| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਛਿਨ੍ਨਕਚੀવਰਾਨੁਜਾਨਨਕਥਾ
Chinnakacīvarānujānanakathā
੩੪੫. ਅਚ੍ਛਿਬਦ੍ਧਨ੍ਤਿ ਚਤੁਰਸ੍ਸਕੇਦਾਰਕਬਦ੍ਧਂ। ਪਾਲ਼ਿਬਦ੍ਧਨ੍ਤਿ ਆਯਾਮਤੋ ਚ વਿਤ੍ਥਾਰਤੋ ਚ ਦੀਘਮਰਿਯਾਦਬਦ੍ਧਂ। ਮਰਿਯਾਦਬਦ੍ਧਨ੍ਤਿ ਅਨ੍ਤਰਨ੍ਤਰਾ ਰਸ੍ਸਮਰਿਯਾਦਬਦ੍ਧਂ। ਸਿਙ੍ਘਾਟਕਬਦ੍ਧਨ੍ਤਿ ਮਰਿਯਾਦਾਯ ਮਰਿਯਾਦਂ વਿਨਿવਿਜ੍ਝਿਤ੍વਾ ਗਤਟ੍ਠਾਨੇ ਸਿਙ੍ਘਾਟਕਬਦ੍ਧਂ; ਚਤੁਕ੍ਕਸਣ੍ਠਾਨਨ੍ਤਿ ਅਤ੍ਥੋ। ਸਂવਿਦਹਿਤੁਨ੍ਤਿ ਕਾਤੁਂ। ਉਸ੍ਸਹਸਿ ਤ੍વਂ ਆਨਨ੍ਦਾਤਿ ਸਕ੍ਕੋਸਿ ਤ੍વਂ ਆਨਨ੍ਦ। ਉਸ੍ਸਹਾਮਿ ਭਗવਾਤਿ ਤੁਮ੍ਹੇਹਿ ਦਿਨ੍ਨਨਯੇਨ ਸਕ੍ਕੋਮੀਤਿ ਦਸ੍ਸੇਤਿ। ਯਤ੍ਰ ਹਿ ਨਾਮਾਤਿ ਯੋ ਨਾਮ। ਕੁਸਿਮ੍ਪਿ ਨਾਮਾਤਿਆਦੀਸੁ ਕੁਸੀਤਿ ਆਯਾਮਤੋ ਚ વਿਤ੍ਥਾਰਤੋ ਚ ਅਨੁવਾਤਾਦੀਨਂ ਦੀਘਪਤ੍ਤਾਨਮੇਤਂ ਅਧਿવਚਨਂ। ਅਡ੍ਢਕੁਸੀਤਿ ਅਨ੍ਤਰਨ੍ਤਰਾ ਰਸ੍ਸਪਤ੍ਤਾਨਂ ਨਾਮਂ। ਮਣ੍ਡਲਨ੍ਤਿ ਪਞ੍ਚਖਣ੍ਡਿਕਚੀવਰਸ੍ਸ ਏਕੇਕਸ੍ਮਿਂ ਖਣ੍ਡੇ ਮਹਾਮਣ੍ਡਲਂ। ਅਡ੍ਢਮਣ੍ਡਲਨ੍ਤਿ ਖੁਦ੍ਦਕਮਣ੍ਡਲਂ। વਿવਟ੍ਟਨ੍ਤਿ ਮਣ੍ਡਲਞ੍ਚ ਅਡ੍ਢਮਣ੍ਡਲਞ੍ਚ ਏਕਤੋ ਕਤ੍વਾ ਸਿਬ੍ਬਿਤਂ ਮਜ੍ਝਿਮਖਣ੍ਡਂ।
345.Acchibaddhanti caturassakedārakabaddhaṃ. Pāḷibaddhanti āyāmato ca vitthārato ca dīghamariyādabaddhaṃ. Mariyādabaddhanti antarantarā rassamariyādabaddhaṃ. Siṅghāṭakabaddhanti mariyādāya mariyādaṃ vinivijjhitvā gataṭṭhāne siṅghāṭakabaddhaṃ; catukkasaṇṭhānanti attho. Saṃvidahitunti kātuṃ. Ussahasi tvaṃ ānandāti sakkosi tvaṃ ānanda. Ussahāmi bhagavāti tumhehi dinnanayena sakkomīti dasseti. Yatra hi nāmāti yo nāma. Kusimpi nāmātiādīsu kusīti āyāmato ca vitthārato ca anuvātādīnaṃ dīghapattānametaṃ adhivacanaṃ. Aḍḍhakusīti antarantarā rassapattānaṃ nāmaṃ. Maṇḍalanti pañcakhaṇḍikacīvarassa ekekasmiṃ khaṇḍe mahāmaṇḍalaṃ. Aḍḍhamaṇḍalanti khuddakamaṇḍalaṃ. Vivaṭṭanti maṇḍalañca aḍḍhamaṇḍalañca ekato katvā sibbitaṃ majjhimakhaṇḍaṃ.
ਅਨੁવਿવਟ੍ਟਨ੍ਤਿ ਤਸ੍ਸ ਉਭੋਸੁ ਪਸ੍ਸੇਸੁ ਦ੍વੇ ਖਣ੍ਡਾਨਿ। ਗੀવੇਯ੍ਯਕਨ੍ਤਿ ਗੀવਾવੇਠਨਟ੍ਠਾਨੇ ਦਲ਼੍ਹੀਕਰਣਤ੍ਥਂ ਅਞ੍ਞਂ ਸੁਤ੍ਤਸਂਸਿਬ੍ਬਿਤਂ ਆਗਨ੍ਤੁਕਪਤ੍ਤਂ। ਜਙ੍ਘੇਯ੍ਯਕਨ੍ਤਿ ਜਙ੍ਘਪਾਪੁਣਨਟ੍ਠਾਨੇ ਤਥੇવ ਸਂਸਿਬ੍ਬਿਤਂ ਪਤ੍ਤਂ। ਗੀવਟ੍ਠਾਨੇ ਚ ਜਙ੍ਘਟ੍ਠਾਨੇ ਚ ਪਤ੍ਤਾਨਮੇવੇਤਂ ਨਾਮਨ੍ਤਿਪਿ વਦਨ੍ਤਿ। ਬਾਹਨ੍ਤਨ੍ਤਿ ਅਨੁવਿવਟ੍ਟਾਨਂ ਬਹਿ ਏਕੇਕਂ ਖਣ੍ਡਂ। ਇਤਿ ਪਞ੍ਚਖਣ੍ਡਿਕਚੀવਰੇਨੇਤਂ વਿਚਾਰਿਤਨ੍ਤਿ। ਅਥ વਾ ਅਨੁવਿવਟ੍ਟਨ੍ਤਿ વਿવਟ੍ਟਸ੍ਸ ਏਕਪਸ੍ਸਤੋ ਦ੍વਿਨ੍ਨਂ ਏਕਪਸ੍ਸਤੋ ਦ੍વਿਨ੍ਨਨ੍ਤਿ ਚਤੁਨ੍ਨਮ੍ਪਿ ਖਣ੍ਡਾਨਮੇਤਂ ਨਾਮਂ। ਬਾਹਨ੍ਤਨ੍ਤਿ ਸੁਪ੍ਪਮਾਣਂ ਚੀવਰਂ ਪਾਰੁਪਨ੍ਤੇਨ ਸਂਹਰਿਤ੍વਾ ਬਾਹਾਯ ਉਪਰਿ ਠਪਿਤਾ ਉਭੋ ਅਨ੍ਤਾ ਬਹਿਮੁਖਾ ਤਿਟ੍ਠਨ੍ਤਿ, ਤੇਸਂ ਏਤਂ ਨਾਮਂ। ਅਯਮੇવ ਹਿ ਨਯੋ ਮਹਾਅਟ੍ਠਕਥਾਯਂ વੁਤ੍ਤੋਤਿ।
Anuvivaṭṭanti tassa ubhosu passesu dve khaṇḍāni. Gīveyyakanti gīvāveṭhanaṭṭhāne daḷhīkaraṇatthaṃ aññaṃ suttasaṃsibbitaṃ āgantukapattaṃ. Jaṅgheyyakanti jaṅghapāpuṇanaṭṭhāne tatheva saṃsibbitaṃ pattaṃ. Gīvaṭṭhāne ca jaṅghaṭṭhāne ca pattānamevetaṃ nāmantipi vadanti. Bāhantanti anuvivaṭṭānaṃ bahi ekekaṃ khaṇḍaṃ. Iti pañcakhaṇḍikacīvarenetaṃ vicāritanti. Atha vā anuvivaṭṭanti vivaṭṭassa ekapassato dvinnaṃ ekapassato dvinnanti catunnampi khaṇḍānametaṃ nāmaṃ. Bāhantanti suppamāṇaṃ cīvaraṃ pārupantena saṃharitvā bāhāya upari ṭhapitā ubho antā bahimukhā tiṭṭhanti, tesaṃ etaṃ nāmaṃ. Ayameva hi nayo mahāaṭṭhakathāyaṃ vuttoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੧੬. ਛਿਨ੍ਨਕਚੀવਰਾਨੁਜਾਨਨਾ • 216. Chinnakacīvarānujānanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚੀવਰਰਜਨਕਥਾਦਿવਣ੍ਣਨਾ • Cīvararajanakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੧੬. ਛਿਨ੍ਨਕਚੀવਰਾਨੁਜਾਨਨਕਥਾ • 216. Chinnakacīvarānujānanakathā
