| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਛવਾਲਾਤਸੁਤ੍ਤવਣ੍ਣਨਾ
5. Chavālātasuttavaṇṇanā
੯੫. ਪਞ੍ਚਮੇ ਛવਾਲਾਤਨ੍ਤਿ ਸੁਸਾਨੇ ਅਲਾਤਂ। ਮਜ੍ਝੇ ਗੂਥਗਤਨ੍ਤਿ ਮਜ੍ਝਟ੍ਠਾਨੇ ਗੂਥਮਕ੍ਖਿਤਂ। ਨੇવ ਗਾਮੇ ਕਟ੍ਠਤ੍ਥਂ ਫਰਤੀਤਿ ਕੂਟਗੋਪਾਨਸਿਥਮ੍ਭਸੋਪਾਨਾਦੀਨਂ ਅਤ੍ਥਾਯ ਅਨੁਪਨੇਯ੍ਯਤਾਯ ਗਾਮੇ ਨ ਕਟ੍ਠਤ੍ਥਂ ਸਾਧੇਤਿ, ਖੇਤ੍ਤਕੁਟਿਪਾਦਂ વਾ ਮਞ੍ਚਪਾਦਂ વਾ ਕਾਤੁਂ ਅਨੁਪਨੇਯ੍ਯਤਾਯ ਨ ਅਰਞ੍ਞੇ ਕਟ੍ਠਤ੍ਥਂ ਸਾਧੇਤਿ। ਦ੍વੀਸੁ ਕੋਟੀਸੁ ਗਯ੍ਹਮਾਨਂ ਹਤ੍ਥਂ ਡਹਤਿ, ਮਜ੍ਝੇ ਗਯ੍ਹਮਾਨਂ ਗੂਥੇਨ ਮਕ੍ਖੇਤਿ। ਤਥੂਪਮਨ੍ਤਿ ਤਂਸਰਿਕ੍ਖਕਂ। ਅਭਿਕ੍ਕਨ੍ਤਤਰੋਤਿ ਸੁਨ੍ਦਰਤਰੋ। ਪਣੀਤਤਰੋਤਿ ਉਤ੍ਤਮਤਰੋ। ਗવਾ ਖੀਰਨ੍ਤਿ ਗਾવਿਤੋ ਖੀਰਂ। ਖੀਰਮ੍ਹਾ ਦਧੀਤਿਆਦੀਸੁ ਪਰਂ ਪਰਂ ਪੁਰਿਮਤੋ ਪੁਰਿਮਤੋ ਅਗ੍ਗਂ, ਸਪ੍ਪਿਮਣ੍ਡੋ ਪਨ ਤੇਸੁ ਸਬ੍ਬੇਸੁਪਿ ਅਗ੍ਗਮੇવ । ਅਗ੍ਗੋਤਿਆਦੀਸੁ ਗੁਣੇਹਿ ਅਗ੍ਗੋ ਚੇવ ਸੇਟ੍ਠੋ ਚ ਪਮੁਖੋ ਚ ਉਤ੍ਤਮੋ ਚ ਪવਰੋ ਚਾਤਿ વੇਦਿਤਬ੍ਬੋ। ਛવਾਲਾਤੂਪਮਾਯ ਨ ਦੁਸ੍ਸੀਲੋ ਪੁਗ੍ਗਲੋ ਕਥਿਤੋ, ਅਪ੍ਪਸ੍ਸੁਤੋ ਪਨ વਿਸ੍ਸਟ੍ਠਕਮ੍ਮਨ੍ਤੋ ਗੋਣਸਦਿਸੋ ਪੁਗ੍ਗਲੋ ਕਥਿਤੋਤਿ વੇਦਿਤਬ੍ਬੋ। ਛਟ੍ਠੇ ਸਬ੍ਬਂ ਉਤ੍ਤਾਨਤ੍ਥਮੇવ।
95. Pañcame chavālātanti susāne alātaṃ. Majjhegūthagatanti majjhaṭṭhāne gūthamakkhitaṃ. Neva gāme kaṭṭhatthaṃ pharatīti kūṭagopānasithambhasopānādīnaṃ atthāya anupaneyyatāya gāme na kaṭṭhatthaṃ sādheti, khettakuṭipādaṃ vā mañcapādaṃ vā kātuṃ anupaneyyatāya na araññe kaṭṭhatthaṃ sādheti. Dvīsu koṭīsu gayhamānaṃ hatthaṃ ḍahati, majjhe gayhamānaṃ gūthena makkheti. Tathūpamanti taṃsarikkhakaṃ. Abhikkantataroti sundarataro. Paṇītataroti uttamataro. Gavā khīranti gāvito khīraṃ. Khīramhā dadhītiādīsu paraṃ paraṃ purimato purimato aggaṃ, sappimaṇḍo pana tesu sabbesupi aggameva . Aggotiādīsu guṇehi aggo ceva seṭṭho ca pamukho ca uttamo ca pavaro cāti veditabbo. Chavālātūpamāya na dussīlo puggalo kathito, appassuto pana vissaṭṭhakammanto goṇasadiso puggalo kathitoti veditabbo. Chaṭṭhe sabbaṃ uttānatthameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਛવਾਲਾਤਸੁਤ੍ਤਂ • 5. Chavālātasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੬. ਛવਾਲਾਤਸੁਤ੍ਤਾਦਿવਣ੍ਣਨਾ • 5-6. Chavālātasuttādivaṇṇanā
