| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๒๑๖. ฉินฺนกจีวรานุชานนกถา
216. Chinnakacīvarānujānanakathā
๓๔๕. ทีฆมริยาทพทฺธนฺติ ทีเฆน มริยาเทน พทฺธํฯ จตุกฺกสณฺฐานนฺติ จตุนฺนํ มคฺคานํ สโมธานสณฺฐานํฯ อุสฺสหสิ ตฺวนฺติ เอตฺถ อุปุโพฺพ สหธาตุ สมตฺถโตฺถติ อาห ‘‘สโกฺกสิ ตฺว’’นฺติฯ ปปุโพฺพ ปน อภิภวนโตฺถ โหติ ‘‘ปสหตี’’ติอาทีสุฯ โย นามาติ โย อานโนฺท อาชานิสฺสติ นาม, โส อานโนฺท ปณฺฑิโตติ โยชนาฯ ‘‘กุสี’’ติ เอตํ นามํ อธิวจนนฺติ โยชนาฯ อนุวาตาทีนนฺติ อาทิสเทฺทน ปริภณฺฑาทีนิ สงฺคณฺหาติฯ ‘‘อฑฺฒกุสี’’ติ เอตนฺติ โยชนาฯ
345.Dīghamariyādabaddhanti dīghena mariyādena baddhaṃ. Catukkasaṇṭhānanti catunnaṃ maggānaṃ samodhānasaṇṭhānaṃ. Ussahasi tvanti ettha upubbo sahadhātu samatthatthoti āha ‘‘sakkosi tva’’nti. Papubbo pana abhibhavanattho hoti ‘‘pasahatī’’tiādīsu. Yo nāmāti yo ānando ājānissati nāma, so ānando paṇḍitoti yojanā. ‘‘Kusī’’ti etaṃ nāmaṃ adhivacananti yojanā. Anuvātādīnanti ādisaddena paribhaṇḍādīni saṅgaṇhāti. ‘‘Aḍḍhakusī’’ti etanti yojanā.
คีเวยฺยกนฺติ เอตฺถ คีวายํ สุตฺตสํสิพฺพิตํ คีเวยฺยกนฺติ วจนตฺถํ ทเสฺสโนฺต อาห ‘‘คีวาเวฐนฎฺฐาเน’’ติอาทิฯ ‘‘อาคนฺตุกปฎฺฎ’’นฺติ อิมินา เอยฺยกปจฺจยสฺส สรูปํ ทเสฺสติฯ เอเสว นโย ชเงฺฆยฺยกนฺติ เอตฺถาปิฯ เอตํ นามนฺติ ‘‘คีเวยฺยกํ, ชเงฺฆยฺยก’’นฺติ เอตํ นามํฯ อิตีติ เอวํฯ เอตนฺติ ‘‘อนุวิวฎฺฎ’’นฺติอาทิ เอตํฯ ‘‘อนุวิวฎฺฎ’’นฺติ เอตํ นามนฺติ โยชนาฯ วิวฎฺฎสฺสาติ มชฺฌิมขณฺฑกสฺสฯ พาหนฺตนฺติ เอตฺถ พาหาย อุปริ ฐปิตา อนฺตา พาหนฺตาติ วจนตฺถํ ทเสฺสโนฺต อาห ‘‘พาหายา’’ติอาทิฯ เตสนฺติ อุภินฺนมนฺตานํฯ เอตนฺติ ‘‘พาหนฺต’’นฺติ เอตํฯ
Gīveyyakanti ettha gīvāyaṃ suttasaṃsibbitaṃ gīveyyakanti vacanatthaṃ dassento āha ‘‘gīvāveṭhanaṭṭhāne’’tiādi. ‘‘Āgantukapaṭṭa’’nti iminā eyyakapaccayassa sarūpaṃ dasseti. Eseva nayo jaṅgheyyakanti etthāpi. Etaṃ nāmanti ‘‘gīveyyakaṃ, jaṅgheyyaka’’nti etaṃ nāmaṃ. Itīti evaṃ. Etanti ‘‘anuvivaṭṭa’’ntiādi etaṃ. ‘‘Anuvivaṭṭa’’nti etaṃ nāmanti yojanā. Vivaṭṭassāti majjhimakhaṇḍakassa. Bāhantanti ettha bāhāya upari ṭhapitā antā bāhantāti vacanatthaṃ dassento āha ‘‘bāhāyā’’tiādi. Tesanti ubhinnamantānaṃ. Etanti ‘‘bāhanta’’nti etaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๒๑๖. ฉินฺนกจีวรานุชานนา • 216. Chinnakacīvarānujānanā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / ฉินฺนกจีวรานุชานนกถา • Chinnakacīvarānujānanakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / จีวรรชนกถาทิวณฺณนา • Cīvararajanakathādivaṇṇanā
