| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
216. чиннагажийвараануж̇аананагат̇аа
216. Chinnakacīvarānujānanakathā
345. д̣̇ийгхамарияаад̣̇аб̣ад̣̇д̇ханд̇и д̣̇ийгхзна марияаад̣̇зна б̣ад̣̇д̇хам̣. жад̇уггасан̣таананд̇и жад̇уннам̣ маг̇г̇аанам̣ самод̇хаанасан̣таанам̣. уссахаси д̇ванд̇и зд̇т̇а убуб̣б̣о сахад̇хаад̇у самад̇т̇ад̇т̇од̇и ааха ‘‘саггоси д̇ва’’нд̇и. бабуб̣б̣о бана абхибхаванад̇т̇о ход̇и ‘‘басахад̇ий’’д̇иаад̣̇ийсу. яо наамаад̇и яо аананд̣̇о ааж̇ааниссад̇и наама, со аананд̣̇о бан̣д̣ид̇од̇и яож̇анаа. ‘‘гусий’’д̇и зд̇ам̣ наамам̣ ад̇хиважананд̇и яож̇анаа. ануваад̇аад̣̇ийнанд̇и аад̣̇исад̣̇д̣̇зна барибхан̣д̣аад̣̇ийни сан̇г̇ан̣хаад̇и. ‘‘ад̣дхагусий’’д̇и зд̇анд̇и яож̇анаа.
345.Dīghamariyādabaddhanti dīghena mariyādena baddhaṃ. Catukkasaṇṭhānanti catunnaṃ maggānaṃ samodhānasaṇṭhānaṃ. Ussahasi tvanti ettha upubbo sahadhātu samatthatthoti āha ‘‘sakkosi tva’’nti. Papubbo pana abhibhavanattho hoti ‘‘pasahatī’’tiādīsu. Yo nāmāti yo ānando ājānissati nāma, so ānando paṇḍitoti yojanā. ‘‘Kusī’’ti etaṃ nāmaṃ adhivacananti yojanā. Anuvātādīnanti ādisaddena paribhaṇḍādīni saṅgaṇhāti. ‘‘Aḍḍhakusī’’ti etanti yojanā.
г̇ийвзяяаганд̇и зд̇т̇а г̇ийвааяам̣ суд̇д̇асам̣сиб̣б̣ид̇ам̣ г̇ийвзяяаганд̇и важанад̇т̇ам̣ д̣̇ассзнд̇о ааха ‘‘г̇ийваавзтанадтаанз’’д̇иаад̣̇и. ‘‘ааг̇анд̇угабадда’’нд̇и иминаа зяяагабажжаяасса саруубам̣ д̣̇ассзд̇и. зсзва наяо ж̇ан̇гхзяяаганд̇и зд̇т̇ааби. зд̇ам̣ нааманд̇и ‘‘г̇ийвзяяагам̣, ж̇ан̇гхзяяага’’нд̇и зд̇ам̣ наамам̣. ид̇ийд̇и звам̣. зд̇анд̇и ‘‘анувивадда’’нд̇иаад̣̇и зд̇ам̣. ‘‘анувивадда’’нд̇и зд̇ам̣ нааманд̇и яож̇анаа. виваддассаад̇и маж̇жхимакан̣д̣агасса. б̣ааханд̇анд̇и зд̇т̇а б̣аахааяа убари табид̇аа анд̇аа б̣ааханд̇аад̇и важанад̇т̇ам̣ д̣̇ассзнд̇о ааха ‘‘б̣аахааяаа’’д̇иаад̣̇и. д̇зсанд̇и убхиннаманд̇аанам̣. зд̇анд̇и ‘‘б̣ааханд̇а’’нд̇и зд̇ам̣.
Gīveyyakanti ettha gīvāyaṃ suttasaṃsibbitaṃ gīveyyakanti vacanatthaṃ dassento āha ‘‘gīvāveṭhanaṭṭhāne’’tiādi. ‘‘Āgantukapaṭṭa’’nti iminā eyyakapaccayassa sarūpaṃ dasseti. Eseva nayo jaṅgheyyakanti etthāpi. Etaṃ nāmanti ‘‘gīveyyakaṃ, jaṅgheyyaka’’nti etaṃ nāmaṃ. Itīti evaṃ. Etanti ‘‘anuvivaṭṭa’’ntiādi etaṃ. ‘‘Anuvivaṭṭa’’nti etaṃ nāmanti yojanā. Vivaṭṭassāti majjhimakhaṇḍakassa. Bāhantanti ettha bāhāya upari ṭhapitā antā bāhantāti vacanatthaṃ dassento āha ‘‘bāhāyā’’tiādi. Tesanti ubhinnamantānaṃ. Etanti ‘‘bāhanta’’nti etaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 216. чиннагажийвараануж̇аананаа • 216. Chinnakacīvarānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / чиннагажийвараануж̇аананагат̇аа • Chinnakacīvarānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
