| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
༦. ཚཊྛསིཀྑཱཔདཝཎྞནཱ
6. Chaṭṭhasikkhāpadavaṇṇanā
༨༡༥. ཚཊྛེ – བྷཏྟཝིསྶགྒནྟི བྷཏྟཀིཙྩཾ། པཱནཱིཡེན ཙ ཝིདྷཱུཔནེན ཙ ཨུཔཏིཊྛིཏྭཱཏི ཨེཀེན ཧཏྠེན པཱནཱིཡཐཱལཀཾ ཨེཀེན བཱིཛནིཾ གཧེཏྭཱ བཱིཛམཱནཱ སམཱིཔེ ཋཏྭཱཏི ཨཏྠོ། ཨཙྩཱཝདཏཱིཏི པུབྦེཔི ཏུམྷེ ཨེཝཾ བྷུཉྫཐ, ཨཧཾ ཨེཝཾ ཨུཔཊྛཱནཾ ཀརོམཱི’’ཏི པབྦཛིཏཙཱརིཏྟཾ ཨཏིཀྐམིཏྭཱ གེཧསྶིཏཀཐཾ ཀཐེཏཱིཏི ཨཏྠོ།
815. Chaṭṭhe – bhattavissagganti bhattakiccaṃ. Pānīyena ca vidhūpanena ca upatiṭṭhitvāti ekena hatthena pānīyathālakaṃ ekena bījaniṃ gahetvā bījamānā samīpe ṭhatvāti attho. Accāvadatīti pubbepi tumhe evaṃ bhuñjatha, ahaṃ evaṃ upaṭṭhānaṃ karomī’’ti pabbajitacārittaṃ atikkamitvā gehassitakathaṃ kathetīti attho.
༨༡༧. ཡཾཀིཉྩི པཱནཱིཡནྟི སུདྡྷཨུདཀཾ ཝཱ ཧོཏུ, ཏཀྐདདྷིམཏྠུརསཁཱིརཱདཱིནཾ ཝཱ ཨཉྙཏརཾ། ཡཱ ཀཱཙི བཱིཛནཱིཏི ཨནྟམསོ ཙཱིཝརཀཎྞོཔི། ཧཏྠཔཱསེ ཏིཊྛཏི ཨཱཔཏྟི པཱཙིཏྟིཡསྶཱཏི ཨིདྷ ཋཱནཔཙྩཡཱཝ པཱཙིཏྟིཡཾ ཝུཏྟཾ། པཧཱརཔཙྩཡཱ པན ཁནྡྷཀེ དུཀྐཊཾ པཉྙཏྟཾ།
817.Yaṃkiñci pānīyanti suddhaudakaṃ vā hotu, takkadadhimatthurasakhīrādīnaṃ vā aññataraṃ. Yā kāci bījanīti antamaso cīvarakaṇṇopi. Hatthapāse tiṭṭhati āpatti pācittiyassāti idha ṭhānapaccayāva pācittiyaṃ vuttaṃ. Pahārapaccayā pana khandhake dukkaṭaṃ paññattaṃ.
༨༡༩. དེཏི དཱཔེཏཱིཏི པཱནཱིཡཾ ཝཱ སཱུཔཱདིཾ ཝཱ ཨིམཾ པིཝཐ, ཨིམིནཱ བྷུཉྫཐཱཏི དེཏི; ཏཱལཝཎྚཾ ཨིམིནཱ བཱིཛནྟཱ བྷུཉྫཐཱཏི དེཏི; ཨཉྙེན ཝཱ ཨུབྷཡམྤི དཱཔེཏི, ཨནཱཔཏྟི། ཨནུཔསམྤནྣཾ ཨཱཎཱཔེཏཱིཏི ཨུཔཏིཊྛནཏྠཾ སཱམཎེརིཾ ཨཱཎཱཔེཏི, ཨནཱཔཏྟི། སེསཾ ཨུཏྟཱནམེཝ།
819.Deti dāpetīti pānīyaṃ vā sūpādiṃ vā imaṃ pivatha, iminā bhuñjathāti deti; tālavaṇṭaṃ iminā bījantā bhuñjathāti deti; aññena vā ubhayampi dāpeti, anāpatti. Anupasampannaṃ āṇāpetīti upatiṭṭhanatthaṃ sāmaṇeriṃ āṇāpeti, anāpatti. Sesaṃ uttānameva.
ཨེལ༹ཀལོམསམུཊྛཱནཾ – ཀིརིཡཾ, ནོསཉྙཱཝིམོཀྑཾ, ཨཙིཏྟཀཾ, པཎྞཏྟིཝཛྫཾ, ཀཱཡཀམྨཾ, ཏིཙིཏྟཾ, ཏིཝེདནནྟི།
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ཚཊྛསིཀྑཱཔདཾ།
Chaṭṭhasikkhāpadaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༦. ཚཊྛསིཀྑཱཔདཾ • 6. Chaṭṭhasikkhāpadaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༡. ལསུཎཝགྒཝཎྞནཱ • 1. Lasuṇavaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༥. པཉྩམསིཀྑཱཔདཝཎྞནཱ • 5. Pañcamasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༡. པཋམལསུཎཱདིསིཀྑཱཔདཝཎྞནཱ • 1. Paṭhamalasuṇādisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༦. ཚཊྛསིཀྑཱཔདཾ • 6. Chaṭṭhasikkhāpadaṃ
