| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
чиннагажийвараануж̇аананагат̇аа
Chinnakacīvarānujānanakathā
345. ажчиб̣ад̣̇д̇ханд̇и жад̇урассагзд̣̇аарагаб̣ад̣̇д̇хам̣. баал̣иб̣ад̣̇д̇ханд̇и ааяаамад̇о жа вид̇т̇аарад̇о жа д̣̇ийгхамарияаад̣̇аб̣ад̣̇д̇хам̣. марияаад̣̇аб̣ад̣̇д̇ханд̇и анд̇аранд̇араа рассамарияаад̣̇аб̣ад̣̇д̇хам̣. син̇гхаадагаб̣ад̣̇д̇ханд̇и марияаад̣̇ааяа марияаад̣̇ам̣ винивиж̇жхид̇ваа г̇ад̇адтаанз син̇гхаадагаб̣ад̣̇д̇хам̣; жад̇уггасан̣таананд̇и ад̇т̇о. сам̣вид̣̇ахид̇унд̇и гаад̇ум̣. уссахаси д̇вам̣ аананд̣̇аад̇и саггоси д̇вам̣ аананд̣̇а. уссахаами бхаг̇аваад̇и д̇умхзхи д̣̇иннанаязна саггомийд̇и д̣̇ассзд̇и. яад̇ра хи наамаад̇и яо наама. гусимби наамаад̇иаад̣̇ийсу гусийд̇и ааяаамад̇о жа вид̇т̇аарад̇о жа ануваад̇аад̣̇ийнам̣ д̣̇ийгхабад̇д̇аанамзд̇ам̣ ад̇хиважанам̣. ад̣дхагусийд̇и анд̇аранд̇араа рассабад̇д̇аанам̣ наамам̣. ман̣д̣аланд̇и бан̃жакан̣д̣игажийварасса згзгасмим̣ кан̣д̣з махааман̣д̣алам̣. ад̣дхаман̣д̣аланд̇и куд̣̇д̣̇агаман̣д̣алам̣. вивадданд̇и ман̣д̣алан̃жа ад̣дхаман̣д̣алан̃жа згад̇о гад̇ваа сиб̣б̣ид̇ам̣ маж̇жхимакан̣д̣ам̣.
345.Acchibaddhanti caturassakedārakabaddhaṃ. Pāḷibaddhanti āyāmato ca vitthārato ca dīghamariyādabaddhaṃ. Mariyādabaddhanti antarantarā rassamariyādabaddhaṃ. Siṅghāṭakabaddhanti mariyādāya mariyādaṃ vinivijjhitvā gataṭṭhāne siṅghāṭakabaddhaṃ; catukkasaṇṭhānanti attho. Saṃvidahitunti kātuṃ. Ussahasi tvaṃ ānandāti sakkosi tvaṃ ānanda. Ussahāmi bhagavāti tumhehi dinnanayena sakkomīti dasseti. Yatra hi nāmāti yo nāma. Kusimpi nāmātiādīsu kusīti āyāmato ca vitthārato ca anuvātādīnaṃ dīghapattānametaṃ adhivacanaṃ. Aḍḍhakusīti antarantarā rassapattānaṃ nāmaṃ. Maṇḍalanti pañcakhaṇḍikacīvarassa ekekasmiṃ khaṇḍe mahāmaṇḍalaṃ. Aḍḍhamaṇḍalanti khuddakamaṇḍalaṃ. Vivaṭṭanti maṇḍalañca aḍḍhamaṇḍalañca ekato katvā sibbitaṃ majjhimakhaṇḍaṃ.
анувивадданд̇и д̇асса убхосу бассзсу д̣̇вз кан̣д̣аани. г̇ийвзяяаганд̇и г̇ийваавзтанадтаанз д̣̇ал̣хийгаран̣ад̇т̇ам̣ ан̃н̃ам̣ суд̇д̇асам̣сиб̣б̣ид̇ам̣ ааг̇анд̇угабад̇д̇ам̣. ж̇ан̇гхзяяаганд̇и ж̇ан̇гхабаабун̣анадтаанз д̇ат̇зва сам̣сиб̣б̣ид̇ам̣ бад̇д̇ам̣. г̇ийвадтаанз жа ж̇ан̇гхадтаанз жа бад̇д̇аанамзвзд̇ам̣ нааманд̇иби вад̣̇анд̇и. б̣ааханд̇анд̇и анувиваддаанам̣ б̣ахи згзгам̣ кан̣д̣ам̣. ид̇и бан̃жакан̣д̣игажийварзнзд̇ам̣ вижаарид̇анд̇и. ат̇а ваа анувивадданд̇и виваддасса згабассад̇о д̣̇виннам̣ згабассад̇о д̣̇виннанд̇и жад̇уннамби кан̣д̣аанамзд̇ам̣ наамам̣. б̣ааханд̇анд̇и суббамаан̣ам̣ жийварам̣ баарубанд̇зна сам̣харид̇ваа б̣аахааяа убари табид̇аа убхо анд̇аа б̣ахимукаа д̇идтанд̇и, д̇зсам̣ зд̇ам̣ наамам̣. аяамзва хи наяо махааадтагат̇ааяам̣ вуд̇д̇од̇и.
Anuvivaṭṭanti tassa ubhosu passesu dve khaṇḍāni. Gīveyyakanti gīvāveṭhanaṭṭhāne daḷhīkaraṇatthaṃ aññaṃ suttasaṃsibbitaṃ āgantukapattaṃ. Jaṅgheyyakanti jaṅghapāpuṇanaṭṭhāne tatheva saṃsibbitaṃ pattaṃ. Gīvaṭṭhāne ca jaṅghaṭṭhāne ca pattānamevetaṃ nāmantipi vadanti. Bāhantanti anuvivaṭṭānaṃ bahi ekekaṃ khaṇḍaṃ. Iti pañcakhaṇḍikacīvarenetaṃ vicāritanti. Atha vā anuvivaṭṭanti vivaṭṭassa ekapassato dvinnaṃ ekapassato dvinnanti catunnampi khaṇḍānametaṃ nāmaṃ. Bāhantanti suppamāṇaṃ cīvaraṃ pārupantena saṃharitvā bāhāya upari ṭhapitā ubho antā bahimukhā tiṭṭhanti, tesaṃ etaṃ nāmaṃ. Ayameva hi nayo mahāaṭṭhakathāyaṃ vuttoti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 216. чиннагажийвараануж̇аананаа • 216. Chinnakacīvarānujānanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 216. чиннагажийвараануж̇аананагат̇аа • 216. Chinnakacīvarānujānanakathā
