribbājikā nāma bhikkhuniñca sikkhamānañca sāmaṇeriñca ṭhapetvā yā kāci paribbājikasamāpannā.
каад̣̇анийяам̣ наама бан̃жа бхож̇анаани – уд̣̇агад̣̇анд̇абонам̣ табзд̇ваа авасзсам̣ каад̣̇анийяам̣ наама.
Khādanīyaṃ nāma pañca bhojanāni – udakadantaponaṃ ṭhapetvā avasesaṃ khādanīyaṃ nāma.
бхож̇анийяам̣ наама бан̃жа бхож̇анаани – од̣̇ано, гуммаасо, сад̇д̇у, мажчо, мам̣сам̣.
Bhojanīyaṃ nāma pañca bhojanāni – odano, kummāso, sattu, maccho, maṃsaṃ.
д̣̇ад̣̇зяяаад̇и гааязна ваа гааяабадиб̣ад̣̇д̇хзна ваа ниссаг̇г̇иязна ваа д̣̇зд̇и, аабад̇д̇и баажид̇д̇ияасса. уд̣̇агад̣̇анд̇абонам̣ д̣̇зд̇и, аабад̇д̇и д̣̇уггадасса.
Dadeyyāti kāyena vā kāyapaṭibaddhena vā nissaggiyena vā deti, āpatti pācittiyassa. Udakadantaponaṃ deti, āpatti dukkaṭassa.
1002. анаабад̇д̇и д̣̇аабзд̇и на д̣̇зд̇и, убанигкибид̇ваа д̣̇зд̇и, б̣аахираалзбам̣ д̣̇зд̇и, уммад̇д̇игааяа, аад̣̇игаммигааяаад̇и.
1002. Anāpatti dāpeti na deti, upanikkhipitvā deti, bāhirālepaṃ deti, ummattikāya, ādikammikāyāti.
чадтасигкаабад̣̇ам̣ нидтид̇ам̣.
Chaṭṭhasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 6. чадтасигкаабад̣̇аван̣н̣анаа • 6. Chaṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. чадтасигкаабад̣̇аван̣н̣анаа • 6. Chaṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. чадтасигкаабад̣̇ам̣ • 6. Chaṭṭhasikkhāpadaṃ
