| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā |
6. ச²ட்ட²ஸிக்கா²பத³வண்ணனா
6. Chaṭṭhasikkhāpadavaṇṇanā
815. ச²ட்டே² – ப⁴த்தவிஸ்ஸக்³க³ந்தி ப⁴த்தகிச்சங். பானீயேன ச விதூ⁴பனேன ச உபதிட்டி²த்வாதி ஏகேன ஹத்தே²ன பானீயதா²லகங் ஏகேன பீ³ஜனிங் க³ஹெத்வா பீ³ஜமானா ஸமீபே ட²த்வாதி அத்தோ². அச்சாவத³தீதி புப்³பே³பி தும்ஹே ஏவங் பு⁴ஞ்ஜத², அஹங் ஏவங் உபட்டா²னங் கரோமீ’’தி பப்³ப³ஜிதசாரித்தங் அதிக்கமித்வா கே³ஹஸ்ஸிதகத²ங் கதே²தீதி அத்தோ².
815. Chaṭṭhe – bhattavissagganti bhattakiccaṃ. Pānīyena ca vidhūpanena ca upatiṭṭhitvāti ekena hatthena pānīyathālakaṃ ekena bījaniṃ gahetvā bījamānā samīpe ṭhatvāti attho. Accāvadatīti pubbepi tumhe evaṃ bhuñjatha, ahaṃ evaṃ upaṭṭhānaṃ karomī’’ti pabbajitacārittaṃ atikkamitvā gehassitakathaṃ kathetīti attho.
817. யங்கிஞ்சி பானீயந்தி ஸுத்³த⁴உத³கங் வா ஹோது, தக்கத³தி⁴மத்து²ரஸகீ²ராதீ³னங் வா அஞ்ஞதரங். யா காசி பீ³ஜனீதி அந்தமஸோ சீவரகண்ணோபி. ஹத்த²பாஸே திட்ட²தி ஆபத்தி பாசித்தியஸ்ஸாதி இத⁴ டா²னபச்சயாவ பாசித்தியங் வுத்தங். பஹாரபச்சயா பன க²ந்த⁴கே து³க்கடங் பஞ்ஞத்தங்.
817.Yaṃkiñci pānīyanti suddhaudakaṃ vā hotu, takkadadhimatthurasakhīrādīnaṃ vā aññataraṃ. Yā kāci bījanīti antamaso cīvarakaṇṇopi. Hatthapāse tiṭṭhati āpatti pācittiyassāti idha ṭhānapaccayāva pācittiyaṃ vuttaṃ. Pahārapaccayā pana khandhake dukkaṭaṃ paññattaṃ.
819. தே³தி தா³பேதீதி பானீயங் வா ஸூபாதி³ங் வா இமங் பிவத², இமினா பு⁴ஞ்ஜதா²தி தே³தி; தாலவண்டங் இமினா பீ³ஜந்தா பு⁴ஞ்ஜதா²தி தே³தி; அஞ்ஞேன வா உப⁴யம்பி தா³பேதி, அனாபத்தி. அனுபஸம்பன்னங் ஆணாபேதீதி உபதிட்ட²னத்த²ங் ஸாமணேரிங் ஆணாபேதி, அனாபத்தி. ஸேஸங் உத்தானமேவ.
819.Deti dāpetīti pānīyaṃ vā sūpādiṃ vā imaṃ pivatha, iminā bhuñjathāti deti; tālavaṇṭaṃ iminā bījantā bhuñjathāti deti; aññena vā ubhayampi dāpeti, anāpatti. Anupasampannaṃ āṇāpetīti upatiṭṭhanatthaṃ sāmaṇeriṃ āṇāpeti, anāpatti. Sesaṃ uttānameva.
ஏளகலோமஸமுட்டா²னங் – கிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், திசித்தங், திவேத³னந்தி.
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ச²ட்ட²ஸிக்கா²பத³ங்.
Chaṭṭhasikkhāpadaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 6. ச²ட்ட²ஸிக்கா²பத³ங் • 6. Chaṭṭhasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. லஸுணவக்³க³வண்ணனா • 1. Lasuṇavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 5. பஞ்சமஸிக்கா²பத³வண்ணனா • 5. Pañcamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மலஸுணாதி³ஸிக்கா²பத³வண்ணனா • 1. Paṭhamalasuṇādisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 6. ச²ட்ட²ஸிக்கா²பத³ங் • 6. Chaṭṭhasikkhāpadaṃ
