| Library / Tipiṭaka / തിപിടക • Tipiṭaka / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā |
൬. ഛട്ഠസിക്ഖാപദവണ്ണനാ
6. Chaṭṭhasikkhāpadavaṇṇanā
൮൧൫. ഛട്ഠേ – ഭത്തവിസ്സഗ്ഗന്തി ഭത്തകിച്ചം. പാനീയേന ച വിധൂപനേന ച ഉപതിട്ഠിത്വാതി ഏകേന ഹത്ഥേന പാനീയഥാലകം ഏകേന ബീജനിം ഗഹേത്വാ ബീജമാനാ സമീപേ ഠത്വാതി അത്ഥോ. അച്ചാവദതീതി പുബ്ബേപി തുമ്ഹേ ഏവം ഭുഞ്ജഥ, അഹം ഏവം ഉപട്ഠാനം കരോമീ’’തി പബ്ബജിതചാരിത്തം അതിക്കമിത്വാ ഗേഹസ്സിതകഥം കഥേതീതി അത്ഥോ.
815. Chaṭṭhe – bhattavissagganti bhattakiccaṃ. Pānīyena ca vidhūpanena ca upatiṭṭhitvāti ekena hatthena pānīyathālakaṃ ekena bījaniṃ gahetvā bījamānā samīpe ṭhatvāti attho. Accāvadatīti pubbepi tumhe evaṃ bhuñjatha, ahaṃ evaṃ upaṭṭhānaṃ karomī’’ti pabbajitacārittaṃ atikkamitvā gehassitakathaṃ kathetīti attho.
൮൧൭. യംകിഞ്ചി പാനീയന്തി സുദ്ധഉദകം വാ ഹോതു, തക്കദധിമത്ഥുരസഖീരാദീനം വാ അഞ്ഞതരം. യാ കാചി ബീജനീതി അന്തമസോ ചീവരകണ്ണോപി. ഹത്ഥപാസേ തിട്ഠതി ആപത്തി പാചിത്തിയസ്സാതി ഇധ ഠാനപച്ചയാവ പാചിത്തിയം വുത്തം. പഹാരപച്ചയാ പന ഖന്ധകേ ദുക്കടം പഞ്ഞത്തം.
817.Yaṃkiñci pānīyanti suddhaudakaṃ vā hotu, takkadadhimatthurasakhīrādīnaṃ vā aññataraṃ. Yā kāci bījanīti antamaso cīvarakaṇṇopi. Hatthapāse tiṭṭhati āpatti pācittiyassāti idha ṭhānapaccayāva pācittiyaṃ vuttaṃ. Pahārapaccayā pana khandhake dukkaṭaṃ paññattaṃ.
൮൧൯. ദേതി ദാപേതീതി പാനീയം വാ സൂപാദിം വാ ഇമം പിവഥ, ഇമിനാ ഭുഞ്ജഥാതി ദേതി; താലവണ്ടം ഇമിനാ ബീജന്താ ഭുഞ്ജഥാതി ദേതി; അഞ്ഞേന വാ ഉഭയമ്പി ദാപേതി, അനാപത്തി. അനുപസമ്പന്നം ആണാപേതീതി ഉപതിട്ഠനത്ഥം സാമണേരിം ആണാപേതി, അനാപത്തി. സേസം ഉത്താനമേവ.
819.Deti dāpetīti pānīyaṃ vā sūpādiṃ vā imaṃ pivatha, iminā bhuñjathāti deti; tālavaṇṭaṃ iminā bījantā bhuñjathāti deti; aññena vā ubhayampi dāpeti, anāpatti. Anupasampannaṃ āṇāpetīti upatiṭṭhanatthaṃ sāmaṇeriṃ āṇāpeti, anāpatti. Sesaṃ uttānameva.
ഏളകലോമസമുട്ഠാനം – കിരിയം, നോസഞ്ഞാവിമോക്ഖം, അചിത്തകം, പണ്ണത്തിവജ്ജം, കായകമ്മം, തിചിത്തം, തിവേദനന്തി.
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ഛട്ഠസിക്ഖാപദം.
Chaṭṭhasikkhāpadaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga / ൬. ഛട്ഠസിക്ഖാപദം • 6. Chaṭṭhasikkhāpadaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൧. ലസുണവഗ്ഗവണ്ണനാ • 1. Lasuṇavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൫. പഞ്ചമസിക്ഖാപദവണ്ണനാ • 5. Pañcamasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൧. പഠമലസുണാദിസിക്ഖാപദവണ്ണനാ • 1. Paṭhamalasuṇādisikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൬. ഛട്ഠസിക്ഖാപദം • 6. Chaṭṭhasikkhāpadaṃ
