| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༩. ཚཏྟུཔཱཧནཝགྒོ
9. Chattupāhanavaggo
༡-༢. ཚཏྟུཔཱཧནཱདིསིཀྑཱཔདཝཎྞནཱ
1-2. Chattupāhanādisikkhāpadavaṇṇanā
ཝུཏྟལཀྑཎཾ ཚཏྟནྟི ‘‘ཚཏྟཾ ནཱམ ཏཱིཎི ཚཏྟཱནི – སེཏཙྪཏྟཾ, ཀིལཉྫཙྪཏྟཾ, པཎྞཙྪཏྟཾ མཎྜལབདྡྷཾ, སལཱཀབདྡྷ’’ནྟི (པཱཙི॰ ༡༡༨༡) ཨེཝཾ པདབྷཱཛནེ ཝུཏྟལཀྑཎཾ ཚཏྟཾ། ཏཱདིསཾ ཋཱནཾ པཏྭཱཏི གཙྪཀདྡམཱདཱིསུ ཏཾ ཏཾ ཋཱནཾ པཏྭཱ།
Vuttalakkhaṇaṃ chattanti ‘‘chattaṃ nāma tīṇi chattāni – setacchattaṃ, kilañjacchattaṃ, paṇṇacchattaṃ maṇḍalabaddhaṃ, salākabaddha’’nti (pāci. 1181) evaṃ padabhājane vuttalakkhaṇaṃ chattaṃ. Tādisaṃ ṭhānaṃ patvāti gacchakaddamādīsu taṃ taṃ ṭhānaṃ patvā.
ཚཏྟསྶེཝཱཏི ཀདྡམཱདཱིནི པཏྭཱ ཨུཔཱཧནཱ ཨོམུཉྩིཏྭཱ ཚཏྟསྶེཝ དྷཱརཎཾ། ཨུཔཱཧནཱནཾཡེཝ ཝཱཏི གཙྪཱདཱིནི དིསྭཱ ཚཏྟཾ ཨཔནཱམེཏྭཱ ཨུཔཱཧནཱནཾཡེཝ དྷཱརཎཾ།
Chattassevāti kaddamādīni patvā upāhanā omuñcitvā chattasseva dhāraṇaṃ. Upāhanānaṃyeva vāti gacchādīni disvā chattaṃ apanāmetvā upāhanānaṃyeva dhāraṇaṃ.
དུཏིཡཾ ཨུཏྟཱནཏྠམེཝ།
Dutiyaṃ uttānatthameva.
ཚཏྟུཔཱཧནཱདིསིཀྑཱཔདཝཎྞནཱ ནིཊྛིཏཱ།
Chattupāhanādisikkhāpadavaṇṇanā niṭṭhitā.
