| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
৯. ছত্তুপাহনৰগ্গৰণ্ণনা
9. Chattupāhanavaggavaṇṇanā
১২১৪. ছত্তুপাহনৰগ্গস্স একাদসমে উপচারং সন্ধাযাতি সমন্তা দ্ৰাদসহত্থুপচারং সন্ধায। সেসং সব্বত্থ উত্তানমেৰ।
1214. Chattupāhanavaggassa ekādasame upacāraṃ sandhāyāti samantā dvādasahatthupacāraṃ sandhāya. Sesaṃ sabbattha uttānameva.
ছত্তুপাহনৰগ্গৰণ্ণনা নিট্ঠিতা।
Chattupāhanavaggavaṇṇanā niṭṭhitā.
গিরগ্গসমজ্জাদীনি অচিত্তকানি লোকৰজ্জানীতি ৰুত্তত্তা নচ্চন্তি ৰা ৰণ্ণকন্তি ৰা অজানিত্ৰাৰ পস্সন্তিযা ৰা নহাযন্তিযা ৰা আপত্তিসম্ভৰতো ৰত্থুঅজাননচিত্তেন অচিত্তকানি, নচ্চন্তি ৰা ৰণ্ণকন্তি ৰা জানিত্ৰা পস্সন্তিযা ৰা নহাযন্তিযা ৰা অকুসলেনেৰ আপজ্জনতো লোকৰজ্জানীতি ৰেদিতব্বানি। চোরীৰুট্ঠাপনাদীনি চোরীতিআদিনা ৰত্থুং জানিত্ৰা করণে এৰ আপত্তিসম্ভৰতো সচিত্তকানি, উপসম্পদাদীনং একন্তঅকুসলচিত্তেনেৰ অকত্তব্বত্তা পণ্ণত্তিৰজ্জানি। ‘‘ইধ সচিত্তকাচিত্তকতা পণ্ণত্তিজাননাজাননতায অগ্গহেত্ৰা ৰত্থুজাননাজাননতায গহেতব্বা’’তি তীসুপি গণ্ঠিপদেসু ৰুত্তং। সেসমেত্থ উত্তানত্থমেৰ।
Giraggasamajjādīni acittakāni lokavajjānīti vuttattā naccanti vā vaṇṇakanti vā ajānitvāva passantiyā vā nahāyantiyā vā āpattisambhavato vatthuajānanacittena acittakāni, naccanti vā vaṇṇakanti vā jānitvā passantiyā vā nahāyantiyā vā akusaleneva āpajjanato lokavajjānīti veditabbāni. Corīvuṭṭhāpanādīni corītiādinā vatthuṃ jānitvā karaṇe eva āpattisambhavato sacittakāni, upasampadādīnaṃ ekantaakusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggahetvā vatthujānanājānanatāya gahetabbā’’ti tīsupi gaṇṭhipadesu vuttaṃ. Sesamettha uttānatthameva.
ভিক্খুনীৰিভঙ্গে খুদ্দকৰণ্ণনা নিট্ঠিতা।
Bhikkhunīvibhaṅge khuddakavaṇṇanā niṭṭhitā.
পাচিত্তিযকণ্ডং নিট্ঠিতং।
Pācittiyakaṇḍaṃ niṭṭhitaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ১১. একাদসমসিক্খাপদং • 11. Ekādasamasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā / ১১. একাদসমসিক্খাপদৰণ্ণনা • 11. Ekādasamasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ১১. একাদসমাদিসিক্খাপদৰণ্ণনা • 11. Ekādasamādisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১১. একাদসমসিক্খাপদং • 11. Ekādasamasikkhāpadaṃ
