| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
216. чиннагажийвараануж̇аананаа
216. Chinnakacīvarānujānanā
345. ат̇а ко бхаг̇аваа рааж̇аг̇ахз яат̇аабхиранд̇ам̣ вихарид̇ваа язна д̣̇агкин̣ааг̇ири д̇зна жааригам̣ баггаами. ад̣̇д̣̇асаа ко бхаг̇аваа маг̇ад̇хакзд̇д̇ам̣ ажчиб̣ад̣̇д̇хам̣ 1 баал̣иб̣ад̣̇д̇хам̣ марияаад̣̇аб̣ад̣̇д̇хам̣ син̇гхаадагаб̣ад̣̇д̇хам̣, д̣̇исваана ааяасманд̇ам̣ аананд̣̇ам̣ ааманд̇зси – ‘‘бассаси но д̇вам̣, аананд̣̇а, маг̇ад̇хакзд̇д̇ам̣ ажчиб̣ад̣̇д̇хам̣ баал̣иб̣ад̣̇д̇хам̣ марияаад̣̇аб̣ад̣̇д̇хам̣ син̇гхаадагаб̣ад̣̇д̇ха’’нд̇и? ‘‘звам̣, бханд̇з’’д̇и. ‘‘уссахаси д̇вам̣, аананд̣̇а, бхигкуунам̣ зваруубаани жийвараани сам̣вид̣̇ахид̇у’’нд̇и? ‘‘уссахаами, бхаг̇аваа’’д̇и. ат̇а ко бхаг̇аваа д̣̇агкин̣ааг̇ирисмим̣ яат̇аабхиранд̇ам̣ вихарид̇ваа бунад̣̇зва рааж̇аг̇ахам̣ бажжааг̇ан̃чи. ат̇а ко ааяасмаа аананд̣̇о самб̣ахулаанам̣ бхигкуунам̣ жийвараани сам̣вид̣̇ахид̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘бассад̇у мз 2, бханд̇з, бхаг̇аваа жийвараани сам̣вид̣̇ахид̇ааний’’д̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘бан̣д̣ид̇о, бхигкавз, аананд̣̇о; махаабан̃н̃о, бхигкавз, аананд̣̇о; яад̇ра хи наама маяаа сам̣кид̇д̇зна бхаасид̇асса вид̇т̇аарзна ад̇т̇ам̣ ааж̇ааниссад̇и, гусимби наама гариссад̇и, ад̣дхагусимби наама гариссад̇и, ман̣д̣аламби наама гариссад̇и , ад̣дхаман̣д̣аламби наама гариссад̇и, виваддамби наама гариссад̇и, анувиваддамби наама гариссад̇и, г̇ийвзяяагамби наама гариссад̇и, ж̇ан̇гхзяяагамби наама гариссад̇и, б̣ааханд̇амби наама гариссад̇и, чиннагам̣ бхависсад̇и, сад̇т̇алуукам̣ саман̣асааруббам̣ бажжад̇т̇игаанан̃жа анабхижчид̇ам̣. ануж̇аанаами, бхигкавз, чиннагам̣ сан̇гхаадим̣ чиннагам̣ уд̇д̇араасан̇г̇ам̣ чиннагам̣ анд̇араваасага’’нд̇и.
345. Atha kho bhagavā rājagahe yathābhirantaṃ viharitvā yena dakkhiṇāgiri tena cārikaṃ pakkāmi. Addasā kho bhagavā magadhakhettaṃ acchibaddhaṃ 3 pāḷibaddhaṃ mariyādabaddhaṃ siṅghāṭakabaddhaṃ, disvāna āyasmantaṃ ānandaṃ āmantesi – ‘‘passasi no tvaṃ, ānanda, magadhakhettaṃ acchibaddhaṃ pāḷibaddhaṃ mariyādabaddhaṃ siṅghāṭakabaddha’’nti? ‘‘Evaṃ, bhante’’ti. ‘‘Ussahasi tvaṃ, ānanda, bhikkhūnaṃ evarūpāni cīvarāni saṃvidahitu’’nti? ‘‘Ussahāmi, bhagavā’’ti. Atha kho bhagavā dakkhiṇāgirismiṃ yathābhirantaṃ viharitvā punadeva rājagahaṃ paccāgañchi. Atha kho āyasmā ānando sambahulānaṃ bhikkhūnaṃ cīvarāni saṃvidahitvā yena bhagavā tenupasaṅkami; upasaṅkamitvā bhagavantaṃ etadavoca – ‘‘passatu me 4, bhante, bhagavā cīvarāni saṃvidahitānī’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘paṇḍito, bhikkhave, ānando; mahāpañño, bhikkhave, ānando; yatra hi nāma mayā saṃkhittena bhāsitassa vitthārena atthaṃ ājānissati, kusimpi nāma karissati, aḍḍhakusimpi nāma karissati, maṇḍalampi nāma karissati , aḍḍhamaṇḍalampi nāma karissati, vivaṭṭampi nāma karissati, anuvivaṭṭampi nāma karissati, gīveyyakampi nāma karissati, jaṅgheyyakampi nāma karissati, bāhantampi nāma karissati, chinnakaṃ bhavissati, satthalūkhaṃ samaṇasāruppaṃ paccatthikānañca anabhicchitaṃ. Anujānāmi, bhikkhave, chinnakaṃ saṅghāṭiṃ chinnakaṃ uttarāsaṅgaṃ chinnakaṃ antaravāsaka’’nti.
чиннагажийвараануж̇аананаа нидтид̇аа.
Chinnakacīvarānujānanā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / чиннагажийвараануж̇аананагат̇аа • Chinnakacīvarānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 216. чиннагажийвараануж̇аананагат̇аа • 216. Chinnakacīvarānujānanakathā
