| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৫. ছৰালাতসুত্তং
5. Chavālātasuttaṃ
৯৫. ‘‘চত্তারোমে, ভিক্খৰে, পুগ্গলা সন্তো সংৰিজ্জমানা লোকস্মিং। কতমে চত্তারো? নেৰত্তহিতায পটিপন্নো নো পরহিতায, পরহিতায পটিপন্নো নো অত্তহিতায, অত্তহিতায পটিপন্নো নো পরহিতায, অত্তহিতায চেৰ 1 পটিপন্নো পরহিতায চ।
95. ‘‘Cattārome, bhikkhave, puggalā santo saṃvijjamānā lokasmiṃ. Katame cattāro? Nevattahitāya paṭipanno no parahitāya, parahitāya paṭipanno no attahitāya, attahitāya paṭipanno no parahitāya, attahitāya ceva 2 paṭipanno parahitāya ca.
‘‘তত্র, ভিক্খৰে, য্ৰাযং পুগ্গলো পরহিতায পটিপন্নো নো অত্তহিতায, অযং ইমেসং দ্ৰিন্নং পুগ্গলানং অভিক্কন্ততরো চ পণীততরো চ। তত্র, ভিক্খৰে, য্ৰাযং পুগ্গলো অত্তহিতায পটিপন্নো নো পরহিতায, অযং ইমেসং তিণ্ণং পুগ্গলানং অভিক্কন্ততরো চ পণীততরো চ। তত্র, ভিক্খৰে, য্ৰাযং পুগ্গলো অত্তহিতায চেৰ পটিপন্নো পরহিতায চ, অযং ইমেসং চতুন্নং পুগ্গলানং অগ্গো চ সেট্ঠো চ পামোক্খো 7 চ উত্তমো চ পৰরো চ।
‘‘Tatra, bhikkhave, yvāyaṃ puggalo parahitāya paṭipanno no attahitāya, ayaṃ imesaṃ dvinnaṃ puggalānaṃ abhikkantataro ca paṇītataro ca. Tatra, bhikkhave, yvāyaṃ puggalo attahitāya paṭipanno no parahitāya, ayaṃ imesaṃ tiṇṇaṃ puggalānaṃ abhikkantataro ca paṇītataro ca. Tatra, bhikkhave, yvāyaṃ puggalo attahitāya ceva paṭipanno parahitāya ca, ayaṃ imesaṃ catunnaṃ puggalānaṃ aggo ca seṭṭho ca pāmokkho 8 ca uttamo ca pavaro ca.
‘‘সেয্যথাপি, ভিক্খৰে, গৰা খীরং, খীরম্হা দধি, দধিম্হা নৰনীতং, নৰনীতম্হা সপ্পি, সপ্পিম্হা সপ্পিমণ্ডো, সপ্পিমণ্ডো 9 তত্থ 10 অগ্গমক্খাযতি; এৰমেৰং খো, ভিক্খৰে, য্ৰাযং পুগ্গলো অত্তহিতায চেৰ পটিপন্নো পরহিতায চ, অযং ইমেসং চতুন্নং পুগ্গলানং অগ্গো চ সেট্ঠো চ পামোক্খো চ উত্তমো চ পৰরো চ। ইমে খো, ভিক্খৰে, চত্তারো পুগ্গলা সন্তো সংৰিজ্জমানা লোকস্মি’’ন্তি। পঞ্চমং।
‘‘Seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo, sappimaṇḍo 11 tattha 12 aggamakkhāyati; evamevaṃ kho, bhikkhave, yvāyaṃ puggalo attahitāya ceva paṭipanno parahitāya ca, ayaṃ imesaṃ catunnaṃ puggalānaṃ aggo ca seṭṭho ca pāmokkho ca uttamo ca pavaro ca. Ime kho, bhikkhave, cattāro puggalā santo saṃvijjamānā lokasmi’’nti. Pañcamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫. ছৰালাতসুত্তৰণ্ণনা • 5. Chavālātasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৫-৬. ছৰালাতসুত্তাদিৰণ্ণনা • 5-6. Chavālātasuttādivaṇṇanā
