| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
९. छत्तुपाहनवग्गो
9. Chattupāhanavaggo
१-२. छत्तुपाहनादिसिक्खापदवण्णना
1-2. Chattupāhanādisikkhāpadavaṇṇanā
वुत्तलक्खणं छत्तन्ति ‘‘छत्तं नाम तीणि छत्तानि – सेतच्छत्तं, किलञ्जच्छत्तं, पण्णच्छत्तं मण्डलबद्धं, सलाकबद्ध’’न्ति (पाचि॰ ११८१) एवं पदभाजने वुत्तलक्खणं छत्तं। तादिसं ठानं पत्वाति गच्छकद्दमादीसु तं तं ठानं पत्वा।
Vuttalakkhaṇaṃ chattanti ‘‘chattaṃ nāma tīṇi chattāni – setacchattaṃ, kilañjacchattaṃ, paṇṇacchattaṃ maṇḍalabaddhaṃ, salākabaddha’’nti (pāci. 1181) evaṃ padabhājane vuttalakkhaṇaṃ chattaṃ. Tādisaṃ ṭhānaṃ patvāti gacchakaddamādīsu taṃ taṃ ṭhānaṃ patvā.
छत्तस्सेवाति कद्दमादीनि पत्वा उपाहना ओमुञ्चित्वा छत्तस्सेव धारणं। उपाहनानंयेव वाति गच्छादीनि दिस्वा छत्तं अपनामेत्वा उपाहनानंयेव धारणं।
Chattassevāti kaddamādīni patvā upāhanā omuñcitvā chattasseva dhāraṇaṃ. Upāhanānaṃyeva vāti gacchādīni disvā chattaṃ apanāmetvā upāhanānaṃyeva dhāraṇaṃ.
दुतियं उत्तानत्थमेव।
Dutiyaṃ uttānatthameva.
छत्तुपाहनादिसिक्खापदवण्णना निट्ठिता।
Chattupāhanādisikkhāpadavaṇṇanā niṭṭhitā.
