| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൮. ഛേത്വാവഗ്ഗോ
8. Chetvāvaggo
൧. ഛേത്വാസുത്തവണ്ണനാ
1. Chetvāsuttavaṇṇanā
൭൧. ഛേത്വാവഗ്ഗസ്സ പഠമേ ഛേത്വാതി വധിത്വാ. സുഖം സേതീതി കോധപരിളാഹേന അപരിദയ്ഹമാനത്താ സുഖം സയതി. ന സോചതീതി കോധവിനാസേന വിനട്ഠദോമനസ്സത്താ ന സോചതി. വിസമൂലസ്സാതി ദുക്ഖവിപാകസ്സ . മധുരഗ്ഗസ്സാതി കുദ്ധസ്സ പടികുജ്ഝിത്വാ, അക്കുട്ഠസ്സ പച്ചക്കോസിത്വാ, പഹടസ്സ ച പടിപഹരിത്വാ സുഖം ഉപ്പജ്ജതി, തം സന്ധായ മധുരഗ്ഗോതി വുത്തോ. ഇമസ്മിം ഹി ഠാനേ പരിയോസാനം അഗ്ഗന്തി വുത്തം. അരിയാതി ബുദ്ധാദയോ. പഠമം.
71. Chetvāvaggassa paṭhame chetvāti vadhitvā. Sukhaṃ setīti kodhapariḷāhena aparidayhamānattā sukhaṃ sayati. Na socatīti kodhavināsena vinaṭṭhadomanassattā na socati. Visamūlassāti dukkhavipākassa . Madhuraggassāti kuddhassa paṭikujjhitvā, akkuṭṭhassa paccakkositvā, pahaṭassa ca paṭipaharitvā sukhaṃ uppajjati, taṃ sandhāya madhuraggoti vutto. Imasmiṃ hi ṭhāne pariyosānaṃ agganti vuttaṃ. Ariyāti buddhādayo. Paṭhamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧. ഛേത്വാസുത്തം • 1. Chetvāsuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧. ഛേത്വാസുത്തവണ്ണനാ • 1. Chetvāsuttavaṇṇanā
