| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၉. ဆတ္တုပာဟနဝဂ္ဂဝဏ္ဏနာ
9. Chattupāhanavaggavaṇṇanā
၁၂၁၄. ဆတ္တုပာဟနဝဂ္ဂသ္သ ဧကာဒသမေ ဥပစာရံ သန္ဓာယာတိ သမန္တာ ဒ္ဝာဒသဟတ္ထုပစာရံ သန္ဓာယ။ သေသံ သဗ္ဗတ္ထ ဥတ္တာနမေဝ။
1214. Chattupāhanavaggassa ekādasame upacāraṃ sandhāyāti samantā dvādasahatthupacāraṃ sandhāya. Sesaṃ sabbattha uttānameva.
ဆတ္တုပာဟနဝဂ္ဂဝဏ္ဏနာ နိဋ္ဌိတာ။
Chattupāhanavaggavaṇṇanā niṭṭhitā.
ဂိရဂ္ဂသမဇ္ဇာဒီနိ အစိတ္တကာနိ လောကဝဇ္ဇာနီတိ ဝုတ္တတ္တာ နစ္စန္တိ ဝာ ဝဏ္ဏကန္တိ ဝာ အဇာနိတ္ဝာဝ ပသ္သန္တိယာ ဝာ နဟာယန္တိယာ ဝာ အာပတ္တိသမ္ဘဝတော ဝတ္ထုအဇာနနစိတ္တေန အစိတ္တကာနိ, နစ္စန္တိ ဝာ ဝဏ္ဏကန္တိ ဝာ ဇာနိတ္ဝာ ပသ္သန္တိယာ ဝာ နဟာယန္တိယာ ဝာ အကုသလေနေဝ အာပဇ္ဇနတော လောကဝဇ္ဇာနီတိ ဝေဒိတဗ္ဗာနိ။ စောရီဝုဋ္ဌာပနာဒီနိ စောရီတိအာဒိနာ ဝတ္ထုံ ဇာနိတ္ဝာ ကရဏေ ဧဝ အာပတ္တိသမ္ဘဝတော သစိတ္တကာနိ, ဥပသမ္ပဒာဒီနံ ဧကန္တအကုသလစိတ္တေနေဝ အကတ္တဗ္ဗတ္တာ ပဏ္ဏတ္တိဝဇ္ဇာနိ။ ‘‘ဣဓ သစိတ္တကာစိတ္တကတာ ပဏ္ဏတ္တိဇာနနာဇာနနတာယ အဂ္ဂဟေတ္ဝာ ဝတ္ထုဇာနနာဇာနနတာယ ဂဟေတဗ္ဗာ’’တိ တီသုပိ ဂဏ္ဌိပဒေသု ဝုတ္တံ။ သေသမေတ္ထ ဥတ္တာနတ္ထမေဝ။
Giraggasamajjādīni acittakāni lokavajjānīti vuttattā naccanti vā vaṇṇakanti vā ajānitvāva passantiyā vā nahāyantiyā vā āpattisambhavato vatthuajānanacittena acittakāni, naccanti vā vaṇṇakanti vā jānitvā passantiyā vā nahāyantiyā vā akusaleneva āpajjanato lokavajjānīti veditabbāni. Corīvuṭṭhāpanādīni corītiādinā vatthuṃ jānitvā karaṇe eva āpattisambhavato sacittakāni, upasampadādīnaṃ ekantaakusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggahetvā vatthujānanājānanatāya gahetabbā’’ti tīsupi gaṇṭhipadesu vuttaṃ. Sesamettha uttānatthameva.
ဘိက္ခုနီဝိဘင္ဂေ ခုဒ္ဒကဝဏ္ဏနာ နိဋ္ဌိတာ။
Bhikkhunīvibhaṅge khuddakavaṇṇanā niṭṭhitā.
ပာစိတ္တိယကဏ္ဍံ နိဋ္ဌိတံ။
Pācittiyakaṇḍaṃ niṭṭhitaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၁၁. ဧကာဒသမသိက္ခာပဒံ • 11. Ekādasamasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၁၁. ဧကာဒသမသိက္ခာပဒဝဏ္ဏနာ • 11. Ekādasamasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၁၁. ဧကာဒသမာဒိသိက္ခာပဒဝဏ္ဏနာ • 11. Ekādasamādisikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၁. ဧကာဒသမသိက္ခာပဒံ • 11. Ekādasamasikkhāpadaṃ
