| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[309] 9. чаваж̇аад̇агаван̣н̣анаа
[309] 9. Chavajātakavaṇṇanā
саб̣б̣амид̣̇ам̣ жаримам̣ гад̇анд̇и ид̣̇ам̣ сад̇т̇аа ж̇зд̇аванз вихаранд̇о чаб̣б̣аг̇г̇ияз бхигкуу аараб̣бха гат̇зси. вад̇т̇у винаяз (баажи. 646) вид̇т̇аарад̇о ааг̇ад̇амзва. аяам̣ банзд̇т̇а сан̇кзбо – сад̇т̇аа чаб̣б̣аг̇г̇ияз баггосаабзд̇ваа ‘‘сажжам̣ гира д̇умхз, бхигкавз, нийжз аасанз нисийд̣̇ид̇ваа ужжз аасанз нисиннасса д̇хаммам̣ д̣̇зсзт̇аа’’д̇и бужчид̇ваа ‘‘звам̣, бханд̇з’’д̇и вуд̇д̇з д̇з бхигкуу г̇арахид̇ваа ‘‘аяуд̇д̇ам̣, бхигкавз, д̇умхаагам̣ мама д̇хаммз аг̇ааравагаран̣ам̣, бораан̣агабан̣д̣ид̇аа хи нийжз аасанз нисийд̣̇ид̇ваа б̣аахирагаманд̇зби ваажзнд̇з г̇арахим̣суу’’д̇и вад̇ваа ад̇ийд̇ам̣ аахари.
Sabbamidaṃcarimaṃ katanti idaṃ satthā jetavane viharanto chabbaggiye bhikkhū ārabbha kathesi. Vatthu vinaye (pāci. 646) vitthārato āgatameva. Ayaṃ panettha saṅkhepo – satthā chabbaggiye pakkosāpetvā ‘‘saccaṃ kira tumhe, bhikkhave, nīce āsane nisīditvā ucce āsane nisinnassa dhammaṃ desethā’’ti pucchitvā ‘‘evaṃ, bhante’’ti vutte te bhikkhū garahitvā ‘‘ayuttaṃ, bhikkhave, tumhākaṃ mama dhamme agāravakaraṇaṃ, porāṇakapaṇḍitā hi nīce āsane nisīditvā bāhirakamantepi vācente garahiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о жан̣д̣аалагулз ниб̣б̣ад̇д̇ид̇ваа ваяаббад̇д̇о гудумб̣ам̣ сан̣табзси. д̇асса бхарияаа амб̣ад̣̇охал̣иний худ̇ваа д̇ам̣ ааха ‘‘саами, ижчаамахам̣ амб̣ам̣ каад̣̇ид̇у’’нд̇и. ‘‘бхад̣̇д̣̇з, имасмим̣ гаалз амб̣ам̣ над̇т̇и, ан̃н̃ам̣ гин̃жи амб̣илапалам̣ аахариссаамий’’д̇и. ‘‘саами, амб̣апалам̣ лабхамаанаава ж̇ийвиссаами, алабхамаанааяа мз ж̇ийвид̇ам̣ над̇т̇ий’’д̇и. со д̇ассаа бадиб̣ад̣̇д̇хажид̇д̇о ‘‘гахам̣ ну ко амб̣апалам̣ лабхиссаамий’’д̇и жинд̇зси. д̇зна ко бана самаязна б̣аараан̣асиран̃н̃о уяяаанз амб̣о д̇хувапало ход̇и. со ‘‘д̇ад̇о амб̣абаггам̣ аахарид̇ваа имиссаа д̣̇охал̣ам̣ бадиббассамбхзссаамий’’д̇и рад̇д̇ибхааг̇з уяяаанам̣ г̇анд̇ваа амб̣ам̣ абхирухид̇ваа нилийно саакааяа саакам̣ амб̣ам̣ ологзнд̇о вижари. д̇асса д̇ат̇аа гаронд̇ассзва рад̇д̇и вибхааяи. со жинд̇зси ‘‘сажз ид̣̇аани од̇арид̇ваа г̇амиссаами, д̣̇исваа мам̣ ‘жоро’д̇и г̇ан̣хиссанд̇и, рад̇д̇ибхааг̇з г̇амиссаамий’’д̇и. ат̇згам̣ видабам̣ абхирухид̇ваа нилийно ажчи.
Atīte bārāṇasiyaṃ brahmadatte rajjaṃ kārente bodhisatto caṇḍālakule nibbattitvā vayappatto kuṭumbaṃ saṇṭhapesi. Tassa bhariyā ambadohaḷinī hutvā taṃ āha ‘‘sāmi, icchāmahaṃ ambaṃ khāditu’’nti. ‘‘Bhadde, imasmiṃ kāle ambaṃ natthi, aññaṃ kiñci ambilaphalaṃ āharissāmī’’ti. ‘‘Sāmi, ambaphalaṃ labhamānāva jīvissāmi, alabhamānāya me jīvitaṃ natthī’’ti. So tassā paṭibaddhacitto ‘‘kahaṃ nu kho ambaphalaṃ labhissāmī’’ti cintesi. Tena kho pana samayena bārāṇasirañño uyyāne ambo dhuvaphalo hoti. So ‘‘tato ambapakkaṃ āharitvā imissā dohaḷaṃ paṭippassambhessāmī’’ti rattibhāge uyyānaṃ gantvā ambaṃ abhiruhitvā nilīno sākhāya sākhaṃ ambaṃ olokento vicari. Tassa tathā karontasseva ratti vibhāyi. So cintesi ‘‘sace idāni otaritvā gamissāmi, disvā maṃ ‘coro’ti gaṇhissanti, rattibhāge gamissāmī’’ti. Athekaṃ viṭapaṃ abhiruhitvā nilīno acchi.
д̇ад̣̇аа б̣аараан̣асирааж̇аа ‘‘бурохид̇асса санд̇игз манд̇з уг̇г̇ан̣хиссаамий’’д̇и уяяаанам̣ бависид̇ваа амб̣аругкамуулз ужжз аасанз нисийд̣̇ид̇ваа аажарияам̣ нийжз аасанз нисийд̣̇аабзд̇ваа манд̇з уг̇г̇ан̣хи. б̣од̇хисад̇д̇о убари нилийно жинд̇зси – ‘‘яаава ад̇хаммиго аяам̣ рааж̇аа, яо ужжаасанз нисийд̣̇ид̇ваа манд̇з уг̇г̇ан̣хаад̇и. аяам̣ б̣раахман̣оби ад̇хаммиго, яо нийжаасанз нисийд̣̇ид̇ваа манд̇з ваажзд̇и. ахамби ад̇хаммиго, яо маад̇уг̇аамасса васам̣ г̇анд̇ваа мама ж̇ийвид̇ам̣ аг̇ан̣зд̇ваа амб̣ам̣ аахараамий’’д̇и. со ругкад̇о од̇аранд̇о згам̣ оламб̣анасаакам̣ г̇ахзд̇ваа д̇зсам̣ убхиннамби анд̇арз бад̇идтааяа ‘‘махаарааж̇а, ахам̣ надто, д̇вам̣ муул̣хо, бурохид̇о мад̇о’’д̇и ааха. со ран̃н̃аа ‘‘гим̣гааран̣аа’’д̇и будто батамам̣ г̇аат̇амааха –
Tadā bārāṇasirājā ‘‘purohitassa santike mante uggaṇhissāmī’’ti uyyānaṃ pavisitvā ambarukkhamūle ucce āsane nisīditvā ācariyaṃ nīce āsane nisīdāpetvā mante uggaṇhi. Bodhisatto upari nilīno cintesi – ‘‘yāva adhammiko ayaṃ rājā, yo uccāsane nisīditvā mante uggaṇhāti. Ayaṃ brāhmaṇopi adhammiko, yo nīcāsane nisīditvā mante vāceti. Ahampi adhammiko, yo mātugāmassa vasaṃ gantvā mama jīvitaṃ agaṇetvā ambaṃ āharāmī’’ti. So rukkhato otaranto ekaṃ olambanasākhaṃ gahetvā tesaṃ ubhinnampi antare patiṭṭhāya ‘‘mahārāja, ahaṃ naṭṭho, tvaṃ mūḷho, purohito mato’’ti āha. So raññā ‘‘kiṃkāraṇā’’ti puṭṭho paṭhamaṃ gāthamāha –
33.
33.
‘‘саб̣б̣амид̣̇ам̣ жаримам̣ гад̇ам̣, убхо д̇хаммам̣ на бассарз;
‘‘Sabbamidaṃ carimaṃ kataṃ, ubho dhammaṃ na passare;
убхо багад̇ияаа жуд̇аа, яо жааяам̣ манд̇зж̇жхаабзд̇и;
Ubho pakatiyā cutā, yo cāyaṃ mantejjhāpeti;
яо жа манд̇ам̣ ад̇хийяад̇ий’’д̇и.
Yo ca mantaṃ adhīyatī’’ti.
д̇ад̇т̇а саб̣б̣амид̣̇ам̣ жаримам̣ гад̇анд̇и яам̣ амхзхи д̇ийхи ж̇анзхи гад̇ам̣, саб̣б̣ам̣ ид̣̇ам̣ гижжам̣ лаамагам̣ ниммарияаад̣̇ам̣ ад̇хаммигам̣. звам̣ ад̇д̇ано жорабхаавам̣ д̇зсан̃жа манд̇зсу аг̇ааравам̣ г̇арахид̇ваа буна ид̇арз д̣̇взязва г̇араханд̇о ‘‘убхо д̇хаммам̣ на бассарз’’д̇иаад̣̇имааха. д̇ад̇т̇а убход̇и имз д̣̇взби ж̇анаа г̇аругаараарахам̣ бораан̣агад̇хаммам̣ на бассанд̇и, д̇ад̇о д̇хаммабагад̇ид̇о жуд̇аа. д̇хаммо хи батамуббад̇д̇ивасзна багад̇и наама. вуд̇д̇амби жзд̇ам̣ –
Tattha sabbamidaṃ carimaṃ katanti yaṃ amhehi tīhi janehi kataṃ, sabbaṃ idaṃ kiccaṃ lāmakaṃ nimmariyādaṃ adhammikaṃ. Evaṃ attano corabhāvaṃ tesañca mantesu agāravaṃ garahitvā puna itare dveyeva garahanto ‘‘ubhodhammaṃ na passare’’tiādimāha. Tattha ubhoti ime dvepi janā garukārārahaṃ porāṇakadhammaṃ na passanti, tato dhammapakatito cutā. Dhammo hi paṭhamuppattivasena pakati nāma. Vuttampi cetaṃ –
‘‘д̇хаммо хавз баад̇урахоси буб̣б̣з;
‘‘Dhammo have pāturahosi pubbe;
бажчаа ад̇хаммо уд̣̇абаад̣̇и логз’’д̇и. (ж̇аа. 1.11.28);
Pacchā adhammo udapādi loke’’ti. (jā. 1.11.28);
яо жааяанд̇и яо жа аяам̣ нийжаасанз нисийд̣̇ид̇ваа манд̇з аж̇жхаабзд̇и, яо жа ужжз аасанз нисийд̣̇ид̇ваа ад̇хийяад̇ийд̇и.
Yo cāyanti yo ca ayaṃ nīcāsane nisīditvā mante ajjhāpeti, yo ca ucce āsane nisīditvā adhīyatīti.
д̇ам̣ суд̇ваа б̣раахман̣о д̣̇уд̇ияам̣ г̇аат̇амааха –
Taṃ sutvā brāhmaṇo dutiyaṃ gāthamāha –
34.
34.
‘‘саалийнам̣ од̣̇анам̣ бхун̃ж̇з, сужим̣ мам̣суубасзжанам̣;
‘‘Sālīnaṃ odanaṃ bhuñje, suciṃ maṃsūpasecanaṃ;
д̇асмаа зд̇ам̣ на сзваами, д̇хаммам̣ исийхи сзвид̇а’’нд̇и.
Tasmā etaṃ na sevāmi, dhammaṃ isīhi sevita’’nti.
д̇ассад̇т̇о – ахан̃хи бхо имасса ран̃н̃о санд̇агам̣ саалийнам̣ од̣̇анам̣ сужим̣ бан̣д̣арам̣ наанаббагаарааяа мам̣савигад̇ияаа сид̇д̇ам̣ мам̣суубасзжанам̣ бхун̃ж̇аами, д̇асмаа уд̣̇арз б̣ад̣̇д̇хо худ̇ваа зд̇ам̣ зсид̇аг̇ун̣зхи исийхи сзвид̇ам̣ д̇хаммам̣ на сзваамийд̇и.
Tassattho – ahañhi bho imassa rañño santakaṃ sālīnaṃ odanaṃ suciṃ paṇḍaraṃ nānappakārāya maṃsavikatiyā sittaṃ maṃsūpasecanaṃ bhuñjāmi, tasmā udare baddho hutvā etaṃ esitaguṇehi isīhi sevitaṃ dhammaṃ na sevāmīti.
д̇ам̣ суд̇ваа ид̇аро д̣̇вз г̇аат̇аа абхааси –
Taṃ sutvā itaro dve gāthā abhāsi –
35.
35.
‘‘бариб̣б̣аж̇а махаа лого, бажанд̇ан̃н̃зби баан̣ино;
‘‘Paribbaja mahā loko, pacantaññepi pāṇino;
маа д̇ам̣ ад̇хаммо аажарид̇о, асмаа гумбхамиваабхид̣̇аа.
Mā taṃ adhammo ācarito, asmā kumbhamivābhidā.
36.
36.
‘‘д̇хирад̇т̇у д̇ам̣ яасалаабхам̣, д̇ханалаабхан̃жа б̣раахман̣а;
‘‘Dhiratthu taṃ yasalābhaṃ, dhanalābhañca brāhmaṇa;
яаа вуд̇д̇и винибаад̇зна, ад̇хаммажаран̣зна ваа’’д̇и.
Yā vutti vinipātena, adhammacaraṇena vā’’ti.
д̇ад̇т̇а бариб̣б̣аж̇аад̇и ид̇о ан̃н̃ад̇т̇а г̇ажча. махаад̇и аяам̣ лого наама махаа. бажанд̇ан̃н̃зби баан̣инод̇и имасмим̣ ж̇амб̣уд̣̇ийбз ан̃н̃зби баан̣ино бажанд̇и, нааяамзвзго рааж̇аа. асмаа гумбхамиваабхид̣̇аад̇и баасаан̣о гхадам̣ вияа. ид̣̇ам̣ вуд̇д̇ам̣ ход̇и – яам̣ д̇вам̣ ан̃н̃ад̇т̇а аг̇анд̇ваа ид̇ха васанд̇о ад̇хаммам̣ аажараси, со ад̇хаммо звам̣ аажарид̇о баасаан̣о гхадам̣ вияа маа д̇ам̣ бхинд̣̇и.
Tattha paribbajāti ito aññattha gaccha. Mahāti ayaṃ loko nāma mahā. Pacantaññepi pāṇinoti imasmiṃ jambudīpe aññepi pāṇino pacanti, nāyameveko rājā. Asmā kumbhamivābhidāti pāsāṇo ghaṭaṃ viya. Idaṃ vuttaṃ hoti – yaṃ tvaṃ aññattha agantvā idha vasanto adhammaṃ ācarasi, so adhammo evaṃ ācarito pāsāṇo ghaṭaṃ viya mā taṃ bhindi.
‘‘д̇хирад̇т̇уу’’д̇и г̇аат̇ааяа аяам̣ сан̇кзбад̇т̇о – б̣раахман̣а яо зса звам̣ д̇ава яасалаабхо жа д̇ханалаабхо жа д̇хирад̇т̇у, д̇ам̣ г̇арахаама маяам̣. гасмаа? яасмаа аяам̣ д̇аяаа лад̣̇д̇халаабхо ааяад̇им̣ абааязсу винибаад̇анахзд̇унаа самбад̇и жа ад̇хаммажаран̣зна ж̇ийвид̇авуд̇д̇и наама ход̇и, яаа жзсаа вуд̇д̇и иминаа ааяад̇им̣ винибаад̇зна ид̇ха ад̇хаммажаран̣зна ваа ниббаж̇ж̇ад̇и, гим̣ д̇ааяа, д̇зна д̇ам̣ звам̣ вад̣̇аамийд̇и.
‘‘Dhiratthū’’ti gāthāya ayaṃ saṅkhepattho – brāhmaṇa yo esa evaṃ tava yasalābho ca dhanalābho ca dhiratthu, taṃ garahāma mayaṃ. Kasmā? Yasmā ayaṃ tayā laddhalābho āyatiṃ apāyesu vinipātanahetunā sampati ca adhammacaraṇena jīvitavutti nāma hoti, yā cesā vutti iminā āyatiṃ vinipātena idha adhammacaraṇena vā nippajjati, kiṃ tāya, tena taṃ evaṃ vadāmīti.
ат̇асса д̇хаммагат̇ааяа рааж̇аа басийд̣̇ид̇ваа ‘‘бхо, буриса, гим̣ж̇аад̇игосий’’д̇и бужчи. ‘‘жан̣д̣аало ахам̣, д̣̇зваа’’д̇и. бхо ‘‘сажз д̇вам̣ ж̇аад̇исамбанно абхависсса, раж̇ж̇ам̣ д̇з ахам̣ ад̣̇ассам̣, ид̇о бадтааяа бана ахам̣ д̣̇иваа рааж̇аа бхависсаами, д̇вам̣ рад̇д̇им̣ рааж̇аа хохий’’д̇и ад̇д̇ано ган̣тз бил̣анд̇ханам̣ бубпад̣̇аамам̣ д̇асса г̇ийвааяам̣ бил̣анд̇хаабзд̇ваа д̇ам̣ наг̇араг̇уд̇д̇игам̣ агааси. аяам̣ наг̇араг̇уд̇д̇игаанам̣ ган̣тз рад̇д̇абубпад̣̇аамабил̣анд̇ханавам̣со. д̇ад̇о бадтааяа бана рааж̇аа д̇ассоваад̣̇з тад̇ваа аажарияз г̇ааравам̣ гарид̇ваа нийжз аасанз нисинно манд̇з уг̇г̇ан̣хийд̇и.
Athassa dhammakathāya rājā pasīditvā ‘‘bho, purisa, kiṃjātikosī’’ti pucchi. ‘‘Caṇḍālo ahaṃ, devā’’ti. Bho ‘‘sace tvaṃ jātisampanno abhavisssa, rajjaṃ te ahaṃ adassaṃ, ito paṭṭhāya pana ahaṃ divā rājā bhavissāmi, tvaṃ rattiṃ rājā hohī’’ti attano kaṇṭhe piḷandhanaṃ pupphadāmaṃ tassa gīvāyaṃ piḷandhāpetvā taṃ nagaraguttikaṃ akāsi. Ayaṃ nagaraguttikānaṃ kaṇṭhe rattapupphadāmapiḷandhanavaṃso. Tato paṭṭhāya pana rājā tassovāde ṭhatvā ācariye gāravaṃ karitvā nīce āsane nisinno mante uggaṇhīti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси ‘‘д̇ад̣̇аа рааж̇аа аананд̣̇о ахоси, жан̣д̣аалабуд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi ‘‘tadā rājā ānando ahosi, caṇḍālaputto pana ahameva ahosi’’nti.
чаваж̇аад̇агаван̣н̣анаа навамаа.
Chavajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 309. чавагаж̇аад̇агам̣ • 309. Chavakajātakaṃ
