| Library / Tipiṭaka / ติปิฎก • Tipiṭaka / สารตฺถทีปนี-ฎีกา • Sāratthadīpanī-ṭīkā |
๙. ฉตฺตุปาหนวคฺควณฺณนา
9. Chattupāhanavaggavaṇṇanā
๑๒๑๔. ฉตฺตุปาหนวคฺคสฺส เอกาทสเม อุปจารํ สนฺธายาติ สมนฺตา ทฺวาทสหตฺถุปจารํ สนฺธายฯ เสสํ สพฺพตฺถ อุตฺตานเมวฯ
1214. Chattupāhanavaggassa ekādasame upacāraṃ sandhāyāti samantā dvādasahatthupacāraṃ sandhāya. Sesaṃ sabbattha uttānameva.
ฉตฺตุปาหนวคฺควณฺณนา นิฎฺฐิตาฯ
Chattupāhanavaggavaṇṇanā niṭṭhitā.
คิรคฺคสมชฺชาทีนิ อจิตฺตกานิ โลกวชฺชานีติ วุตฺตตฺตา นจฺจนฺติ วา วณฺณกนฺติ วา อชานิตฺวาว ปสฺสนฺติยา วา นหายนฺติยา วา อาปตฺติสมฺภวโต วตฺถุอชานนจิเตฺตน อจิตฺตกานิ, นจฺจนฺติ วา วณฺณกนฺติ วา ชานิตฺวา ปสฺสนฺติยา วา นหายนฺติยา วา อกุสเลเนว อาปชฺชนโต โลกวชฺชานีติ เวทิตพฺพานิฯ โจรีวุฎฺฐาปนาทีนิ โจรีติอาทินา วตฺถุํ ชานิตฺวา กรเณ เอว อาปตฺติสมฺภวโต สจิตฺตกานิ, อุปสมฺปทาทีนํ เอกนฺตอกุสลจิเตฺตเนว อกตฺตพฺพตฺตา ปณฺณตฺติวชฺชานิฯ ‘‘อิธ สจิตฺตกาจิตฺตกตา ปณฺณตฺติชานนาชานนตาย อคฺคเหตฺวา วตฺถุชานนาชานนตาย คเหตพฺพา’’ติ ตีสุปิ คณฺฐิปเทสุ วุตฺตํฯ เสสเมตฺถ อุตฺตานตฺถเมวฯ
Giraggasamajjādīni acittakāni lokavajjānīti vuttattā naccanti vā vaṇṇakanti vā ajānitvāva passantiyā vā nahāyantiyā vā āpattisambhavato vatthuajānanacittena acittakāni, naccanti vā vaṇṇakanti vā jānitvā passantiyā vā nahāyantiyā vā akusaleneva āpajjanato lokavajjānīti veditabbāni. Corīvuṭṭhāpanādīni corītiādinā vatthuṃ jānitvā karaṇe eva āpattisambhavato sacittakāni, upasampadādīnaṃ ekantaakusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggahetvā vatthujānanājānanatāya gahetabbā’’ti tīsupi gaṇṭhipadesu vuttaṃ. Sesamettha uttānatthameva.
ภิกฺขุนีวิภเงฺค ขุทฺทกวณฺณนา นิฎฺฐิตาฯ
Bhikkhunīvibhaṅge khuddakavaṇṇanā niṭṭhitā.
ปาจิตฺติยกณฺฑํ นิฎฺฐิตํฯ
Pācittiyakaṇḍaṃ niṭṭhitaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๑๑. เอกาทสมสิกฺขาปทํ • 11. Ekādasamasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā / ๑๑. เอกาทสมสิกฺขาปทวณฺณนา • 11. Ekādasamasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๑๑. เอกาทสมาทิสิกฺขาปทวณฺณนา • 11. Ekādasamādisikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๑. เอกาทสมสิกฺขาปทํ • 11. Ekādasamasikkhāpadaṃ
