| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
3-4. චින්‌තීසුත්‌තාදිවණ්‌ණනා
3-4. Cintīsuttādivaṇṇanā
3-4. තතියෙ එතෙහීති දුච්‌චින්‌තිතචින්‌තිතාදීහි. එතෙන ලක්‌ඛණසද්‌දස්‌ස සරණත්‌ථතමාහ. තානෙවාති ලක්‌ඛණානි එව. අස්‌සාති බාලස්‌ස. බාලො අයන්‌ති නිමීයති සඤ්‌ජානීයති එතෙහීති බාලනිමිත්‌තානි. අපදානං වුච්‌චති, විඛ්‍යාතං කම්‌මං, දුච්‌චින්‌තිතචින්‌තිතාදීනි ච බාලෙ විඛ්‍යාතානි අසාධාරණභාවෙන. තස්‌මා ‘‘බාලස්‌ස අපදානානී’’ති. අභිජ්‌ඣාදීහි දුට්‌ඨං දූසිතං චින්‌තිතං දුච්‌චින්‌තිතං, තං චින්‌තෙතීති දුච්‌චින්‌තිතචින්‌තී. ලොභාදීහි දුට්‌ඨං භාසිතං මුසාවාදාදිං භාසතීති දුබ්‌භාසිතභාසී. තෙසංයෙව වසෙන කත්‌තබ්‌බතො දුක්‌කටකම්‌මං පාණාතිපාතාදිං කරොතීති දුක්‌කටකම්‌මකාරී. තෙනාහ ‘‘චින්‌තයන්‌තො’’තිආදි. වුත්‌තානුසාරෙනාති ‘‘බාලො අය’’න්‌තිආදිනා වුත්‌තස්‌ස අත්‌ථවචනස්‌ස ‘‘පණ්‌ඩිතො අයන්‌ති එතෙහි ලක්‌ඛීයතී’’තිආදිනා අනුස්‌සරණෙන. මනොසුචරිතාදීනං වසෙනාති ‘‘චින්‌තයන්‌තො අනභිජ්‌ඣාබ්‍යාපාදසම්‌මාදස්‌සනවසෙන සුචින්‌තිතමෙව චින්‌තෙතී’’තිආදිනා මනොසුචරිතාදීනං තිණ්‌ණං සුචරිතානං වසෙන යොජෙතබ්‌බානි. චතුත්‌ථං වුත්‌තනයත්‌තා උත්‌තානත්‌ථමෙව.
3-4. Tatiye etehīti duccintitacintitādīhi. Etena lakkhaṇasaddassa saraṇatthatamāha. Tānevāti lakkhaṇāni eva. Assāti bālassa. Bālo ayanti nimīyati sañjānīyati etehīti bālanimittāni. Apadānaṃ vuccati, vikhyātaṃ kammaṃ, duccintitacintitādīni ca bāle vikhyātāni asādhāraṇabhāvena. Tasmā ‘‘bālassa apadānānī’’ti. Abhijjhādīhi duṭṭhaṃ dūsitaṃ cintitaṃ duccintitaṃ, taṃ cintetīti duccintitacintī. Lobhādīhi duṭṭhaṃ bhāsitaṃ musāvādādiṃ bhāsatīti dubbhāsitabhāsī. Tesaṃyeva vasena kattabbato dukkaṭakammaṃ pāṇātipātādiṃ karotīti dukkaṭakammakārī. Tenāha ‘‘cintayanto’’tiādi. Vuttānusārenāti ‘‘bālo aya’’ntiādinā vuttassa atthavacanassa ‘‘paṇḍito ayanti etehi lakkhīyatī’’tiādinā anussaraṇena. Manosucaritādīnaṃ vasenāti ‘‘cintayanto anabhijjhābyāpādasammādassanavasena sucintitameva cintetī’’tiādinā manosucaritādīnaṃ tiṇṇaṃ sucaritānaṃ vasena yojetabbāni. Catutthaṃ vuttanayattā uttānatthameva.
චින්‌තීසුත්‌තාදිවණ්‌ණනා නිට්‌ඨිතා.
Cintīsuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
3. චින්‌තීසුත්‌තං • 3. Cintīsuttaṃ
4. අච්‌චයසුත්‌තං • 4. Accayasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
3. චින්‌තීසුත්‌තවණ්‌ණනා • 3. Cintīsuttavaṇṇanā
4. අච්‌චයසුත්‌තවණ්‌ණනා • 4. Accayasuttavaṇṇanā
