| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৯. ছত্তুপাহনৰগ্গো
9. Chattupāhanavaggo
১-২. ছত্তুপাহনাদিসিক্খাপদৰণ্ণনা
1-2. Chattupāhanādisikkhāpadavaṇṇanā
ৰুত্তলক্খণং ছত্তন্তি ‘‘ছত্তং নাম তীণি ছত্তানি – সেতচ্ছত্তং, কিলঞ্জচ্ছত্তং, পণ্ণচ্ছত্তং মণ্ডলবদ্ধং, সলাকবদ্ধ’’ন্তি (পাচি॰ ১১৮১) এৰং পদভাজনে ৰুত্তলক্খণং ছত্তং। তাদিসং ঠানং পত্ৰাতি গচ্ছকদ্দমাদীসু তং তং ঠানং পত্ৰা।
Vuttalakkhaṇaṃ chattanti ‘‘chattaṃ nāma tīṇi chattāni – setacchattaṃ, kilañjacchattaṃ, paṇṇacchattaṃ maṇḍalabaddhaṃ, salākabaddha’’nti (pāci. 1181) evaṃ padabhājane vuttalakkhaṇaṃ chattaṃ. Tādisaṃ ṭhānaṃ patvāti gacchakaddamādīsu taṃ taṃ ṭhānaṃ patvā.
ছত্তস্সেৰাতি কদ্দমাদীনি পত্ৰা উপাহনা ওমুঞ্চিত্ৰা ছত্তস্সেৰ ধারণং। উপাহনানংযেৰ ৰাতি গচ্ছাদীনি দিস্ৰা ছত্তং অপনামেত্ৰা উপাহনানংযেৰ ধারণং।
Chattassevāti kaddamādīni patvā upāhanā omuñcitvā chattasseva dhāraṇaṃ. Upāhanānaṃyeva vāti gacchādīni disvā chattaṃ apanāmetvā upāhanānaṃyeva dhāraṇaṃ.
দুতিযং উত্তানত্থমেৰ।
Dutiyaṃ uttānatthameva.
ছত্তুপাহনাদিসিক্খাপদৰণ্ণনা নিট্ঠিতা।
Chattupāhanādisikkhāpadavaṇṇanā niṭṭhitā.
