| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā |
੬. ਛਟ੍ਠਸਿਕ੍ਖਾਪਦવਣ੍ਣਨਾ
6. Chaṭṭhasikkhāpadavaṇṇanā
੮੧੫. ਛਟ੍ਠੇ – ਭਤ੍ਤવਿਸ੍ਸਗ੍ਗਨ੍ਤਿ ਭਤ੍ਤਕਿਚ੍ਚਂ। ਪਾਨੀਯੇਨ ਚ વਿਧੂਪਨੇਨ ਚ ਉਪਤਿਟ੍ਠਿਤ੍વਾਤਿ ਏਕੇਨ ਹਤ੍ਥੇਨ ਪਾਨੀਯਥਾਲਕਂ ਏਕੇਨ ਬੀਜਨਿਂ ਗਹੇਤ੍વਾ ਬੀਜਮਾਨਾ ਸਮੀਪੇ ਠਤ੍વਾਤਿ ਅਤ੍ਥੋ। ਅਚ੍ਚਾવਦਤੀਤਿ ਪੁਬ੍ਬੇਪਿ ਤੁਮ੍ਹੇ ਏવਂ ਭੁਞ੍ਜਥ, ਅਹਂ ਏવਂ ਉਪਟ੍ਠਾਨਂ ਕਰੋਮੀ’’ਤਿ ਪਬ੍ਬਜਿਤਚਾਰਿਤ੍ਤਂ ਅਤਿਕ੍ਕਮਿਤ੍વਾ ਗੇਹਸ੍ਸਿਤਕਥਂ ਕਥੇਤੀਤਿ ਅਤ੍ਥੋ।
815. Chaṭṭhe – bhattavissagganti bhattakiccaṃ. Pānīyena ca vidhūpanena ca upatiṭṭhitvāti ekena hatthena pānīyathālakaṃ ekena bījaniṃ gahetvā bījamānā samīpe ṭhatvāti attho. Accāvadatīti pubbepi tumhe evaṃ bhuñjatha, ahaṃ evaṃ upaṭṭhānaṃ karomī’’ti pabbajitacārittaṃ atikkamitvā gehassitakathaṃ kathetīti attho.
੮੧੭. ਯਂਕਿਞ੍ਚਿ ਪਾਨੀਯਨ੍ਤਿ ਸੁਦ੍ਧਉਦਕਂ વਾ ਹੋਤੁ, ਤਕ੍ਕਦਧਿਮਤ੍ਥੁਰਸਖੀਰਾਦੀਨਂ વਾ ਅਞ੍ਞਤਰਂ। ਯਾ ਕਾਚਿ ਬੀਜਨੀਤਿ ਅਨ੍ਤਮਸੋ ਚੀવਰਕਣ੍ਣੋਪਿ। ਹਤ੍ਥਪਾਸੇ ਤਿਟ੍ਠਤਿ ਆਪਤ੍ਤਿ ਪਾਚਿਤ੍ਤਿਯਸ੍ਸਾਤਿ ਇਧ ਠਾਨਪਚ੍ਚਯਾવ ਪਾਚਿਤ੍ਤਿਯਂ વੁਤ੍ਤਂ। ਪਹਾਰਪਚ੍ਚਯਾ ਪਨ ਖਨ੍ਧਕੇ ਦੁਕ੍ਕਟਂ ਪਞ੍ਞਤ੍ਤਂ।
817.Yaṃkiñci pānīyanti suddhaudakaṃ vā hotu, takkadadhimatthurasakhīrādīnaṃ vā aññataraṃ. Yā kāci bījanīti antamaso cīvarakaṇṇopi. Hatthapāse tiṭṭhati āpatti pācittiyassāti idha ṭhānapaccayāva pācittiyaṃ vuttaṃ. Pahārapaccayā pana khandhake dukkaṭaṃ paññattaṃ.
੮੧੯. ਦੇਤਿ ਦਾਪੇਤੀਤਿ ਪਾਨੀਯਂ વਾ ਸੂਪਾਦਿਂ વਾ ਇਮਂ ਪਿવਥ, ਇਮਿਨਾ ਭੁਞ੍ਜਥਾਤਿ ਦੇਤਿ; ਤਾਲવਣ੍ਟਂ ਇਮਿਨਾ ਬੀਜਨ੍ਤਾ ਭੁਞ੍ਜਥਾਤਿ ਦੇਤਿ; ਅਞ੍ਞੇਨ વਾ ਉਭਯਮ੍ਪਿ ਦਾਪੇਤਿ, ਅਨਾਪਤ੍ਤਿ। ਅਨੁਪਸਮ੍ਪਨ੍ਨਂ ਆਣਾਪੇਤੀਤਿ ਉਪਤਿਟ੍ਠਨਤ੍ਥਂ ਸਾਮਣੇਰਿਂ ਆਣਾਪੇਤਿ, ਅਨਾਪਤ੍ਤਿ। ਸੇਸਂ ਉਤ੍ਤਾਨਮੇવ।
819.Deti dāpetīti pānīyaṃ vā sūpādiṃ vā imaṃ pivatha, iminā bhuñjathāti deti; tālavaṇṭaṃ iminā bījantā bhuñjathāti deti; aññena vā ubhayampi dāpeti, anāpatti. Anupasampannaṃ āṇāpetīti upatiṭṭhanatthaṃ sāmaṇeriṃ āṇāpeti, anāpatti. Sesaṃ uttānameva.
ਏਲ਼ਕਲੋਮਸਮੁਟ੍ਠਾਨਂ – ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ਛਟ੍ਠਸਿਕ੍ਖਾਪਦਂ।
Chaṭṭhasikkhāpadaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੬. ਛਟ੍ਠਸਿਕ੍ਖਾਪਦਂ • 6. Chaṭṭhasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਲਸੁਣવਗ੍ਗવਣ੍ਣਨਾ • 1. Lasuṇavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੫. ਪਞ੍ਚਮਸਿਕ੍ਖਾਪਦવਣ੍ਣਨਾ • 5. Pañcamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਲਸੁਣਾਦਿਸਿਕ੍ਖਾਪਦવਣ੍ਣਨਾ • 1. Paṭhamalasuṇādisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬. ਛਟ੍ਠਸਿਕ੍ਖਾਪਦਂ • 6. Chaṭṭhasikkhāpadaṃ
