| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៨. ឆេត្វាវគ្គោ
8. Chetvāvaggo
១. ឆេត្វាសុត្តវណ្ណនា
1. Chetvāsuttavaṇṇanā
៧១. ឆេត្វាវគ្គស្ស បឋមេ ឆេត្វាតិ វធិត្វា។ សុខំ សេតីតិ កោធបរិឡាហេន អបរិទយ្ហមានត្តា សុខំ សយតិ។ ន សោចតីតិ កោធវិនាសេន វិនដ្ឋទោមនស្សត្តា ន សោចតិ។ វិសមូលស្សាតិ ទុក្ខវិបាកស្ស ។ មធុរគ្គស្សាតិ កុទ្ធស្ស បដិកុជ្ឈិត្វា, អក្កុដ្ឋស្ស បច្ចក្កោសិត្វា, បហដស្ស ច បដិបហរិត្វា សុខំ ឧប្បជ្ជតិ, តំ សន្ធាយ មធុរគ្គោតិ វុត្តោ។ ឥមស្មិំ ហិ ឋានេ បរិយោសានំ អគ្គន្តិ វុត្តំ។ អរិយាតិ ពុទ្ធាទយោ។ បឋមំ។
71. Chetvāvaggassa paṭhame chetvāti vadhitvā. Sukhaṃ setīti kodhapariḷāhena aparidayhamānattā sukhaṃ sayati. Na socatīti kodhavināsena vinaṭṭhadomanassattā na socati. Visamūlassāti dukkhavipākassa . Madhuraggassāti kuddhassa paṭikujjhitvā, akkuṭṭhassa paccakkositvā, pahaṭassa ca paṭipaharitvā sukhaṃ uppajjati, taṃ sandhāya madhuraggoti vutto. Imasmiṃ hi ṭhāne pariyosānaṃ agganti vuttaṃ. Ariyāti buddhādayo. Paṭhamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. ឆេត្វាសុត្តំ • 1. Chetvāsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១. ឆេត្វាសុត្តវណ្ណនា • 1. Chetvāsuttavaṇṇanā
