| Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
6. чадтасигкаабад̣̇аван̣н̣анаа
6. Chaṭṭhasikkhāpadavaṇṇanā
815. чадтз – бхад̇д̇ависсаг̇г̇анд̇и бхад̇д̇агижжам̣. баанийязна жа вид̇хуубанзна жа убад̇идтид̇ваад̇и згзна хад̇т̇зна баанийяат̇аалагам̣ згзна б̣ийж̇аним̣ г̇ахзд̇ваа б̣ийж̇амаанаа самийбз тад̇ваад̇и ад̇т̇о. ажжаавад̣̇ад̇ийд̇и буб̣б̣зби д̇умхз звам̣ бхун̃ж̇ат̇а, ахам̣ звам̣ убадтаанам̣ гаромий’’д̇и баб̣б̣аж̇ид̇ажаарид̇д̇ам̣ ад̇иггамид̇ваа г̇зхассид̇агат̇ам̣ гат̇зд̇ийд̇и ад̇т̇о.
815. Chaṭṭhe – bhattavissagganti bhattakiccaṃ. Pānīyena ca vidhūpanena ca upatiṭṭhitvāti ekena hatthena pānīyathālakaṃ ekena bījaniṃ gahetvā bījamānā samīpe ṭhatvāti attho. Accāvadatīti pubbepi tumhe evaṃ bhuñjatha, ahaṃ evaṃ upaṭṭhānaṃ karomī’’ti pabbajitacārittaṃ atikkamitvā gehassitakathaṃ kathetīti attho.
817. яам̣гин̃жи баанийяанд̇и суд̣̇д̇хауд̣̇агам̣ ваа ход̇у, д̇аггад̣̇ад̇химад̇т̇урасакийраад̣̇ийнам̣ ваа ан̃н̃ад̇арам̣. яаа гаажи б̣ийж̇анийд̇и анд̇амасо жийвараган̣н̣оби. хад̇т̇абаасз д̇идтад̇и аабад̇д̇и баажид̇д̇ияассаад̇и ид̇ха таанабажжаяаава баажид̇д̇ияам̣ вуд̇д̇ам̣. бахаарабажжаяаа бана канд̇хагз д̣̇уггадам̣ бан̃н̃ад̇д̇ам̣.
817.Yaṃkiñci pānīyanti suddhaudakaṃ vā hotu, takkadadhimatthurasakhīrādīnaṃ vā aññataraṃ. Yā kāci bījanīti antamaso cīvarakaṇṇopi. Hatthapāse tiṭṭhati āpatti pācittiyassāti idha ṭhānapaccayāva pācittiyaṃ vuttaṃ. Pahārapaccayā pana khandhake dukkaṭaṃ paññattaṃ.
819. д̣̇зд̇и д̣̇аабзд̇ийд̇и баанийяам̣ ваа суубаад̣̇им̣ ваа имам̣ биват̇а, иминаа бхун̃ж̇ат̇аад̇и д̣̇зд̇и; д̇аалаван̣дам̣ иминаа б̣ийж̇анд̇аа бхун̃ж̇ат̇аад̇и д̣̇зд̇и; ан̃н̃зна ваа убхаяамби д̣̇аабзд̇и, анаабад̇д̇и. анубасамбаннам̣ аан̣аабзд̇ийд̇и убад̇идтанад̇т̇ам̣ сааман̣зрим̣ аан̣аабзд̇и, анаабад̇д̇и. сзсам̣ уд̇д̇аанамзва.
819.Deti dāpetīti pānīyaṃ vā sūpādiṃ vā imaṃ pivatha, iminā bhuñjathāti deti; tālavaṇṭaṃ iminā bījantā bhuñjathāti deti; aññena vā ubhayampi dāpeti, anāpatti. Anupasampannaṃ āṇāpetīti upatiṭṭhanatthaṃ sāmaṇeriṃ āṇāpeti, anāpatti. Sesaṃ uttānameva.
зл̣агаломасамудтаанам̣ – гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
чадтасигкаабад̣̇ам̣.
Chaṭṭhasikkhāpadaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 6. чадтасигкаабад̣̇ам̣ • 6. Chaṭṭhasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. ласун̣аваг̇г̇аван̣н̣анаа • 1. Lasuṇavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. бан̃жамасигкаабад̣̇аван̣н̣анаа • 5. Pañcamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаласун̣аад̣̇исигкаабад̣̇аван̣н̣анаа • 1. Paṭhamalasuṇādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. чадтасигкаабад̣̇ам̣ • 6. Chaṭṭhasikkhāpadaṃ
