| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৬-১১. ছেদনসুত্তাদিৰণ্ণনা
6-11. Chedanasuttādivaṇṇanā
১১৬৬-৭১. ছেদনাদীসু ছেদনন্তি হত্থচ্ছেদনাদি। ৰধোতি মরণং। বন্ধোতি রজ্জুবন্ধনাদীহি বন্ধনং। ৰিপরামোসোতি হিমৰিপরামোসো, গুম্বৰিপরামোসোতি দুৰিধো। যং হিমপাতসমযে হিমেন পটিচ্ছন্না হুত্ৰা মগ্গপটিপন্নং জনং মুসন্তি, অযং হিমৰিপরামোসো। যং গুম্বাদিপটিচ্ছন্না মুসন্তি, অযং গুম্বৰিপরামোসো।
1166-71.Chedanādīsu chedananti hatthacchedanādi. Vadhoti maraṇaṃ. Bandhoti rajjubandhanādīhi bandhanaṃ. Viparāmosoti himaviparāmoso, gumbaviparāmosoti duvidho. Yaṃ himapātasamaye himena paṭicchannā hutvā maggapaṭipannaṃ janaṃ musanti, ayaṃ himaviparāmoso. Yaṃ gumbādipaṭicchannā musanti, ayaṃ gumbaviparāmoso.
আলোপো ৰুচ্চতি গামনিগমাদীনং ৰিলোপকরণং। সহসাকারোতি সাহসকিরিযা, গেহং পৰিসিত্ৰা, মনুস্সানং উরে সত্থং ঠপেত্ৰা, ইচ্ছিতভণ্ডগ্গহণং। এৰমেতস্মা ছেদনৰধবন্ধনৰিপরামোসআলোপসহসাকারা পটিৰিরতা। সেসং সব্বত্থ উত্তানত্থমেৰাতি।
Ālopo vuccati gāmanigamādīnaṃ vilopakaraṇaṃ. Sahasākāroti sāhasakiriyā, gehaṃ pavisitvā, manussānaṃ ure satthaṃ ṭhapetvā, icchitabhaṇḍaggahaṇaṃ. Evametasmā chedanavadhabandhanaviparāmosaālopasahasākārā paṭiviratā. Sesaṃ sabbattha uttānatthamevāti.
আমকধঞ্ঞপেয্যালৰণ্ণনা নিট্ঠিতা।
Āmakadhaññapeyyālavaṇṇanā niṭṭhitā.
ইতি সারত্থপ্পকাসিনিযা সংযুত্তনিকায-অট্ঠকথায
Iti sāratthappakāsiniyā saṃyuttanikāya-aṭṭhakathāya
মহাৰগ্গৰণ্ণনা নিট্ঠিতা।
Mahāvaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৬-১১. ছেদনাদিসুত্তং • 6-11. Chedanādisuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬-১১. ছেদনসুত্তাদিৰণ্ণনা • 6-11. Chedanasuttādivaṇṇanā
