| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
6. чадтасигкаабад̣̇ам̣
6. Chaṭṭhasikkhāpadaṃ
1146. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна жан̣д̣агаал̣ий бхигкуний бхигкунисан̇гхам̣ убасан̇гамид̇ваа вудтаабанасаммуд̇им̣ яаажад̇и. ат̇а ко бхигкунисан̇гхо жан̣д̣агаал̣им̣ бхигкуним̣ барижчинд̣̇ид̇ваа – ‘‘алам̣ д̇аава д̇з, аяяз, вудтаабид̇знаа’’д̇и, вудтаабанасаммуд̇им̣ на ад̣̇ааси. жан̣д̣агаал̣ий бхигкуний ‘саад̇хуу’д̇и бадиссун̣и. д̇зна ко бана самаязна бхигкунисан̇гхо ан̃н̃аасам̣ бхигкунийнам̣ вудтаабанасаммуд̇им̣ д̣̇зд̇и. жан̣д̣агаал̣ий бхигкуний уж̇жхааяад̇и кияяад̇и вибаажзд̇и – ‘‘ахамзва нууна б̣аалаа, ахамзва нууна алаж̇ж̇иний; яам̣ сан̇гхо ан̃н̃аасам̣ бхигкунийнам̣ вудтаабанасаммуд̇им̣ д̣̇зд̇и, маяхамзва на д̣̇зд̇ий’’д̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа жан̣д̣агаал̣ий – ‘алам̣ д̇аава д̇з, аяяз, вудтаабид̇знаа’д̇и вужжамаанаа ‘саад̇хуу’д̇и бадиссун̣ид̇ваа бажчаа кийяанад̇хаммам̣ аабаж̇ж̇иссад̇ий’’д̇и…бз… сажжам̣ гира, бхигкавз, ‘жан̣д̣агаал̣ий бхигкуний алам̣ д̇аава д̇з аяяз вудтаабид̇знаа’д̇и вужжамаанаа ‘‘саад̇хуу’’д̇и бадиссун̣ид̇ваа бажчаа кийяанад̇хаммам̣ аабаж̇ж̇ад̇ийд̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, жан̣д̣агаал̣ий бхигкуний – ‘‘алам̣ д̇аава д̇з, аяяз, вудтаабид̇знаа’’д̇и вужжамаанаа ‘саад̇хуу’д̇и бадиссун̣ид̇ваа бажчаа кийяанад̇хаммам̣ аабаж̇ж̇иссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1146. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena caṇḍakāḷī bhikkhunī bhikkhunisaṅghaṃ upasaṅkamitvā vuṭṭhāpanasammutiṃ yācati. Atha kho bhikkhunisaṅgho caṇḍakāḷiṃ bhikkhuniṃ paricchinditvā – ‘‘alaṃ tāva te, ayye, vuṭṭhāpitenā’’ti, vuṭṭhāpanasammutiṃ na adāsi. Caṇḍakāḷī bhikkhunī ‘sādhū’ti paṭissuṇi. Tena kho pana samayena bhikkhunisaṅgho aññāsaṃ bhikkhunīnaṃ vuṭṭhāpanasammutiṃ deti. Caṇḍakāḷī bhikkhunī ujjhāyati khiyyati vipāceti – ‘‘ahameva nūna bālā, ahameva nūna alajjinī; yaṃ saṅgho aññāsaṃ bhikkhunīnaṃ vuṭṭhāpanasammutiṃ deti, mayhameva na detī’’ti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā caṇḍakāḷī – ‘alaṃ tāva te, ayye, vuṭṭhāpitenā’ti vuccamānā ‘sādhū’ti paṭissuṇitvā pacchā khīyanadhammaṃ āpajjissatī’’ti…pe… saccaṃ kira, bhikkhave, ‘caṇḍakāḷī bhikkhunī alaṃ tāva te ayye vuṭṭhāpitenā’ti vuccamānā ‘‘sādhū’’ti paṭissuṇitvā pacchā khīyanadhammaṃ āpajjatīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, caṇḍakāḷī bhikkhunī – ‘‘alaṃ tāva te, ayye, vuṭṭhāpitenā’’ti vuccamānā ‘sādhū’ti paṭissuṇitvā pacchā khīyanadhammaṃ āpajjissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1147. ‘‘яаа бана бхигкуний – ‘алам̣ д̇аава д̇з, аяяз, вудтаабид̇знаа’д̇и вужжамаанаа ‘саад̇хуу’д̇и бадиссун̣ид̇ваа бажчаа кийяанад̇хаммам̣ аабаж̇ж̇зяяа, баажид̇д̇ияа’’нд̇и.
1147.‘‘Yā pana bhikkhunī – ‘alaṃ tāva te, ayye, vuṭṭhāpitenā’ti vuccamānā ‘sādhū’tipaṭissuṇitvā pacchā khīyanadhammaṃ āpajjeyya, pācittiya’’nti.
1148. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1148.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
алам̣ д̇аава д̇з аяяз вудтаабид̇знаад̇и алам̣ д̇аава д̇з, аяяз, убасамбаад̣̇ид̇зна. ‘саад̇хуу’д̇и бадиссун̣ид̇ваа бажчаа кийяанад̇хаммам̣ аабаж̇ж̇ад̇и, аабад̇д̇и баажид̇д̇ияасса.
Alaṃ tāva te ayye vuṭṭhāpitenāti alaṃ tāva te, ayye, upasampāditena. ‘Sādhū’ti paṭissuṇitvā pacchā khīyanadhammaṃ āpajjati, āpatti pācittiyassa.
1149. анаабад̇д̇и багад̇ияаа чанд̣̇аа д̣̇осаа мохаа бхаяаа гаронд̇ам̣ кияяад̇и, уммад̇д̇игааяа, аад̣̇игаммигааяаад̇и.
1149. Anāpatti pakatiyā chandā dosā mohā bhayā karontaṃ khiyyati, ummattikāya, ādikammikāyāti.
чадтасигкаабад̣̇ам̣ нидтид̇ам̣.
Chaṭṭhasikkhāpadaṃ niṭṭhitaṃ.
Footnotes:
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияаад̣̇исигкаабад̣̇аван̣н̣анаа • 2. Dutiyādisikkhāpadavaṇṇanā
